Robots: మనిషిలా మరమనుషులు!
విచిత్రమైన రోబోల గురించి చాలానే విని ఉంటారు. ఇవి రోజురోజుకీ ఇంకా వినూత్నంగానూ మారుతున్నాయి. వీటికి మనిషి మెదడును జోడించాలని కొందరు శాస్త్రవేత్తలు ప్రయత్నిస్తుంటే.. మనుషుల్లా కనిపించేలా సజీవ చర్మాన్ని జత చేయాలని ఇంకొందరు కృషి చేస్తున్నారు.
విచిత్రమైన రోబోల గురించి చాలానే విని ఉంటారు. ఇవి రోజురోజుకీ ఇంకా వినూత్నంగానూ మారుతున్నాయి. వీటికి మనిషి మెదడును జోడించాలని కొందరు శాస్త్రవేత్తలు ప్రయత్నిస్తుంటే.. మనుషుల్లా కనిపించేలా సజీవ చర్మాన్ని జత చేయాలని ఇంకొందరు కృషి చేస్తున్నారు. మొత్తమ్మీద కొత్తరకం రోబోల సృష్టి అధునాతన పోకడలు పోతోంది.
రోబోకు మెదడు
రోబోలకు కృత్రిమ మేధ జోడించటానికి చాలా ప్రయత్నాలే జరుగుతున్నాయి. దీని సాయంతో రోబోలు ఫ్యాక్టరీల్లో పనిచేయటం దగ్గరి నుంచి దివ్యాంగులకు, వృద్ధులకు సహకరించటం వరకూ ఎన్నెన్నో పనులు చేసి పెడుతున్నాయి. మరి వీటికి కృత్రిమ మెదడునూ జోడిస్తే? అసాధ్యమని కొట్టి పారేయకండి. చైనాలోని టియాంజిన్ యూనివర్సిటీ, సదరన్ యూనివర్సిటీ ఆఫ్ సైన్స్ అండ్ టెక్నాలజీ పరిశోధకులు రూపొందించిన రోబో గురించి తెలిస్తే ఔరా అనాల్సిందే. ఇది ప్రయోగశాలలో వృద్ధి చేసిన కృత్రిమ మెదడుతో పనిచేస్తుంది మరి.
చిప్ల మీద అవయవ (ఆర్గాన్ ఆన్ చిప్) పరిజ్ఞానం రోజురోజుకీ కొత్త పుంతలు తొక్కుతోంది. దీని విషయంలో చైనా పరిశోధకులు మరో ముందడుగు వేసి, బ్రెయిన్ ఆన్ చిప్గా మలిచారు. ప్రపంచంలోనే తొలిసారిగా చిప్ మీద ‘నిజమైన’ మెదడును అమర్చి, దాన్ని రోబోకు అనుసంధానం చేయటంలో విజయం సాధించారు. ఈ మెదడు సాయంతో వస్తువులను పట్టుకోవటం, అడ్డంకులను అధిగమించటం వంటి పనులను రోబో తేలికగా నేర్చుకోవటం విశేషం. ఇంతకీ ఈ చిప్ మీద మెదడును ఎలా సృష్టించారు? నిజానికిది పూర్తి స్థాయి మెదడు కాదు. ప్రయోగశాలలో వృద్ధి చేసిన మెదడులాంటి అవయవం. మనిషి పిండం మూలకణాలను ప్రయోగపాత్రలో ఉంచి, వాటిని స్వయంగా సంయోగం, విభజన చెందేలా చేయటం ద్వారా దీన్ని సృష్టించారు. ఇది మెదడులాంటి నిర్మాణాలు కలిగుంటుంది. ఎదుగుతూ ఉన్న మెదడు మాదిరిగా ప్రవర్తిస్తుంది. దీన్ని ఎలక్ట్రోడ్లతో కూడిన చిప్ మీద పెట్టి, రోబో తల భాగంలో అమర్చారు.
మనిషి-రోబో తెలివి సంయోగం
మెదడును కంప్యూటర్ ఇంటర్ఫేసెస్తో అనుసంధానం చేయటమనేది ఒక కొత్త పరిజ్ఞానం. మనిషి మెదడులోని విద్యుత్ సంకేతాల సాయంతో కంప్యూటర్ మీద పనులు చేయించటం దీనిలోని కీలకాంశం. టెస్లా అధినేత ఇలాన్ మస్క్ ఇటీవల న్యూరాలింక్ చిప్ను ఆరంభించిన తర్వాత ఇది విస్తృతంగా చర్చల్లో నానుతోంది కూడా. ఇది బ్రెయిన్-కంప్యూటర్ ఇంటర్ఫేస్. దీన్ని మనిషి మెదడులో అమరుస్తారు. పైకేమీ తెలియదు. కానీ దీని సాయంతో బయట కంప్యూటర్ను నియంత్రించొచ్చు. మొబైల్ ఫోన్తో పనులు చేసుకోవచ్చు. ప్రమాదంలో గాయపడి అవయవాలు చచ్చుబడిన ఒకరికి ఇటీవల దీన్ని అమర్చారు కూడా. దీని సాయంతో ఆయన కంప్యూటర్ తెర మీద కర్సర్ను కదిలించటం, పాటలు వినటం, చదరంగం వంటి ఆటలు ఆడటం వంటి పనులెన్నో చేయగలిగారు. అందుకే బ్రెయిన్-కంప్యూటర్ ఇంటర్ఫేస్ పరిజ్ఞానం నాడీ సమస్యలతో బాధపడేవారికి మున్ముందు కొత్త జీవితాన్ని ప్రసాదించగలదని ఆశిస్తున్నారు. తాజా బ్రెయిన్ అన్ చిప్ పరిజ్ఞానం దీనికి కొనసాగింపని చెప్పుకోవచ్చు. రోబోలు మనలాగా చూడలేవు కదా. ఇక్కడే ‘కృత్రిమ’ మెదడు తోడ్పడుతుంది. ఇది విద్యుత్ సంకేతాల ద్వారా పరిసరాలను గమనించటానికి తోడ్పడుతుంది. సిద్ధాంతపరంగా చూస్తే, సిమ్యులేట్డ్ వాతావరణంలో సంచరించటాన్ని రోబోలు నేర్చుకుంటాయన్నమాట. ఇది మనిషి-రోబో సంయుక్త విషయగ్రహణ పరిజ్ఞానాన్ని, తెలివితేటలను అభివృద్ధి చేయటానికి దోహదపడగలదని పరిశోధకులు ఆశిస్తున్నారు.
మెదడులాంటి గణన
ప్రపంచంలో తొలి ఓపెన్ సోర్స్ బ్రెయిన్ ఆన్ చిప్ పరిజ్ఞానంగా పేర్కొంటున్న దీనికి మెటాబాక్ అని పేరు పెట్టారు. సాధారణంగా మెదడు అవయవాలు, చిన్న మెదళ్లను ప్రయోగాల కోసం వాడుకుంటారు. గతంలోనూ ఇలాంటి ప్రయోగాలు జరిగాయి. ఆరేళ్ల క్రితం ఆదిమ మానవుల శిలాజాల నుంచి సేకరించిన డీఎన్ఏతో సృష్టించిన మెదడుతో సాలీడులాంటి రోబోను నియంత్రించటానికి ప్రయత్నించారు. తాజా రోబో-మెదడు సమ్మేళనం రెండు మైలురాళ్లను అధిగమించిందని చెప్పుకోవచ్చు. ఒకటి- బంతిలా గుండ్రంగా ఉండటం. అంటే కణాలు 2డీలో కాకుండా 3డీలో వృద్ధి చెందాయన్నమాట. ఫలితంగా మరిన్ని సంక్లిష్టమైన నాడీ అనుసంధానాలకు వీలవుతుంది. తక్కువ తీవ్రత అల్ట్రాసౌండ్ సిమ్యులేషన్ కింద చిన్న మెదళ్లను అభివృద్ధి చేయటం ద్వారా ఇది సాధ్యమైంది. మరింత మెరుగైన తెలివిని సంతరించుకోవటానికీ ఉపయోగపడింది. రెండోది- కృత్రిమ మేధ ఆల్గారిథమ్లతో జత చేయటం. దీంతో మెదడు అవయవాలకు ఇంకా ఎక్కువ సామర్థ్యాలు అబ్బాయి.
జబ్బుల ప్రయోగాలకూ
రోబోలకు అమర్చటానికే కాకుండా మెదడు మరమ్మతు, నాడీ సమస్యల అర్థం చేసుకోవటానికీ మెదడు అవయవాలు మంచి వేదిక కాగలవనీ భావిస్తున్నారు. అయితే ఇవి అంతగా పరిపక్వ దశకు చేరుకోకపోవటం, అవసరమైన పోషకాల సరఫరా కాకపోవటం వంటి అడ్డంకులు తలెత్తొచ్చని అనుకుంటున్నారు. అయితే తక్కువ తీవ్రతతో కూడిన అల్ట్రాసౌండ్ సిమ్యులేషన్లో వస్తున్న అధునాతన పద్ధతులు మెదడు అవయవాల వృద్ధి, పరికరాలతో సమ్మేళనంలో గణనీయమైన మార్పు తీసుకొచ్చే అవకాశముంది. నాడీ సమస్యల చికిత్స, మెదడు మరమ్మతు వ్యూహాలకు వీలు కల్పించనుంది. చిప్ మీద మెదడు పరిజ్ఞానం ప్రయోగదశలో ఆసక్తి కలిగిస్తున్నా ఇంకా చేయాల్సింది ఎంతో ఉంది. ఉదాహరణకు- ప్రస్తుతం రోబో హెల్మెట్లో అమర్చింది మెదడు నమూనా మాత్రమే. అసలు మెదడు కణజాలాన్ని ఇంకా పరీక్షించాల్సి ఉంది. అది విజయవంతమైతే రోబోలకు మనిషి మెదడును అమర్చటం మేలి మలుపు తిరుగు తుందనటం నిస్సందేహం.
రోబోకు సజీవ చర్మం
రోబోలు అనగానే లోహంతో కూడిన రూపమే గుర్తుకొస్తుంది. ఇవి మనలాంటి చర్మంతో ఉంటే? జపాన్లోని యూనివర్సిటీ ఆఫ్ టోక్యో పరిశోధకులు అలాంటి ఘనతే సాధించారు. రోబో ముఖాలకు ‘సజీవ’ చర్మాన్ని అతికించే విధానాన్ని గుర్తించారు. దీంతో రోబో ముఖ కవళికలు సహజంగా ఉంటాయి. నవ్వినప్పుడు మన ముఖం మాదిరిగా కనిపిస్తుంది.
మనుషుల కణజాలాల నిర్మాణాలను అనుకరించటం ద్వారా జపాన్ పరిశోధకులు ఈ సజీవ చర్మాన్ని రూపొందించారు. ప్రయోగాత్మకంగా తయారుచేసిన ఇది చూడటానికి ఆటబొమ్మలా కనిపిస్తున్నప్పటికీ నిజం చర్మంలా కనిపించేలా చేయొచ్చని చెబుతున్నారు. ప్రయోగశాలలో సజీవ కణాల సాయంతో ఈ కృత్రిమ చర్మాన్ని అభివృద్ధి చేశారు. ఇది నిజం చర్మంలా మృదువుగానే కాకుండా ఎక్కడైనా తెగితే తనకు తానే మరమ్మతు చేసుకోగలదు. అందువల్ల మున్ముందు కదిలే హ్యూమనాయిడ్ రోబోలకు త్వరగా చిరగని, తమకు తామే నయమయ్యే చర్మాన్ని తయారు చేయటానికి తోడ్పడగలదని భావిస్తున్నారు. చర్మం ముడతలు, సౌందర్య సాధనాలు, శస్త్ర చికిత్సలు, చివరికి ప్లాస్టిక్ సర్జరీ వంటి వాటిపై చేసే పరిశోధనలకూ ఇది ఉపయోగపడగలదని భావిస్తున్నారు.
మన చర్మ నిర్మాణాన్ని అనుకరిస్తూ..
ఇంతకుముందు కృత్రిమ చర్మాన్ని రోబోకు అతికించటం కష్టంగా ఉండేది. చిన్న మేకుల సాయంతో అతికించినా రోబో కదిలినప్పుడు చిరిగిపోయేది. సాధారణంగా మన చర్మం పొర కొలాజెన్, ఎలాస్టిన్ వంటివాటికి అతుక్కొని ఉంటుంది. పరిశోధకులు కూడా దీన్నే అనుకరించారు. రోబోకు చిన్న చిన్న రంధ్రాలు చేసి కొలాజెన్తో కూడిన జిగురుద్రవాన్ని పూశారు. దాని మీద కృత్రిమ చర్మాన్ని అతికించారు. జిగురు ద్రవం అటువైపున రంధ్రాలకు అంటుకొని, ఇటువైపున చర్మాన్ని పట్టి ఉంచుతుంది. సహజంగా మృదువుగా ఉండటం వల్ల రోబో కదిలినా చిరగదు, ఊడిరాదు. రోబో లోపల అధునాతన యాక్చుయేటర్లను (కండరాలు) అమర్చితే మనుషుల మాదిరిగానే ముఖ కవళికలను సాధించొచ్చని పరిశోధకులు చెబుతున్నారు. చర్మ, తైల గ్రంథులు, రంధ్రాలు, రక్తనాళాలు, కొవ్వు, నాడులను జోడించటం ద్వారా మరింత మందమైన, నిజమైన చర్మాన్ని సృష్టించొచ్చనీ వివరిస్తున్నారు. తమకు తామే మరమ్మతు చేసుకుంటూ, పరిసరాలను మరింత కచ్చితంగా గుర్తిస్తూ మనుషుల మాదిరిగా నైపుణ్యంతో రోబోలు పనిచేస్తే ఇంకేం కావాలి?
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
స్వచ్ఛ ఒలింపిక్స్
ఒలింపిక్ క్రీడలకు పారిస్ నగరం సమాయత్తమైంది. ప్రపంచంలోని నలుమూలల నుంచి వచ్చే క్రీడాకారులు, క్రీడాభిమానులతో విశ్వ నగరం కొత్త శోభలు సంతరించుకుంటోంది. -
వినూత్న ఫొటోనిక్స్
ఎలక్ట్రానిక్స్ రంగంలో ఎలక్ట్రాన్ల పాత్ర కీలకం. ఇవి ఒక చోటు నుంచి మరో చోటుకు డేటాను చేరవేయటం వంటి దగ్గరి దారులకు బాగా ఉపయోగపడతాయి. -
1పాస్వర్డ్ మారింది
పలు కొత ఫీచర్లతో 1పాస్వర్డ్ భారీగా అప్డేట్ అయ్యింది. మాస్టర్ పాస్వర్డ్ను మరిచిపోయినా అకౌంట్ను రికవరీ చేసుకునే వెలుసుబాటూ కల్పించింది. -
నవ్వు శాస్త్రం
నవ్వటం ఒక భోగం! అతిశయోక్తిలా అనిపించినా ఇది నిజం. ఇప్పుడు చాలామంది జీవితాల్లో నవ్వటమనేది కనుమరుగవుతోంది. రోజుకు ఒక్కసారైనా నవ్వనివారు ఎందరో. -
ఎక్కువ సిమ్లు తీసుకున్నారా?
నేటి డిజిటల్ ప్రపంచంలో ఒక్క సిమ్ కార్డు సరిపోవటం లేదు. ఆఫీసు వ్యవహారాలకు ఒకటి, సొంత పనులకు ఒకటి, కుటుంబ పనులకు మరోటి.. ఇలా బోలెడన్ని సిమ్లు ఎడాపెడా తీసేసుకుంటున్నారు. -
ఆన్లైన్ నేరాల మీద చక్షువు
నేటి డిజిటల్ ప్రపంచంలో ఆన్లైన్ నేరాలు పెరిగిపోతున్నాయి. మోసగాళ్లు రకరకాల పద్ధతుల్లో అమాయకులను బురిడీ కొట్టించి డబ్బులు దోచుకుంటున్నారు. -
సూపర్ పరిజ్ఞానాలు
సాంకేతిక పరిజ్ఞాన (టెక్నాలజీ) రంగం శరవేగంగా సాగుతోంది. నిన్నటి పద్ధతులు నేడు పాత పడిపోతున్నాయి. వాటి స్థానంలో వినూత్న పరిజ్ఞానాలు వచ్చి చేరుతున్నాయి. -
ఏఐ సాయంతో ఉద్యోగం!
కృత్రిమ మేధ (ఏఐ) మనుషుల స్థానాన్ని ఆక్రమిస్తుందని, దీని మూలంగా ఉద్యోగాలు పోతాయనే ఆందోళనలు వెల్లువెత్తటం చూస్తున్నదే. -
ఏఐ సోషల్ లోకం!
సామాజిక మాధ్యమ ప్రియులకు శుభవార్త. మరో వినూత్న సోషల్ మీడియా యాప్ ఆరంభమైంది. దీని పేరు బటర్ఫ్లయిస్. మామూలు యూజర్లతోనే కాకుండా కృత్రిమ మేధ(ఏఐ)తో సృష్టించుకున్న పాత్రలతోనూ సంభాషణలు జరపటానికి వీలు కల్పించటం దీని ప్రత్యేకత. -
గ్రహాంతర జీవులు మనమధ్యే!
గ్రహాంతర జీవుల మీద మన ఆసక్తి ఈనాటిది కాదు. వీరి కోసం చాలాకాలంగా అన్వేషిస్తున్నాం. కానీ ఇంతవరకూ కచ్చితమైన జాడేదీ కనిపించలేదు. విశ్వంలో మనలాంటి వాళ్లు ఉన్నారని కొందరు, లేరని మరికొందరు శాస్త్రవేత్తలు వాదిస్తూనే వస్తున్నారు. -
విద్యుత్తు మోటారు ఎలా తిరుగుతుంది?
విద్యుత్తుతో పనిచేసే ఫ్యాన్లు, మిక్సీల వంటి వాటిని రోజూ వాడుతూనే ఉంటాం. వీటిల్లోని మోటార్లు ఎలా పనిచేస్తాయో తెలుసా? ఈ మోటార్లు విద్యుత్తును చలనశక్తిగా మారుస్తాయి. -
యాపిల్ ఏఐ శకం
యాపిల్ సంస్థ కృత్రిమ మేధ (ఏఐ) దిశగా తొలి అడుగులు వేసింది. ఏటా నిర్వహించే వరల్డ్ వైడ్ డెవలపర్స్ కాన్ఫరెన్స్(డబ్ల్యూడబ్ల్యూడీసీ)లో ఈసారి దీనికి పెద్ద పీట వేసింది. యాపిల్ ఇంటెలిజెన్స్ పేరిట సొంత ఏఐ పరిజ్ఞానాన్ని పరిచయం చేయటంతో పాటు డిజిటల్ అసిస్టెంట్ అయిన సిరికి సైతం ఏఐ సొబగులు అద్దింది. -
నవ మాయా దర్పణం
మీరు ఓ మాయా దర్పణాన్ని చూస్తున్నారని ఊహించుకోండి. అందులో ఎక్కడో దూరంగా ఉన్న తండ్రి ప్రత్యక్షమయ్యారు. ఆయనను ఆ గదిలోనే నిజంగా చూస్తున్నట్టే అనిపించింది. కళ్లలోకి కళ్లు పెట్టి చూస్తూ, హావభావాలను ఒలక బోస్తూ ఆయన మాట్లాడుతుంటే ఎంత సంతోషం కలిగిందో. -
పదార్థాలు చెడకుండా..
ఆహార పదార్థాలు ఇప్పుడు ఒక ప్రాంతానికే పరిమితం కావటం లేదు. సాగరాలు దాటుకొని దేశదేశాలకూ విస్తరిస్తున్నాయి. అయితే కూరగాయలు, పండ్లు, మాంసం వంటివి త్వరగా చెడిపోవటం పెద్ద సమస్య. దీన్ని అధిగమించటానికి ఆహార నిల్వ పద్ధతులు ఎంతగానో తోడ్పడు తున్నాయి. -
ఫైళ్ల అంశాలు ప్రివ్యూలో
డెస్క్టాపో, ల్యాప్టాపో.. ఏదైనా పీసీలో బోలెడన్ని ఫైళ్లు. రోజూ కొత్తవి ఎన్నో వచ్చి చేరుతుంటాయి. కొన్నిసార్లు పేర్లనూ మరచిపోతుంటాం. ఇలాంటి పరిస్థితుల్లో వాటిని వెతికి పట్టుకోవటమంటే మాటలు కాదు. -
వాతావరణ మార్పును వింటారా?
డేటా అనగానే అంకెలు, గ్రాఫ్లే గుర్తుకొస్తాయి. దీన్ని సంగీతంగా మారిస్తే? జపాన్ శాస్త్రవేత్త హిటోరీ నగాయ్ అలాంటి విచిత్రమే చేసి చూపించారు. అర్కిటిక్, అంటార్కిటికా నుంచి 30 ఏళ్లుగా ఉపగ్రహాలు సేకరించిన వాతావరణ సమాచారాన్ని ఆరు నిమిషాల పాటగా మార్చారు. -
ఫోన్ భద్రంగా..
స్మార్ట్ఫోన్లు ఇప్పుడు వ్యక్తిగత ఆస్తులు! పాస్వర్డ్లు, ఈమెయిళ్లు, బ్యాంకు వివరాల వంటి విలువైన సమాచారం మొత్తం వీటిల్లోనే స్టోర్ చేసుకుంటున్నాం మరి. ఇంతటి కీలకమైన ఫోన్లను భద్రంగా కాపాడుకోవద్దూ! -
కార్చిచ్చు కహానీ!
ప్రకృతి విపత్తులనగానే వరదలు, తుపాన్లు, కరవులు, సుడిగుండాల వంటివే గుర్తుకొస్తాయి. కానీ అడవులు మండటమూ తక్కువేమీ కాదు. ఇటీవల మన దగ్గర శేషాచలం అడవుల్లో, ఉత్తరాఖండ్లో కార్చిచ్చు రేగటం తెలిసిందే. -
మెదడులాంటి కంప్యూటర్!
మనిషి మెదడులా పనిచేసే, ఒకే సమయంలో వేర్వేరుగా స్పందించే కంప్యూటర్లను రూపొందించాలని చాలాకాలంగా ప్రయత్నిస్తున్నారు. ఈ దిశగా ఇంటెల్ శాస్త్రవేత్తలు ముందడుగు వేశారు. ప్రపంచంలోనే అతి పెద్ద న్యూరోమార్ఫిక్ కంప్యూటర్ను రూపొందించారు. -
దైవకణం కథ
అది అన్ని కణాలకూ ద్రవ్యరాశిని సంతరింపజేస్తుంది. దీని గురించి 1960ల్లోనే తెలిసినా 50 ఏళ్ల తర్వాత గానీ ఉనికి బయటపడలేదు. ప్రపంచంలోనే అతి పెద్ద, అతి సంక్లిష్ట యంత్రం సాయం తీసుకుంటే తప్ప అది సాధ్యం కాలేదు.
![ap-districts](https://assets.eenadu.net/_assets/_images/ap-districts.jpg)
![ts-districts](https://assets.eenadu.net/_assets/_images/ts-districts.jpg)
తాజా వార్తలు (Latest News)
-
నెట్ఫ్లిక్స్కు నిరసన సెగ.. నెట్టింట్లో బాయ్కాట్ కాల్స్
-
బ్రోకర్లకు కమీషన్లు ఇచ్చి అధిక వడ్డీలకు వేల కోట్ల అప్పు తెస్తున్నారు : బండి సంజయ్
-
ఇప్పుడు చేసేద్దాం.. గంభీర్ పశ్చాత్తాప వ్యాఖ్యలపై సూర్య కామెంట్
-
ఉనికి కోసమే దిల్లీలో జగన్ డ్రామాలు : కేశినేని చిన్ని
-
బతుకమ్మ చీరలు, గొర్రెల పంపిణీపై విచారణకు సిద్ధమా?: సీఎం రేవంత్రెడ్డి
-
మా పాలన బాగా లేదని చెబితే సరిపోతుందా?.. ఆధారాలు చూపండి: హరీశ్రావు