- TRENDING
- NEET Row
- Union Budget 2024
- T20 World Cup 2024
China: కమ్యూనిస్టు పార్టీ నుంచి.. ఇద్దరు మాజీ రక్షణ మంత్రులను బహిష్కరించిన చైనా
అవినీతి ఆరోపణలతో మాజీ రక్షణ మంత్రులైన వీ ఫెంగె, లీ షంగ్ఫులను అధ్యక్షుడు షి జిన్పింగ్ నేతృత్వంలోని కమ్యూనిస్టు పార్టీ ఆఫ్ చైనా(సీపీసీ) నుంచి గురువారం బహిష్కరించారు.
బీజింగ్: అవినీతి ఆరోపణలతో మాజీ రక్షణ మంత్రులైన వీ ఫెంగె, లీ షంగ్ఫులను అధ్యక్షుడు షి జిన్పింగ్ నేతృత్వంలోని కమ్యూనిస్టు పార్టీ ఆఫ్ చైనా(సీపీసీ) నుంచి గురువారం బహిష్కరించారు. ఈ పరిణామాన్ని పీపుల్స్ లిబరేషన్ ఆర్మీలో తీవ్ర కళంకంగా భావిస్తున్నారు. ప్రాథమిక దర్యాప్తులో వీ, లీ.. ఇద్దరూ అవినీతికి పాల్పడినట్లు తేలడంతో వీరిపై తదుపరి విచారణకు సిద్ధమవుతున్నట్టు వేర్వేరు అధికార ప్రకటనల్లో తెలిపారు. చైనా మంత్రుల పరంగా చూస్తే 2023 అత్యంత హేయమైందిగా నిలిచిపోనుంది. వీ, లీలతోపాటు మాజీ విదేశాంగ శాఖ మంత్రి క్విన్ గ్యాంగ్ కూడా గతేడాదే బాహ్య ప్రపంచానికి కనిపించకుండా మాయమయ్యారు. పార్టీ క్రమశిక్షణని, నియమాలను తీవ్రంగా ఉల్లంఘించినందుకు సీపీసీ నుంచి 66 ఏళ్ల లీని పార్టీ బహిష్కరించిందని ప్రభుత్వ ఆధీనంలో నడిచే వార్తా సంస్థ జిన్హువా తెలిపింది. తర్వాత వీ విషయంలోనూ అలాటి వార్త వచ్చింది. 2018-23 మధ్య వీ రక్షణ మంత్రిగా పనిచేయగా, ఆయన తర్వాత కొద్ది నెలలపాటు లీ ఆ పదవిలో ఉన్నారు. పీపుల్స్ లిబరేషన్ ఆర్మీలోని అత్యంత ముఖ్యమైన రాకెట్(క్షిపణి) దళానికి నాయకత్వం వహించిన లీని అధ్యక్షుడు జిన్పింగ్ స్వయానా రక్షణ మంత్రిగా ఎంపికచేశారు. ఏడాదిగా వీ, లీ కనిపించకపోవడంతో అవినీతి, క్రమశిక్షణా రాహిత్యానికి సంబంధించి వీరిపై దర్యాప్తు చేస్తున్నట్టు ఊహాగానాలు వచ్చాయి. రాజకీయ, సంస్థాగతపరమైన అంశాల్లో.. వీ, లీ క్రమశిక్షణ తప్పారని దర్యాప్తులో తేలింది. తమ హోదాని అడ్డం పెట్టుకుని కొందరికి అనుకూలంగా పలు నిర్ణయాలు తీసుకున్నారని, బదులుగా పెద్ద మొత్తంలో డబ్బు, విలువైన వస్తువుల్ని స్వీకరించారని, తమవారికి లబ్ధి జరిగేలా చూసుకున్నారని దర్యాప్తు సంఘం పేర్కొన్నట్లు జిన్హువా తెలిపింది.
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
బైడెన్ వైదొలగాల్సిందే
మాజీ అధ్యక్షుడు డొనాల్డ్ ట్రంప్తో అట్లాంటాలో ఇటీవల జరిగిన సంవాదంలో పలుమార్లు తడబడిన అమెరికా అధ్యక్షుడు జో బైడెన్ ఈ దఫా ఎన్నికల బరి నుంచి వైదొలగాలన్న డిమాండ్లు రోజురోజుకూ మరింత పెరుగుతున్నాయి. -
పుడమికి చేరువగా వచ్చి వెళ్లిన గ్రహశకలాలు
రెండు గ్రహశకలాలు భూమికి అతిదగ్గరగా వచ్చి వెళ్లాయి. వీటి వల్ల ఎలాంటి ముప్పు కలగకపోవడంతో అందరూ ఊపిరిపీల్చుకున్నారు. -
పిల్ల కొంచెం.. కిక్కు ఘనం..!
పక్షుల వ్యవహారశైలి చాలా వింతగా ఉంటుంది. కొన్ని విహంగాలు ఘాటైన రసాయనాల కోసం గాలిస్తుంటాయి. -
ఫ్రాన్స్లో పార్లమెంటరీ ఎన్నికల తొలి విడత పూర్తి
ఫ్రాన్స్లో ఉత్కంఠ రేకెత్తిస్తున్న పార్లమెంటరీ ఎన్నికల పర్వం ప్రారంభమైంది. మొత్తం రెండు విడతల్లో ఈ ఎన్నికలు జరగనుండగా.. ఆదివారం తొలి రౌండ్ పోలింగ్ పూర్తయింది. -
భీకర హరికేన్ ముప్పు అంచున ఆగ్నేయ కరేబియా ప్రాంతం
ఆగ్నేయ కరేబియన్ ప్రాంతం భీకర హరికేన్ (4వ తరగతి) ముప్పు ముంగిట నిలిచింది. ఆ ప్రాంతానికి సమీపంలో ఏర్పడిన బెరిల్ హరికేన్ దాని అనుకుని ఉన్న హరికేన్ను మరింత బలోపేతం చేస్తోందని అధికారులు తెలిపారు. -
బొమ్మ తుపాకీతో పోలీసులకు బెదిరింపు
పోలీసుల నుంచి తప్పించుకోబోయి, బొమ్మ తుపాకీతో వారిని బెదిరించడంతో ఓ 13ఏళ్ల బాలుడిని న్యూయార్క్ అధికారి ఒకరు తుపాకీతో కాల్చిచంపారు. న్యూయార్క్లోని యుటికా నగరంలో శుక్రవారం అర్ధరాత్రి ఈ ఘటన చోటుచేసుకుంది. -
ఉక్రెయిన్పై రష్యా దాడి.. ఏడుగురి మృతి
దక్షిణ ఉక్రెయిన్లోని విల్నియాన్స్క్ పట్టణంపై శనివారం రాత్రి రష్యా ప్రయోగించిన క్షిపణులు ఏడుగురి ప్రాణాలను బలిగొన్నాయి. వీరిలో ముగ్గురు పిల్లలు. దాడిలో అనేకమంది గాయాలపాలయ్యారు. -
నైజీరియాలో వరుస ఆత్మాహుతి దాడులు
నైజీరియాలో శనివారం జరిగిన వరుస ఆత్మాహుతి దాడులు కలకలం రేపాయి. ఈ దాడుల్లో కనీసం 18 మంది మృతిచెందారు. 30 మంది తీవ్రంగా గాయపడగా.. వీరిలో 19 మంది పరిస్థితి విషమంగా ఉంది. -
హిందూ విశ్వాసం నుంచి ప్రేరణ పొందా
బ్రిటన్ ప్రధానమంత్రి రిషి సునాక్, ఆయన భార్య అక్షతా మూర్తి శనివారం లండన్లోని నీస్డెన్లో గల బీఏపీఎస్ శ్రీ స్వామినారాయణ్ ఆలయాన్ని సందర్శించారు. -
సూడాన్లో సైన్యంతో సాయుధ ఘర్షణ
సైన్యానికి, ప్రమాదకరమైన సాయుధ బలగాలకు మధ్య మొదలైన ఘర్షణతో ఆఫ్రికాలోని సూడాన్లో మరోసారి ఉద్రిక్తత చెలరేగింది. -
బైడెన్ స్థానంలో మరొకరు?- రిపబ్లికన్లకు నిక్కీ హేలీ అలర్ట్
జో బైడెన్ స్థానంలో ఓ యువనేత, సమర్థవంతమైన వ్యక్తి రానున్నాడని రిపబ్లికన్ పార్టీ నేత నిక్కీ హేలీ అంచనా వేశారు.