Hurricane Beryl: కరీబియన్ దీవులను గజగజలాడించిన బెరిల్ హరికేన్

కరీబియన్ దీవులను బెరిల్ హరికేన్ గజగజలాడించింది. దాదాపు గంటకు 160 కిలోమీటర్ల వేగంతో వీచిన గాలుల ధాటికి బార్బడోస్, గ్రెనెడా, టొబాగో, సెయింట్ విన్సెంట్, గ్రెనెడీస్ తదితర ప్రాంతాల్లో పెను విధ్వంసం జరిగింది. అత్యంత ప్రమాదకరమైన కేటగిరి 5 తుపానుగా బలపడిన బెరిల్ హరికేన్ ధాటికి చాలా ప్రాంతాల్లో ఇళ్ల పైకప్పులు ఎగిరిపోయాయి. భారీ వృక్షాలూ వేళ్లతో సహా నేలకూలాయి. గ్రెనెడాలోని క్యారియకో ద్వీపం వద్ద తీరం దాటిన హరికేన్ బెరిల్.. మెక్సికోలోనూ అలజడి సృష్టించింది.