Ambani: ఘనంగా అనంత్‌ అంబానీ- రాధికల ప్రీవెడ్డింగ్‌ వేడుకలు

ప్రముఖ పారిశ్రామికవేత్త ముఖేష్ అంబానీ చిన్నకుమారుడు అనంత్ అంబానీ వివాహ ముందస్తు వేడుకలు ఘనంగా జరుగుతున్నాయి. ముంబయిలో గుజరాతీ సంప్రదాయం ప్రకారం ‘మొసాలు’ అనే వేడుకను అట్టహాసంగా నిర్వహించారు. వరుడు అనంత్ అంబానీ, వధువు రాధిక మర్చంట్ కుటుంబ సభ్యుల సమక్షంలో ఈ కార్యక్రమంగా నిర్వహించారు. పెళ్లికి కొద్దిరోజుల ముందు ‘మొసాలు’ వేడుక నిర్వహిస్తారు. అనంత్ అంబానీ తల్లి అయిన నీతా అంబానీ పుట్టింటి వారు ఈ వేడుకలో ముఖ్యపాత్ర పోషించారు. నీతా అంబానీ తల్లి పూర్ణిమ దలాల్, ఆమె చెల్లి మమతా దలాల్ వరుడు ఇంటికి వచ్చి బహుమతులు ఇచ్చి ఆశీర్వదించారు. అలాగే వధువు రాధిక మర్చంట్ మేనమామ కుటుంబ సభ్యులు కూడా.. కాబోయే దంపతులను ఆశీర్వదించి సంప్రదాయ బహుమతులను అందజేశారు.