SWAG Movie: ‘స్వాగ్‌’ కోసం శ్రీవిష్ణు 4 గంటల మేకప్‌.. వీడియో చూశారా?

శ్రీవిష్ణు కథానాయకుడిగా  పీపుల్‌ మీడియా ఫ్యాక్టరీ పతాకంపై రూపొందుతున్న చిత్రం ‘స్వాగ్‌’. హసిత్‌ గోలి దర్శకత్వం వహిస్తున్నారు. రీతూ వర్మ కథానాయిక. మీరా జాస్మిన్‌, దక్షా నగర్కర్‌, శరణ్య ప్రదీప్‌ కీలక పాత్రలు పోషిస్తున్నారు. శరవేగంగా చిత్రీకరణ జరుపుకొంటున్న ఈ మూవీలో దివాకర్ పేట ఎస్‌ఐ భవభూతిగా శ్రీవిష్ణు సందడి చేయనున్నారు. వయసు మళ్లిన పాత్రలో కనిపించేందుకు ప్రముఖ మేకప్‌ ఆర్టిస్ట్‌ రషీద్‌ శ్రీవిష్ణును ప్రత్యేకంగా తీర్చిదిద్దారు. ఇందుకోసం నాలుగు గంటల సమయం పట్టింది. మరి ఆ మేకోవర్‌ వీడియోను మీరూ చూసేయండి.