Bhatti Vikramarka: డిప్యూటీ సీఎం భట్టి విక్రమార్కను కలిసిన వైఎస్‌ షర్మిల

తెలంగాణ డిప్యూటీ సీఎం భట్టివిక్రమార్కను (Bhatti Vikramarka) ఆంధ్రప్రదేశ్‌ పీసీసీ అధ్యక్షురాలు వైఎస్‌ షర్మిల (YS Sharmila) కలిశారు. మంగళవారం ఉదయం ప్రజాభవన్‌లోని భట్టి నివాసానికి వెళ్లిన షర్మిల ఆయనతో ప్రత్యేకంగా సమావేశమయ్యారు. ఈ నెల 8వ తేదీన మాజీ ముఖ్యమంత్రి దివంగత వై.ఎస్‌.రాజశేఖర్‌ రెడ్డి జయంతి వేడుకలకు రావాలని ఆయన్ను షర్మిల ఆహ్వానించారు. ఈ సందర్భంగా తెలుగురాష్ట్రాల రాజకీయ పరిస్థితులపై వారు చర్చించినట్లు తెలుస్తోంది.