- TRENDING
- NEET Row
- Union Budget 2024
- T20 World Cup 2024
artificial intelligence: ఏఐ సాయంతో ఉద్యోగం!
కృత్రిమ మేధ (ఏఐ) మనుషుల స్థానాన్ని ఆక్రమిస్తుందని, దీని మూలంగా ఉద్యోగాలు పోతాయనే ఆందోళనలు వెల్లువెత్తటం చూస్తున్నదే.
కృత్రిమ మేధ (ఏఐ) మనుషుల స్థానాన్ని ఆక్రమిస్తుందని, దీని మూలంగా ఉద్యోగాలు పోతాయనే ఆందోళనలు వెల్లువెత్తటం చూస్తున్నదే. కానీ దీన్ని తెలివిగా వాడుకోవటం ద్వారా ఉద్యోగం వచ్చే అవకాశాలనూ మెరుగుపరచుకోవచ్చు.
ఉద్యోగం దొరకటం అంత తేలికైన పని కాదు. చాలాకాలం వేచి చూడాల్సి వస్తుంది కూడా. బోలెడన్ని ఈమెయిళ్లు పంపాలి. కాల్స్ చేయాలి. రెజ్యుమే ఆకట్టుకునేలా ఉండాలి. ఇంటర్వ్యూకు హాజరైనప్పుడు సృజనాత్మకంగా సమాధానాలు ఇవ్వాలి. ఇన్ని చేసినా కచ్చితంగా ఉద్యోగం దొరుకుతుందన్న గ్యారంటీ లేదు. ఇలాంటి పరిస్థితి కొత్తేమీ కాదు. చాలాకాలంగా ఎదుర్కొంటూనే వస్తున్నాం. మార్పేమీ లేదు. కానీ ఇప్పుడు జనరేటివ్ ఏఐ రూపంలో కొత్త మార్పు వచ్చింది. దీని టూల్స్ సాయంతో తాము ఇతరుల కన్నా ప్రత్యేకమని తెలియజేసు కోవచ్చు. భాషను మెరుగుదిద్దటమే కాకుండా ఇంటర్వ్యూకు త్వరగా సన్నద్ధం కావటానికీ అవకాశం కల్పిస్తున్నాయి.
మెటా ఏఐతో క్విజ్
ఇప్పుడు మనదేశంలో మెటా ఏఐ అధికారికంగా అందుబాటులోకి వచ్చింది. దీని సాయంతో ఆయా అంశాల మీద మనకు మనమే క్విజ్ నిర్వహించుకోవచ్చు కూడా. ఉదాహరణకు- పైథాన్ మీద ప్రధానంగా దృష్టి పెట్టే సాఫ్ట్వేర్ కంపెనీ ఉద్యోగం కోసం వెళ్తున్నారనుకోండి. దీనికి సంబంధించిన ప్రశ్నలతో క్విజ్ ఏర్పాటు చేసి, సన్నద్ధం చేయమని మెటా ఏఐని కోరవచ్చు. అంతేకాదు.. ఆయా అంశాల గురించి సవివరంగా శోధించవచ్చు.
ఛాట్జీపీటీతో కవర్ లెటర్
ఛాట్జీపీటీ పేరు వినని వారు లేరంటే అతిశయోక్తి కాదు. టెక్ లోకంలో ఇప్పుడిది సర్వత్రా విస్తరించింది. కళాశాల విద్యార్థులూ అసైన్మెంట్లను పూర్తి చేయటానికి దీని సాయం తీసుకుంటున్నారు. మరి దీన్ని రెజ్యుమే తయారీకి ఎందుకు వాడుకోకూడదు? దీనర్థం మొత్తం కవర్ లెటర్ను ఛాట్జీపీటీతో రాసుకోవాలని కాదు. రెజ్యుమేను మరింత ఆకర్షణీయంగా మలచుకోవటానికి సలహాలు, సూచనలు తీసుకోవచ్చు. వ్యాకరణ దోషాలను పరిహరించుకోవచ్చు. అర్థవంతంగా మలచుకోవచ్చు. కాకపోతే ఛాట్జీపీటీకి ఇచ్చే ప్రాంప్ట్ల విషయంలో సృజనాత్మకంగా వ్యవహరించాలి. ఆయా ఉద్యోగాలకు అనువైన ప్రాంప్ట్లు ఇవ్వాలి. మన బలాలను, ప్రాధాన్యాలను సవివరంగా అందించాలి. అంతా పూర్తయ్యాక దోషాలేవైనా ఉన్నాయేమో జాగ్రత్తగా చదువుకోవాలి. అనుచిత భాష ఉంటే సవరించాలి. తర్వాత కంపెనీలకు పంపాలి.
ఇంటర్వ్యూకు సిద్ధం
ఎన్ని ఇంటర్వ్యూలకు హాజరైనా సరే. ప్రతిదీ కొత్తదే. ప్రతిదీ సవాలే. జీపీటీ-4ఓలో సమ్మిళితమైన ఛాట్జీపీటీ వాయిస్ టూల్తో మనకు మనమే ఇంటర్వ్యూకు సిద్ధం కావొచ్చు. ఇది మనుషులు మాట్లాడినట్టే గలగలా మాట్లాడేస్తుంది. ఛాట్జీపీటీ యాప్ను ఫోన్లో ఇన్స్టాల్ చేసుకొని, వాయిస్ విభాగంలోకి వెళ్లి ఇంటర్వ్యూ సన్నివేశాన్ని సిమ్యులేట్ చేయొచ్చు. అప్పుడు ఛాట్జీపీటీ ఇంటర్వ్యూ చేసేవారి మాదిరిగా ప్రశ్నలు సంధిస్తుంది. ఎలాంటి ఉద్యోగమో స్పష్టంగా వివరిస్తే దానికి అనుగుణంగా ఇంటర్వ్యూ చేస్తుంది. ప్రశ్నలను తిప్పి అడుగుతూ నైపుణ్యాలను వెలికి తీయటానికీ ప్రయత్నిస్తుంది.
ఈమెయిళ్ల సారాంశాలు
ఉద్యోగాలకు దరఖాస్తు చేసుకోవటం మొదలు పెట్టినప్పటి నుంచీ అక్నాలెడ్జ్మెంట్లు, సమాధానాలతో ఇన్బాక్స్ నిండుతూ వస్తుంది. కొన్ని ఉపయోగపడనివీ ఉండొచ్చు. వీటిని విడదీసుకోవటం అంత తేలిక కాదు. అదృష్టం కొద్దీ ఇప్పుడు జీమెయిల్లో బిల్టిన్గా ఈమెయిళ్ల సారాంశాన్ని గుదిగుచ్చే ఫీచర్ అందుబాటులోకి వచ్చింది. ఇది త్వరగా సమాచారాన్ని విడమరచి పెడుతుంది. ఒకేసారి ఎక్కువ మెయిళ్లను మేనేజ్ చేసేటప్పుడు చాలా సమయాన్ని ఆదా చేస్తుంది. అయితే ముఖ్యమైన మెయిళ్లను క్షుణ్ణంగా చదవటం ముఖ్యమనే సంగతిని విస్మరించరాదు. కీలకమైన వివరాలను పట్టుకోలేకపోతే తర్వాత చింతించాల్సి వస్తుంది.
కోపైలట్తో స్వీయ బ్రాండింగ్
మిగతావారి కన్నా మనల్ని భిన్నంగా, ప్రత్యేకంగా ఉంచేది ఏది? స్వీయ గుర్తింపు. రెజ్యూమ్లో గానీ సోషల్ మీడియాలో గానీ ఇది అవసరమే. కోపైలట్ వంటి టూల్స్ పదాల ప్రాంప్ట్లతోనే ఇమేజ్లను సృష్టిస్తాయి. సోషల్ మీడియా కోసమైతే కార్టూన్లను పోలినవీ వాడుకోవచ్చు. ఇలాంటి జనరేటివ్ ఏఐ టూల్స్తో ఎలాంటి ఇమేజ్లనైనా రూపొందించుకోవచ్చు. అయితే తగిన ప్రాంప్ట్లను ఇస్తేనే మంచి ఫలితాలు వస్తాయి. ప్రత్యేక గుర్తింపు పొందొచ్చు.
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
సూపర్ పరిజ్ఞానాలు
సాంకేతిక పరిజ్ఞాన (టెక్నాలజీ) రంగం శరవేగంగా సాగుతోంది. నిన్నటి పద్ధతులు నేడు పాత పడిపోతున్నాయి. వాటి స్థానంలో వినూత్న పరిజ్ఞానాలు వచ్చి చేరుతున్నాయి. -
ఏఐ సోషల్ లోకం!
సామాజిక మాధ్యమ ప్రియులకు శుభవార్త. మరో వినూత్న సోషల్ మీడియా యాప్ ఆరంభమైంది. దీని పేరు బటర్ఫ్లయిస్. మామూలు యూజర్లతోనే కాకుండా కృత్రిమ మేధ(ఏఐ)తో సృష్టించుకున్న పాత్రలతోనూ సంభాషణలు జరపటానికి వీలు కల్పించటం దీని ప్రత్యేకత. -
గ్రహాంతర జీవులు మనమధ్యే!
గ్రహాంతర జీవుల మీద మన ఆసక్తి ఈనాటిది కాదు. వీరి కోసం చాలాకాలంగా అన్వేషిస్తున్నాం. కానీ ఇంతవరకూ కచ్చితమైన జాడేదీ కనిపించలేదు. విశ్వంలో మనలాంటి వాళ్లు ఉన్నారని కొందరు, లేరని మరికొందరు శాస్త్రవేత్తలు వాదిస్తూనే వస్తున్నారు. -
విద్యుత్తు మోటారు ఎలా తిరుగుతుంది?
విద్యుత్తుతో పనిచేసే ఫ్యాన్లు, మిక్సీల వంటి వాటిని రోజూ వాడుతూనే ఉంటాం. వీటిల్లోని మోటార్లు ఎలా పనిచేస్తాయో తెలుసా? ఈ మోటార్లు విద్యుత్తును చలనశక్తిగా మారుస్తాయి. -
యాపిల్ ఏఐ శకం
యాపిల్ సంస్థ కృత్రిమ మేధ (ఏఐ) దిశగా తొలి అడుగులు వేసింది. ఏటా నిర్వహించే వరల్డ్ వైడ్ డెవలపర్స్ కాన్ఫరెన్స్(డబ్ల్యూడబ్ల్యూడీసీ)లో ఈసారి దీనికి పెద్ద పీట వేసింది. యాపిల్ ఇంటెలిజెన్స్ పేరిట సొంత ఏఐ పరిజ్ఞానాన్ని పరిచయం చేయటంతో పాటు డిజిటల్ అసిస్టెంట్ అయిన సిరికి సైతం ఏఐ సొబగులు అద్దింది. -
నవ మాయా దర్పణం
మీరు ఓ మాయా దర్పణాన్ని చూస్తున్నారని ఊహించుకోండి. అందులో ఎక్కడో దూరంగా ఉన్న తండ్రి ప్రత్యక్షమయ్యారు. ఆయనను ఆ గదిలోనే నిజంగా చూస్తున్నట్టే అనిపించింది. కళ్లలోకి కళ్లు పెట్టి చూస్తూ, హావభావాలను ఒలక బోస్తూ ఆయన మాట్లాడుతుంటే ఎంత సంతోషం కలిగిందో. -
పదార్థాలు చెడకుండా..
ఆహార పదార్థాలు ఇప్పుడు ఒక ప్రాంతానికే పరిమితం కావటం లేదు. సాగరాలు దాటుకొని దేశదేశాలకూ విస్తరిస్తున్నాయి. అయితే కూరగాయలు, పండ్లు, మాంసం వంటివి త్వరగా చెడిపోవటం పెద్ద సమస్య. దీన్ని అధిగమించటానికి ఆహార నిల్వ పద్ధతులు ఎంతగానో తోడ్పడు తున్నాయి. -
ఫైళ్ల అంశాలు ప్రివ్యూలో
డెస్క్టాపో, ల్యాప్టాపో.. ఏదైనా పీసీలో బోలెడన్ని ఫైళ్లు. రోజూ కొత్తవి ఎన్నో వచ్చి చేరుతుంటాయి. కొన్నిసార్లు పేర్లనూ మరచిపోతుంటాం. ఇలాంటి పరిస్థితుల్లో వాటిని వెతికి పట్టుకోవటమంటే మాటలు కాదు. -
వాతావరణ మార్పును వింటారా?
డేటా అనగానే అంకెలు, గ్రాఫ్లే గుర్తుకొస్తాయి. దీన్ని సంగీతంగా మారిస్తే? జపాన్ శాస్త్రవేత్త హిటోరీ నగాయ్ అలాంటి విచిత్రమే చేసి చూపించారు. అర్కిటిక్, అంటార్కిటికా నుంచి 30 ఏళ్లుగా ఉపగ్రహాలు సేకరించిన వాతావరణ సమాచారాన్ని ఆరు నిమిషాల పాటగా మార్చారు. -
ఫోన్ భద్రంగా..
స్మార్ట్ఫోన్లు ఇప్పుడు వ్యక్తిగత ఆస్తులు! పాస్వర్డ్లు, ఈమెయిళ్లు, బ్యాంకు వివరాల వంటి విలువైన సమాచారం మొత్తం వీటిల్లోనే స్టోర్ చేసుకుంటున్నాం మరి. ఇంతటి కీలకమైన ఫోన్లను భద్రంగా కాపాడుకోవద్దూ! -
కార్చిచ్చు కహానీ!
ప్రకృతి విపత్తులనగానే వరదలు, తుపాన్లు, కరవులు, సుడిగుండాల వంటివే గుర్తుకొస్తాయి. కానీ అడవులు మండటమూ తక్కువేమీ కాదు. ఇటీవల మన దగ్గర శేషాచలం అడవుల్లో, ఉత్తరాఖండ్లో కార్చిచ్చు రేగటం తెలిసిందే. -
మెదడులాంటి కంప్యూటర్!
మనిషి మెదడులా పనిచేసే, ఒకే సమయంలో వేర్వేరుగా స్పందించే కంప్యూటర్లను రూపొందించాలని చాలాకాలంగా ప్రయత్నిస్తున్నారు. ఈ దిశగా ఇంటెల్ శాస్త్రవేత్తలు ముందడుగు వేశారు. ప్రపంచంలోనే అతి పెద్ద న్యూరోమార్ఫిక్ కంప్యూటర్ను రూపొందించారు. -
దైవకణం కథ
అది అన్ని కణాలకూ ద్రవ్యరాశిని సంతరింపజేస్తుంది. దీని గురించి 1960ల్లోనే తెలిసినా 50 ఏళ్ల తర్వాత గానీ ఉనికి బయటపడలేదు. ప్రపంచంలోనే అతి పెద్ద, అతి సంక్లిష్ట యంత్రం సాయం తీసుకుంటే తప్ప అది సాధ్యం కాలేదు. -
కాల మహిమ
ఉగాది రోజు పంచాంగం విన్నారా? దీనిలోని తిథులు, రోజులు, పక్షాలు, నెలలు, రుతువులు.. అన్నీ కాల గమన సంకేతాలే. అసలు కాలమంటే ఏంటి? అది ఎలా మొదలైంది? ఇలాగే కొనసాగుతుందా? అంతమవుతుందా? -
కంప్యూటర్కు బుర్ర!
మన మెదడు అద్భుతమైంది. హేతుబద్ధంగా వ్యవహరిస్తుంది. కార్య కారణాలను విశ్లేషించి ఒక నిర్ణయానికి వస్తుంది. ఉచితానుచితాలను బేరీజు వేస్తుంది. ఏ పని ఎలా చేస్తే ఎలాంటి ఫలితం వస్తుందో పసిగడుతుంది. -
ఫోన్ ట్యాప్ అయ్యిందా?
నేటి డిజిటల్ యుగంలో వ్యక్తిగత సమాచార గోప్యత, భద్రత అతి కీలకమయ్యాయి. అధునాతన నిఘా పద్ధతుల నేపథ్యంలో ఇవి మరింత ప్రాధాన్యం సంతరించు కుంటున్నాయి. నిత్య జీవితంలో విడదీయలేని పరికరంగా మారిన ఫోన్ల మీదా నిఘా వేయటం, ట్యాపింగ్ చేయటమూ చూస్తున్నాం. -
రోబో సేవలు చేసేనే..
మనిషికి మనిషి తోడంటారు. ఇప్పుడు మర మనిషీ (రోబో) చేయందిస్తోంది. ఒకపక్క అధునాతన హ్యూమనాయిడ్ రోబోల వెల్లువ సంచలనం సృష్టిస్తుండగా.. మరోపక్క మామూలు రోబోలూ సేవలకు సిద్ధమవుతున్నాయి. -
మానవ రోబో దండు!
రోబో అనగానే ఏం గుర్తుకొస్తుంది? లోహ చట్రంతో కదిలే మర యంత్రమో, కదిలే లోహం బొమ్మో మదిలో కదలాడుతుంది. రబ్బరు కండరాలతో చేసినదైతే మనిషి మాదిరిగానూ కనిపిస్తుంది. చూపు, మాట మనిషిని పోలి ఉంటాయి. -
paul alexander: ఇనుప ఊపిరితిత్తి!
ఓ పొడవైన పెట్టె. శరీరమంతా అందులోనే. తల మాత్రమే బయటకు. ఒకటి కాదు, రెండు కాదు.. ఏకంగా 72 ఏళ్లు అందులోనే గడిపితే? అమెరికాకు చెందిన పాల్ అలెగ్జాండర్ అలాగే గడిపారు -
గూగుల్ సెర్చ్ తెలివిగా..
స్మార్ట్ఫోన్లలో గూగుల్ సెర్చ్ను వాడనివారుండరంటే అతిశయోక్తి కాదు. కానీ తేలికగా, త్వరగా ఆయా అంశాలను శోధించటానికి కొన్ని చిట్కాలు ఉన్నాయనే సంగతి తెలుసా? అలాంటి కొన్ని ఉపాయాల గురించి తెలుసుకుందాం.
తాజా వార్తలు (Latest News)
-
పురుగుల మందు నువ్వు తాగుతావా..?పిల్లలకు పట్టించనా..!
-
గుడ్డిగా నిర్మించారు.. అడ్డుగా వదిలేశారు
-
బంగ్లా ఆధునికీకరణకు రూ.60 లక్షలు!.. వైకాపా హయాంలో ఓ అధికారిణి ఇష్టారాజ్యం
-
పూరీ జగన్నాథుని రత్న భాండాగారంపై 9వ తేదీన నిర్ణయం
-
జగన్ వినకపోవడం వల్లే ఓడిపోయా: మాజీ ఎమ్మెల్యే కరణం ధర్మశ్రీ
-
‘మీరు భలే ఉంటారు...’! ఓ పోలీసు అధికారి విపరీత ప్రవర్తన