ప్రొఫైల్‌ గోప్యంగా..

సామాజిక మాధ్యమాల్లో ప్రొఫైల్‌ను భద్రంగా కాపాడుకోవటం చాలా చాలా ముఖ్యం. క్రీడాకారులు, సినీ నటులు, నాయకుల వంటి ఆదరణ పొందిన, ప్రజలతో సంబంధం గలవారంటే ఏమో అనుకోవచ్చు. కానీ మనకు సంబంధించిన అన్ని వివరాలు అందరికీ తెలియాల్సిన, అన్ని ఫొటోలను అంతా చూడాల్సిన అవసరం లేదు. మోసగాళ్లు వీటిని అనుచిత చర్యలకు వాడుకునే ప్రమాదముంది. కాబట్టి ఎవరెవరు మన ప్రొఫైల్, ఫొటోలు చూడొచ్చో సెట్‌ చేసుకోవాలి. ఇందుకు ఆయా మాధ్యమాలు అవకాశమూ కల్పిస్తాయి. ఉదాహరణకు- ఫేస్‌బుక్‌లో ప్రొఫైల్‌ పిక్‌ మీద క్లిక్‌ చేసి సెటింగ్స్‌ అండ్‌ ప్రైవసీలోకి వెళ్లాలి. అనంతరం సెటింగ్స్‌ మీద క్లిక్‌ చేసి ఆడియెన్స్‌ అండ్‌ విజిబిలిటీ కింద అవసరమైన ఆప్షన్‌ను ఎంచుకోవాలి. ఇన్‌స్టాగ్రామ్‌లోనూ ఇలాంటి సదుపాయం ఉంటుంది.