Nirmal: నిర్మల్ జిల్లాలో వృద్ధురాలిపై వీధి కుక్కల దాడి..!

నిర్మల్ జిల్లాలో కుక్కల బెడద ఎక్కువైందని, వాటి బారి నుంచి కాపాడాలని స్థానికులు కోరుతున్నారు. ఇటీవల రోడ్డుపై నడుచుకుంటూ ఓ వృద్ధురాలు వెళ్తుండగా.. ఒక్కసారిగా కుక్కలు దాడి చేశాయి. దీంతో ఆమె పరుగెత్తడంతో ప్రమాదం త్రుటిలో తప్పింది. వీటికి సంబంధించిన దృశ్యాలు సీసీ టీవీలో రికార్డయ్యాయి. వాటిని మున్సిపల్ కమిషనర్‌కు స్థానికులు చూపించారు. మున్సిపల్ అధికారులు స్పందించి జిల్లా కేంద్రంలో శునకాలను నియంత్రించేందుకు చర్యలు చేపట్టాలని ప్రజలు కోరుతున్నారు.