- TRENDING
- NEET Row
- Union Budget 2024
- T20 World Cup 2024
Trump-Biden Debate: బైడెన్, ట్రంప్ వాడీవే‘ఢీ’
ప్రపంచవ్యాప్తంగా పలువురి దృష్టిని ఆకర్షించిన అమెరికా అధ్యక్షుడు జో బైడెన్, మాజీ అధ్యక్షుడు డొనాల్డ్ ట్రంప్ల చర్చ ఊహించినట్లే వాడీవేడిగా జరిగింది.
గర్భవిచ్ఛిత్తి సహా పలు అంశాలపై పరస్పరం విమర్శలు
అట్లాంటా: ప్రపంచవ్యాప్తంగా పలువురి దృష్టిని ఆకర్షించిన అమెరికా అధ్యక్షుడు జో బైడెన్, మాజీ అధ్యక్షుడు డొనాల్డ్ ట్రంప్ల చర్చ ఊహించినట్లే వాడీవేడిగా జరిగింది. ఇటీవలి కాలంలో అమెరికాలో తీవ్ర చర్చనీయాంశంగా మారిన గర్భవిచ్ఛిత్తి సహా పలు అంశాలు గురువారం రాత్రి (అమెరికా కాలమానం ప్రకారం) జరిగిన వారి సంవాదంలో ప్రస్తావనకు వచ్చాయి. వాటిపై ఇరువురు నేతలు పరస్పరం ఆరోపణలు, విమర్శలు గుప్పించుకున్నారు. అందులో కొన్నింటిని పరిశీలిస్తే..
గర్భవిచ్ఛిత్తిపై..
అమెరికాలో గర్భవిచ్ఛిత్తిపై నిషేధాన్ని బైడెన్ తప్పుబట్టారు. ఆ ప్రక్రియను అనుమతిస్తూ ‘రో వర్సెస్ వేడ్’ కేసులో సుప్రీంకోర్టు వెలువరించిన తీర్పునకు మద్దతిస్తున్నట్లు చెప్పారు. మహిళల ఆరోగ్యం గురించి వైద్యులు నిర్ణయాలు తీసుకోవాలని, రాజకీయ నాయకులు కాదని వ్యాఖ్యానించారు. గర్భవిచ్ఛిత్తి అంశాన్ని ఆయా రాష్ట్రాలకే వదిలేయాలని ట్రంప్ అభిప్రాయపడ్డారు.
విదేశాంగ విధానాలపై..
బైడెన్ సర్కారు లోపభూయిష్ట విదేశాంగ విధానాలను అనుసరిస్తోందని ట్రంప్ విమర్శించారు. అఫ్గానిస్థాన్ నుంచి అమెరికా బలగాల ఉపసంహరణ అత్యంత ఘోరంగా సాగిందంటూ దుయ్యబట్టారు. గౌరవప్రదంగా సైనికులు ఆ దేశం నుంచి బయటకు వచ్చేలా తాను ఏర్పాట్లు చేశానని తెలిపారు. కానీ వాటిని అమల్లో పెట్టడంలో బైడెన్ ప్రభుత్వం విఫలమైందన్నారు. బైడెన్ స్పందిస్తూ.. ట్రంప్ హయాంలో తాలిబన్లు అఫ్గాన్ సామాన్య పౌరులను చంపారని ఆరోపించారు. దానిపై ట్రంప్ చర్యలు తీసుకోకపోగా.. అఫ్గాన్లో మరణించిన అమెరికా సైనికులను దుర్భాషలాడారంటూ మండిపడ్డారు. ఇరాక్లో యుద్ధంలో పోరాడి, తర్వాత మెదడు క్యాన్సర్తో మరణించిన తన కుమారుడు బ్యూ బైడెన్ను ఆయన గుర్తుచేసుకున్నారు.
ఫలితాలను అంగీకరించడంపై..
గత ఎన్నికల ఫలితాలు వెలువడిన అనంతరం అమెరికాలో క్యాపిటల్ హిల్పై దాడి సహా పలు ఉద్రిక్తతలు తలెత్తిన సంగతి తెలిసిందే. ఈ నేపథ్యంలో- ‘ఈసారి ఎన్నికల ఫలితాలను అంగీకరిస్తారా?’ అని సంవాద నిర్వాహకులు అడిగిన ఓ ప్రశ్నకు ట్రంప్ నేరుగా స్పందించలేదు. ఎన్నికలు చట్టప్రకారం, న్యాయంగా జరిగితే అంగీకరిస్తానని పేర్కొన్నారు. బైడెన్ స్పందిస్తూ.. ఈసారీ ఎన్నికల్లో ట్రంప్ ఓడిపోయినా ఆయన దాన్ని అంగీకరిస్తారని తాను అనుకోవడం లేదని చెప్పారు.
నాటో నుంచి వైదొలగాలనుకుంటున్నారు
ట్రంప్నకు అమెరికా ప్రజాస్వామ్యంపై సరైన అవగాహన లేదని బైడెన్ విమర్శించారు. ఆయన ఏం మాట్లాడుతున్నారో ఆయనకే తెలియట్లేదని ఆరోపించారు. నాటో నుంచి అమెరికా వైదొలగాలని ఆయన కోరుకుంటున్నారని చెప్పారు. మరోవైపు, తాను అధ్యక్షుడిగా ఉన్న సమయంలో విదేశాల్లో ఉన్న అల్ బాగ్దాదీ, సులేమానీ వంటి ఉగ్రవాదులను హతమార్చామని ట్రంప్ తెలిపారు. ఇప్పుడు ముష్కరులు అమెరికాలోకి ప్రవేశించి అమెరికన్ల ప్రాణాలను బలి తీసుకుంటున్నారని పేర్కొన్నారు.
నాకంటే మూడేళ్లే చిన్న: బైడెన్
తన వయోభారం గురించి ప్రస్తుతం చర్చ అనవసరమని బైడెన్ (81) పేర్కొన్నారు. ట్రంప్ (78) తన కంటే మూడేళ్లు మాత్రమే చిన్న అని గుర్తుచేశారు. మరోవైపు- బైడెన్ కుమారుడు హంటర్ బైడెన్ విషయంలో ట్రంప్ మాటల దాడి చేశారు. తుపాకులు, మాదకద్రవ్యాల వ్యవహారాల్లో కుమారుడిని కాపాడుకునేందుకు బైడెన్ అనేక ప్రయత్నాలు చేశారని, చివరికి ఆయన అరెస్టు కాకుండా కాపాడుకున్నారని ఆరోపించారు.
మరికొన్ని విశేషాలు...
- శృంగార తార స్టార్మీ డేనియల్స్కు చెల్లింపుల గురించి బైడెన్ ప్రస్తావించినప్పుడు.. ‘పోర్న్స్టార్తో నేను శృంగారంలో పాల్గొనలేదు’ అని ట్రంప్ అన్నారు.
- భారత్, చైనా, రష్యా తమవంతుగా చెల్లింపులేవీ జరపకపోవడం వల్లే పారిస్ పర్యావరణ ఒప్పందం నుంచి తన హయాంలో అమెరికా 2017లో వైదొలిగినట్లు ట్రంప్ చెప్పారు. ఆ ఒప్పందం నుంచి బయటకు రాకపోయి ఉంటే తమ దేశంపై లక్ష కోట్ల డాలర్ల భారం పడి ఉండేదని పేర్కొన్నారు.
- సంవాదం సాగుతుండగా ఒక దశలో ట్రంప్, బైడెన్ ఇద్దరూ సంయమనం కోల్పోయారు. వ్యక్తిగత విమర్శలు చేసుకున్నారు.
- చర్చ జరిగేటప్పుడు బైడెన్, ట్రంప్, నిర్వాహకులు తప్ప మరెవరూ లేకపోవడం గమనార్హం. పైగా ఈసారి ఒకరు మాట్లాడుతుండగా.. మరొకరి మైక్లను కట్ చేశారు.
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
ఆస్ట్రేలియా కల మరింత భారం..!
ఆస్ట్రేలియాకు వెళ్లే విద్యార్థులకు ఇచ్చే వీసాల్లో ఆ దేశం భారీ మార్పులు చేపట్టింది. నేడు వాటి ఖరీదు కూడా పెరిగింది. వలసలను అదుపు చేసేందుకే ఈ నిర్ణయం తీసుకొన్నట్లు తెలుస్తోంది. -
యుద్ధం చేస్తామంటే విడుదల చేస్తాం.. ఖైదీలకు ఆఫర్
Ukraine: సైన్యంలో సిబ్బంది కొరతతో సతమతమవుతోన్న ఉక్రెయిన్ అక్కడి జైలులో ఉన్న ఖైదీలను ఇంటర్వ్యూ చేస్తోంది. యుద్ధంలో చేరుతామంటే జైలు నుంచి విడుదల చేస్తామని వారికి ఆఫర్ ఇస్తోంది. -
విద్యార్థితో లైంగిక సంబంధం పెట్టుకొన్న మహిళా టీచర్..!
పాఠాలు చెప్పాల్సిన ఓ టీచర్ అమెరికాలో విద్యార్థితో లైంగిక సంబంధం పెట్టుకొంది. ఈ విషయం బయటపడటంతో ఇప్పుడు ఆమె ఊచలు లెక్కబెడుతోంది. -
ప్రమాదవశాత్తూ గాల్లోకి ఎగిరిపడిన చైనా రాకెట్..!
చైనాలో ప్రయోగానికి సిద్ధం చేస్తున్న ఓ రాకెట్ ప్రమాదవశాత్తూ గాల్లోకి ఎగిరి సమీపంలోని కొండల్లో పడింది. ఆ వీడియో వైరల్గా మారింది. -
బైడెన్ వైదొలగాల్సిందే
మాజీ అధ్యక్షుడు డొనాల్డ్ ట్రంప్తో అట్లాంటాలో ఇటీవల జరిగిన సంవాదంలో పలుమార్లు తడబడిన అమెరికా అధ్యక్షుడు జో బైడెన్ ఈ దఫా ఎన్నికల బరి నుంచి వైదొలగాలన్న డిమాండ్లు రోజురోజుకూ మరింత పెరుగుతున్నాయి. -
పుడమికి చేరువగా వచ్చి వెళ్లిన గ్రహశకలాలు
రెండు గ్రహశకలాలు భూమికి అతిదగ్గరగా వచ్చి వెళ్లాయి. వీటి వల్ల ఎలాంటి ముప్పు కలగకపోవడంతో అందరూ ఊపిరిపీల్చుకున్నారు. -
పిట్ట కొంచెం.. కిక్కు ఘనం..!
పక్షుల వ్యవహారశైలి చాలా వింతగా ఉంటుంది. కొన్ని విహంగాలు ఘాటైన రసాయనాల కోసం గాలిస్తుంటాయి. -
ఫ్రాన్స్లో పార్లమెంటరీ ఎన్నికల తొలి విడత పూర్తి
ఫ్రాన్స్లో ఉత్కంఠ రేకెత్తిస్తున్న పార్లమెంటరీ ఎన్నికల పర్వం ప్రారంభమైంది. మొత్తం రెండు విడతల్లో ఈ ఎన్నికలు జరగనుండగా.. ఆదివారం తొలి రౌండ్ పోలింగ్ పూర్తయింది. -
భీకర హరికేన్ ముప్పు అంచున ఆగ్నేయ కరేబియా ప్రాంతం
ఆగ్నేయ కరేబియన్ ప్రాంతం భీకర హరికేన్ (4వ తరగతి) ముప్పు ముంగిట నిలిచింది. ఆ ప్రాంతానికి సమీపంలో ఏర్పడిన బెరిల్ హరికేన్ దాని అనుకుని ఉన్న హరికేన్ను మరింత బలోపేతం చేస్తోందని అధికారులు తెలిపారు. -
బొమ్మ తుపాకీతో పోలీసులకు బెదిరింపు
పోలీసుల నుంచి తప్పించుకోబోయి, బొమ్మ తుపాకీతో వారిని బెదిరించడంతో ఓ 13ఏళ్ల బాలుడిని న్యూయార్క్ అధికారి ఒకరు తుపాకీతో కాల్చిచంపారు. న్యూయార్క్లోని యుటికా నగరంలో శుక్రవారం అర్ధరాత్రి ఈ ఘటన చోటుచేసుకుంది. -
ఉక్రెయిన్పై రష్యా దాడి.. ఏడుగురి మృతి
దక్షిణ ఉక్రెయిన్లోని విల్నియాన్స్క్ పట్టణంపై శనివారం రాత్రి రష్యా ప్రయోగించిన క్షిపణులు ఏడుగురి ప్రాణాలను బలిగొన్నాయి. వీరిలో ముగ్గురు పిల్లలు. దాడిలో అనేకమంది గాయాలపాలయ్యారు. -
నైజీరియాలో వరుస ఆత్మాహుతి దాడులు
నైజీరియాలో శనివారం జరిగిన వరుస ఆత్మాహుతి దాడులు కలకలం రేపాయి. ఈ దాడుల్లో కనీసం 18 మంది మృతిచెందారు. 30 మంది తీవ్రంగా గాయపడగా.. వీరిలో 19 మంది పరిస్థితి విషమంగా ఉంది. -
హిందూ విశ్వాసం నుంచి ప్రేరణ పొందా
బ్రిటన్ ప్రధానమంత్రి రిషి సునాక్, ఆయన భార్య అక్షతా మూర్తి శనివారం లండన్లోని నీస్డెన్లో గల బీఏపీఎస్ శ్రీ స్వామినారాయణ్ ఆలయాన్ని సందర్శించారు. -
సూడాన్లో సైన్యంతో సాయుధ ఘర్షణ
సైన్యానికి, ప్రమాదకరమైన సాయుధ బలగాలకు మధ్య మొదలైన ఘర్షణతో ఆఫ్రికాలోని సూడాన్లో మరోసారి ఉద్రిక్తత చెలరేగింది. -
బైడెన్ స్థానంలో మరొకరు?- రిపబ్లికన్లకు నిక్కీ హేలీ అలర్ట్
జో బైడెన్ స్థానంలో ఓ యువనేత, సమర్థవంతమైన వ్యక్తి రానున్నాడని రిపబ్లికన్ పార్టీ నేత నిక్కీ హేలీ అంచనా వేశారు.
![ap-districts](https://assets.eenadu.net/_assets/_images/ap-districts.jpg)
![ts-districts](https://assets.eenadu.net/_assets/_images/ts-districts.jpg)
తాజా వార్తలు (Latest News)
-
ఐపీఓకు నివా బుపా హెల్త్ ఇన్సూరెన్స్.. రూ.3వేల కోట్ల సమీకరణ
-
లోక్సభలో రాహుల్ ప్రసంగం.. ప్రధాని మోదీ అభ్యంతరం
-
ఆస్ట్రేలియా కల మరింత భారం..!
-
కొత్త నేర చట్టాలపై విపక్షాలది అనవసర ఆరోపణే: కేంద్ర హోం మంత్రి అమిత్ షా
-
ఇక నిరుద్యోగిని.. ఏమైనా ఉద్యోగాలున్నాయా?: ద్రవిడ్ ఆసక్తికర వ్యాఖ్యలు
-
ధన్ఖడ్, ఖర్గే సంభాషణ.. సభలో నవ్వులే నవ్వులు!