- TRENDING
- NEET Row
- Union Budget 2024
- T20 World Cup 2024
Extraterrestrial life: గ్రహాంతర జీవులు మనమధ్యే!
గ్రహాంతర జీవుల మీద మన ఆసక్తి ఈనాటిది కాదు. వీరి కోసం చాలాకాలంగా అన్వేషిస్తున్నాం. కానీ ఇంతవరకూ కచ్చితమైన జాడేదీ కనిపించలేదు. విశ్వంలో మనలాంటి వాళ్లు ఉన్నారని కొందరు, లేరని మరికొందరు శాస్త్రవేత్తలు వాదిస్తూనే వస్తున్నారు.
గ్రహాంతర జీవుల మీద మన ఆసక్తి ఈనాటిది కాదు. వీరి కోసం చాలాకాలంగా అన్వేషిస్తున్నాం. కానీ ఇంతవరకూ కచ్చితమైన జాడేదీ కనిపించలేదు. విశ్వంలో మనలాంటి వాళ్లు ఉన్నారని కొందరు, లేరని మరికొందరు శాస్త్రవేత్తలు వాదిస్తూనే వస్తున్నారు. ఎన్నెన్నో సిద్ధాంతాలను ముందుకు తెస్తున్నారు. ఇప్పుడు హార్వర్డ్ యూనివర్సిటీ అధ్యయనం మరో వాదనను తెరమీదికి తెచ్చింది. గ్రహాంతర జీవులు మన మధ్యే, మనకు తెలియకుండా అజ్ఞాతంగా ఉన్నారని ఇది పేర్కొంటుండటం గమనార్హం.
అన్ని విధాలుగా మానవుల పురోగతి కోసం హార్వర్డ్ యూనివర్సిటీ 2016లో హ్యూమన్ ఫ్లరిషింగ్ ప్రోగ్రామ్ను చేపట్టింది. ఇది ఇటీవల గ్రహాంతర జీవులకు సంబంధించి కొత్త వాదనను ప్రతిపాదించింది. మనం యూఎఫ్ఓలు, ఫ్లయింగ్ సాసర్లు అని పిలుచుకునే ‘అన్ఐడెంటిఫైడ్ అనొమలస్ ఫెనోమినా’ (యూఏపీ) అనేవి గ్రహాంతర జీవులకు సంబంధించినవేనని ఆశ్చర్యకరమైన విషయాన్ని పేర్కొంది. గ్రహాంతర జీవులు భూమి లోపల, చంద్రుడి మీద.. ఆ మాటకొస్తే మనతోనే కలిసి నడుస్తుండొచ్చనీ అంటోంది. భూమ్మీదున్న తమ స్నేహితులను కలుసుకోవటానికి గ్రహాంతర జీవులు ఫ్లయింగ్ సాసర్లను వాడుకుంటుండొచ్చనీ చెబుతోంది. ఈ అధ్యయనం కొత్తగా క్రిప్టోటెరిస్టీరియల్ అనే ఊహా సిద్ధాంతాన్నీ ప్రతిపాదించింది. విశిష్టమైన, రహస్యమైన గ్రహాంతర జీవులను క్రిప్టోటెరిస్టీరియల్స్గా పేర్కొంటూ.. వీళ్లు మన భూమికి భవిష్యత్ కాలంలో లేదా తెలివైన డైనోసార్ల కన్నా ముందే పుట్టి ఉండొచ్చని చెబుతోంది. తమ సిద్ధాంతాన్ని తాత్కాలికంగా బలపరిచే, అలాగే లోతైన అవగాహనతోనే ఈ ఊహా సిద్ధాంతాన్ని ప్రతిపాదించామని పరిశోధకులు అంటున్నారు. ఇదే గనక నిజమైతే గ్రహాంతర జీవులు మన ఇంటి పక్కనే మసలుతున్నా ఆశ్చర్యపోనవసరం లేదు.
నాలుగు రకాలు
రహస్య గ్రహాంతర జీవులు రకరకాల రూపాల్లో ఉండొచ్చనీ తాజా అధ్యయనం ప్రతిపాదించింది.
హ్యూమన్ క్రిప్టోటెరిస్ట్రియల్స్: ఇది అధునాతన సాంకేతిక పరిజ్ఞానం తెలిసిన పురాతన మానవ నాగరికత. చాలాకాలం కిందటే చాలావరకూ అంతరించింది. కానీ అవశేష రూపంలో ఇంకా కొనసాగుతూ వస్తోంది.
హోమినిడ్ లేదా థెరోపాడ్ క్రిప్టోటెరిస్ట్రియల్స్: ఇది సాంకేతికంగా పురోగమించిన మానవేతర నాగరికత. అజ్ఞాతంగా (ఉదా: భూగర్భంలో) నివసించేలా పరిణామం చెందిన కొన్ని జంతువులూ దీనిలోని భాగమే. ఇవి తోకలేని కోతుల వంటి హోమినిడ్ మానవుల పూర్వీకులు. లేదా ‘అజ్ఞాత, తెలివైన డైనోసార్ల’ పూర్వ రూపాలు.
ఫార్మర్ ఎక్స్ట్రాటెరిస్ట్రియల్ లేదా ఎక్స్ట్రాటెంపెస్ట్రియల్ క్రిప్టోటెరిస్ట్రియల్స్: వీళ్లు విశ్వంలో వేరే ప్రాంతం నుంచి భూమికి వచ్చిన జీవులు లేదా భవిష్యత్ మానవులు. చంద్రుడి వంటి చోట్ల అదృశ్యంగా దాచుకొని ఉండొచ్చు.
మ్యాజికల్ క్రిప్టోటెరెస్ట్రియల్స్: వీళ్లు భూమి మీద పెరిగిన గ్రహాంతర జీవుల కన్నా తక్కువ. ‘భూ అప్సరసల’ కన్నా ఎక్కువ. వీరికి సాంకేతికంగా అంత నైపుణ్యం లేదు. ‘యక్షిణులు, కిన్నెరుల’ వంటివారు. అద్భుతాలు చేయగలవారు.
నిజమేనా?
హార్వర్డ్ యూనివర్సిటీ ఊహా సిద్ధాంతం చాలామంది శాస్త్రవేత్తలకు నమ్మకం కలిగించపోవచ్చు. పరిశోధకులు కూడా ఇదే భావిస్తున్నారు. కానీ తార్కిక, విశాల దృక్పథంతో తమ వాదనను మథించి, పరిశీలించాలని కోరుతున్నారు. సమగ్రంగా పరిశోధించకుండా దీన్ని కొట్టిపారేయటం మూర్ఖత్వమే అవుతుందని చెబుతున్నారు. ఈ అధ్యయనాన్ని ఇంకా ఇతర పరిశోధనలతో సమీక్షించి, పరిశీలించాల్సి ఉంది.
రక్షణ కోసమే అద్భుత నిర్మాణాలు!
గ్రహాంతర జీవులు ఉన్నారో లేదోననే వాదోపవాదాలు కొనసాగుతుండగానే రాన్ హాలిడే అనే పరిశోధక రచయిత మరో కొత్త విషయాన్ని లేవనెత్తారు. రాక్షస గుళ్ల వంటి రహస్య కట్టడాలు గ్రహాంతర జీవుల నుంచి కాపాడుకోవటానికి ఉద్దేశించినవే కావొచ్చన్నది ఆయన భావన. స్కాట్లాండ్లోని స్కారా బ్రీ రాతి నిర్మాణం, మేషోవీ గుమ్మటం, బ్రాక్స్ రాతిగోడ వంటి రహస్య కట్టడాలు గ్రహాంతర జీవుల నుంచి ఎదురయ్యే ప్రమాదాల నుంచి కాపాడుకోవటానికి నిర్మించినవే కావొచ్చని అంటున్నారు. వీటిని కట్టడానికి వాడిన కొన్ని రాళ్లపై దేన్నుంచో తప్పించుకోవటానికి ప్రయత్నిస్తున్నట్టుగా జానపద కథలను తలపించే చిత్రాలున్నాయని చెబుతున్నారు. పురాతత్వవేత్తలు పేర్కొనే వాటికన్నా ఇవి పూర్తిగా భిన్నంగా ఉన్నాయని వివరిస్తున్నారు. ఈ కట్టడాల నిర్మాణం, ఉద్దేశాలు అర్థం కావటం లేదని.. అవి అసలు ఉద్దేశాన్ని కప్పి పుచ్చేలా ఉన్నాయంటున్నారు. బ్రాక్స్ రాతి టవర్లు గ్రహాంతర జీవులతో అనుసంధానమయ్యేందుకు నిర్మించి ఉండొచ్చని.. ఇవి పిరమిడ్ల వంటి రహస్య కట్టడాలతో పోలి ఉన్నాయంటున్నారు. వీటిని గ్రహాంతర జీవులను ఆకర్షించటానికో లేదా వారి నుంచి కాపాడుకోవటానికో కట్టి ఉండొచ్చు.
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
సూపర్ పరిజ్ఞానాలు
సాంకేతిక పరిజ్ఞాన (టెక్నాలజీ) రంగం శరవేగంగా సాగుతోంది. నిన్నటి పద్ధతులు నేడు పాత పడిపోతున్నాయి. వాటి స్థానంలో వినూత్న పరిజ్ఞానాలు వచ్చి చేరుతున్నాయి. -
ఏఐ సాయంతో ఉద్యోగం!
కృత్రిమ మేధ (ఏఐ) మనుషుల స్థానాన్ని ఆక్రమిస్తుందని, దీని మూలంగా ఉద్యోగాలు పోతాయనే ఆందోళనలు వెల్లువెత్తటం చూస్తున్నదే. -
ఏఐ సోషల్ లోకం!
సామాజిక మాధ్యమ ప్రియులకు శుభవార్త. మరో వినూత్న సోషల్ మీడియా యాప్ ఆరంభమైంది. దీని పేరు బటర్ఫ్లయిస్. మామూలు యూజర్లతోనే కాకుండా కృత్రిమ మేధ(ఏఐ)తో సృష్టించుకున్న పాత్రలతోనూ సంభాషణలు జరపటానికి వీలు కల్పించటం దీని ప్రత్యేకత. -
విద్యుత్తు మోటారు ఎలా తిరుగుతుంది?
విద్యుత్తుతో పనిచేసే ఫ్యాన్లు, మిక్సీల వంటి వాటిని రోజూ వాడుతూనే ఉంటాం. వీటిల్లోని మోటార్లు ఎలా పనిచేస్తాయో తెలుసా? ఈ మోటార్లు విద్యుత్తును చలనశక్తిగా మారుస్తాయి. -
యాపిల్ ఏఐ శకం
యాపిల్ సంస్థ కృత్రిమ మేధ (ఏఐ) దిశగా తొలి అడుగులు వేసింది. ఏటా నిర్వహించే వరల్డ్ వైడ్ డెవలపర్స్ కాన్ఫరెన్స్(డబ్ల్యూడబ్ల్యూడీసీ)లో ఈసారి దీనికి పెద్ద పీట వేసింది. యాపిల్ ఇంటెలిజెన్స్ పేరిట సొంత ఏఐ పరిజ్ఞానాన్ని పరిచయం చేయటంతో పాటు డిజిటల్ అసిస్టెంట్ అయిన సిరికి సైతం ఏఐ సొబగులు అద్దింది. -
నవ మాయా దర్పణం
మీరు ఓ మాయా దర్పణాన్ని చూస్తున్నారని ఊహించుకోండి. అందులో ఎక్కడో దూరంగా ఉన్న తండ్రి ప్రత్యక్షమయ్యారు. ఆయనను ఆ గదిలోనే నిజంగా చూస్తున్నట్టే అనిపించింది. కళ్లలోకి కళ్లు పెట్టి చూస్తూ, హావభావాలను ఒలక బోస్తూ ఆయన మాట్లాడుతుంటే ఎంత సంతోషం కలిగిందో. -
పదార్థాలు చెడకుండా..
ఆహార పదార్థాలు ఇప్పుడు ఒక ప్రాంతానికే పరిమితం కావటం లేదు. సాగరాలు దాటుకొని దేశదేశాలకూ విస్తరిస్తున్నాయి. అయితే కూరగాయలు, పండ్లు, మాంసం వంటివి త్వరగా చెడిపోవటం పెద్ద సమస్య. దీన్ని అధిగమించటానికి ఆహార నిల్వ పద్ధతులు ఎంతగానో తోడ్పడు తున్నాయి. -
ఫైళ్ల అంశాలు ప్రివ్యూలో
డెస్క్టాపో, ల్యాప్టాపో.. ఏదైనా పీసీలో బోలెడన్ని ఫైళ్లు. రోజూ కొత్తవి ఎన్నో వచ్చి చేరుతుంటాయి. కొన్నిసార్లు పేర్లనూ మరచిపోతుంటాం. ఇలాంటి పరిస్థితుల్లో వాటిని వెతికి పట్టుకోవటమంటే మాటలు కాదు. -
వాతావరణ మార్పును వింటారా?
డేటా అనగానే అంకెలు, గ్రాఫ్లే గుర్తుకొస్తాయి. దీన్ని సంగీతంగా మారిస్తే? జపాన్ శాస్త్రవేత్త హిటోరీ నగాయ్ అలాంటి విచిత్రమే చేసి చూపించారు. అర్కిటిక్, అంటార్కిటికా నుంచి 30 ఏళ్లుగా ఉపగ్రహాలు సేకరించిన వాతావరణ సమాచారాన్ని ఆరు నిమిషాల పాటగా మార్చారు. -
ఫోన్ భద్రంగా..
స్మార్ట్ఫోన్లు ఇప్పుడు వ్యక్తిగత ఆస్తులు! పాస్వర్డ్లు, ఈమెయిళ్లు, బ్యాంకు వివరాల వంటి విలువైన సమాచారం మొత్తం వీటిల్లోనే స్టోర్ చేసుకుంటున్నాం మరి. ఇంతటి కీలకమైన ఫోన్లను భద్రంగా కాపాడుకోవద్దూ! -
కార్చిచ్చు కహానీ!
ప్రకృతి విపత్తులనగానే వరదలు, తుపాన్లు, కరవులు, సుడిగుండాల వంటివే గుర్తుకొస్తాయి. కానీ అడవులు మండటమూ తక్కువేమీ కాదు. ఇటీవల మన దగ్గర శేషాచలం అడవుల్లో, ఉత్తరాఖండ్లో కార్చిచ్చు రేగటం తెలిసిందే. -
మెదడులాంటి కంప్యూటర్!
మనిషి మెదడులా పనిచేసే, ఒకే సమయంలో వేర్వేరుగా స్పందించే కంప్యూటర్లను రూపొందించాలని చాలాకాలంగా ప్రయత్నిస్తున్నారు. ఈ దిశగా ఇంటెల్ శాస్త్రవేత్తలు ముందడుగు వేశారు. ప్రపంచంలోనే అతి పెద్ద న్యూరోమార్ఫిక్ కంప్యూటర్ను రూపొందించారు. -
దైవకణం కథ
అది అన్ని కణాలకూ ద్రవ్యరాశిని సంతరింపజేస్తుంది. దీని గురించి 1960ల్లోనే తెలిసినా 50 ఏళ్ల తర్వాత గానీ ఉనికి బయటపడలేదు. ప్రపంచంలోనే అతి పెద్ద, అతి సంక్లిష్ట యంత్రం సాయం తీసుకుంటే తప్ప అది సాధ్యం కాలేదు. -
కాల మహిమ
ఉగాది రోజు పంచాంగం విన్నారా? దీనిలోని తిథులు, రోజులు, పక్షాలు, నెలలు, రుతువులు.. అన్నీ కాల గమన సంకేతాలే. అసలు కాలమంటే ఏంటి? అది ఎలా మొదలైంది? ఇలాగే కొనసాగుతుందా? అంతమవుతుందా? -
కంప్యూటర్కు బుర్ర!
మన మెదడు అద్భుతమైంది. హేతుబద్ధంగా వ్యవహరిస్తుంది. కార్య కారణాలను విశ్లేషించి ఒక నిర్ణయానికి వస్తుంది. ఉచితానుచితాలను బేరీజు వేస్తుంది. ఏ పని ఎలా చేస్తే ఎలాంటి ఫలితం వస్తుందో పసిగడుతుంది. -
ఫోన్ ట్యాప్ అయ్యిందా?
నేటి డిజిటల్ యుగంలో వ్యక్తిగత సమాచార గోప్యత, భద్రత అతి కీలకమయ్యాయి. అధునాతన నిఘా పద్ధతుల నేపథ్యంలో ఇవి మరింత ప్రాధాన్యం సంతరించు కుంటున్నాయి. నిత్య జీవితంలో విడదీయలేని పరికరంగా మారిన ఫోన్ల మీదా నిఘా వేయటం, ట్యాపింగ్ చేయటమూ చూస్తున్నాం. -
రోబో సేవలు చేసేనే..
మనిషికి మనిషి తోడంటారు. ఇప్పుడు మర మనిషీ (రోబో) చేయందిస్తోంది. ఒకపక్క అధునాతన హ్యూమనాయిడ్ రోబోల వెల్లువ సంచలనం సృష్టిస్తుండగా.. మరోపక్క మామూలు రోబోలూ సేవలకు సిద్ధమవుతున్నాయి. -
మానవ రోబో దండు!
రోబో అనగానే ఏం గుర్తుకొస్తుంది? లోహ చట్రంతో కదిలే మర యంత్రమో, కదిలే లోహం బొమ్మో మదిలో కదలాడుతుంది. రబ్బరు కండరాలతో చేసినదైతే మనిషి మాదిరిగానూ కనిపిస్తుంది. చూపు, మాట మనిషిని పోలి ఉంటాయి. -
paul alexander: ఇనుప ఊపిరితిత్తి!
ఓ పొడవైన పెట్టె. శరీరమంతా అందులోనే. తల మాత్రమే బయటకు. ఒకటి కాదు, రెండు కాదు.. ఏకంగా 72 ఏళ్లు అందులోనే గడిపితే? అమెరికాకు చెందిన పాల్ అలెగ్జాండర్ అలాగే గడిపారు -
గూగుల్ సెర్చ్ తెలివిగా..
స్మార్ట్ఫోన్లలో గూగుల్ సెర్చ్ను వాడనివారుండరంటే అతిశయోక్తి కాదు. కానీ తేలికగా, త్వరగా ఆయా అంశాలను శోధించటానికి కొన్ని చిట్కాలు ఉన్నాయనే సంగతి తెలుసా? అలాంటి కొన్ని ఉపాయాల గురించి తెలుసుకుందాం.