ఆ నంబర్లకూ వాట్సప్‌ మెసేజ్‌

వాట్సప్‌లో మన ఫోన్‌లో సేవ్‌ అయిన కాంటాక్టులకే మెసేజ్‌లు, ఫొటోలు, డాక్యుమెంట్ల వంటివి పంపటానికి వీలుంటుంది. అయితే కొన్నిసార్లు కాంటాక్టు జాబితాలో లేనివారికీ సందేశాలు పంపాల్సి రావొచ్చు. మరెలా? దీనికి మార్గం లేకపోలేదు.

• వాట్సప్‌ను ఓపెన్‌ చేసి సెర్చ్‌ బాక్సులో ‘యు’ టైప్‌ చేయాలి.
• అది మన నంబరే కావటం వల్ల మనకు మనమే సందేశాలు పంపుకోవచ్చు. ఇందులో సేవ్‌ చేయొద్దని భావించే ఫోన్‌ నంబర్‌ను టైప్‌ లేదా పేస్ట్‌ చేసి సెండ్‌ చేయాలి.
• అప్పుడు మన ఛాట్‌లో ఆ నంబరు నీలం రంగులోకి మారుతుంది. దాని మీద తాకితే ఛాట్‌ విత్‌, కాల్‌ ఆన్‌ వాట్సప్‌, యాడ్‌ టు కాంటాక్ట్స్‌ ఆప్షన్లు కనిపిస్తాయి.
• ఛాట్‌ విత్‌ను ఎంచుకొని మెసేజ్‌లు పంపించొచ్చు.

గ్రూపులో ఉన్నప్పుడు..

గ్రూపు సభ్యుల్లో అందరి నంబర్లనూ సేవ్‌ చేసుకోవటం సాధ్యం కాకపోవచ్చు. మరి వారికి మెసేజ్‌లు పంపాలంటే?

• వాట్సప్‌ గ్రూప్‌ను ఓపెన్‌ చేసి, గ్రూపు ఇన్ఫోమీద తాకాలి.
• గ్రూపులోని సభ్యుల జాబితాలో మెసేజ్‌ పంపాలనుకునేవారి నంబరు మీద తాకాలి. పాపప్‌ అయ్యే ఆప్షన్లలోంచి మెసేజ్‌ను ఎంచుకుంటే వారి ఛాట్‌ విండో ఓపెన్‌ అవుతుంది. ఫోన్‌ నంబరు సేవ్‌ చేసుకోకుండానే ఆ ఛాట్‌ విండో నుంచి నేరుగా సందేశాలు పంపొచ్చు.