28, 29 తేదీల్లో పాక్షిక చంద్ర గ్రహణం

నారాయణగూడ, న్యూస్‌టుడే: దేశంలో ఈ ఏడాది కనిపించే ఏకైక చంద్ర గ్రహణం ఈ నెల 28, 29 తేదీల్లో ఏర్పడుతుందని ప్లానెటరీ సొసైటీ ఇండియా డైరెక్టర్‌ రఘునందన్‌కుమార్‌ గురువారం ఒక ప్రకటనలో తెలిపారు. ఇది పాక్షిక గ్రహణమని.. 28న రాత్రి 11:30 గంటలకు ప్రారంభమై, 29న తెల్లవారుజామున 3:58 నిమిషాలకు ముగుస్తుందన్నారు. అర్ధరాత్రి 1:05 నుంచి 2:23 వరకు మాత్రమే కంటికి కనిపిస్తుందని వివరించారు. దేశంలో కనిపించే తదుపరి చంద్ర గ్రహణం 2025 సెప్టెంబరు 7న సంభవిస్తుందన్నారు. 2024లో రెండు సూర్య, ఒక చంద్ర గ్రహణాలున్నా అవి భారతదేశంలో కనిపించవన్నారు.