గురుకులాల్లో ఉమ్మడి టైంటేబుల్‌ను తొలగించాలి

టీఎస్‌డబ్ల్యూఆర్‌టీఈఏ డిమాండ్‌

ఈనాడు, హైదరాబాద్‌: సంక్షేమ గురుకులాల్లో ఉమ్మడి టైంటేబుల్‌ నిర్ణయాన్ని ప్రభుత్వం వెంటనే ఉపసంహరించుకోవాలని, లేదంటే శుక్రవారం నుంచి రాష్ట్రవ్యాప్తంగా నిరసన కార్యక్రమాలు చేపడతామని తెలంగాణ ఎస్సీ గురుకుల టీచర్లు, ఉద్యోగుల సంఘం (టీఎస్‌డబ్ల్యూఆర్‌టీఈఏ) హెచ్చరించింది. ఉపాధ్యాయుల అభిప్రాయాలు తెలుసుకోకుండా పాఠశాల విద్యాశాఖ ఏకపక్షంగా టైంటేబుల్‌ విడుదల చేసిందని సంఘం అధ్యక్ష, ప్రధాన కార్యదర్శులు సీహెచ్‌ బాలరాజు, ఎన్‌.దయాకర్‌ గురువారం ఒక ప్రకటనలో పేర్కొన్నారు. గురుకులాలు ఎక్కువగా అద్దె భవనాల్లో కొనసాగుతున్నాయని, పాత గురుకులాల్లో క్వార్టర్లు శిథిలావస్థలో ఉన్నాయని వివరించారు. ఉపాధ్యాయులు, ఉద్యోగులకు సరైన వసతులు కల్పించాలని డిమాండ్‌ చేశారు.