IND vs BAN: అతిగా నిద్రపోయి.. భారత్‌తో మ్యాచ్‌కు దూరమై..

దిల్లీ: టీ20 ప్రపంచకప్‌లో భారత్‌తో మ్యాచ్‌లో బంగ్లాదేశ్‌ వైస్‌కెప్టెన్‌ తస్కిన్‌ అహ్మద్‌ ఆడలేదు. కీలక మ్యాచ్‌లో అతడు దూరం కావడానికి కారణం ఆలస్యంగా వెలుగులోకి వచ్చింది. అతిగా నిద్రపోయి.. సమయానికి బస్సు అందుకోలేకపోవడం వల్లనే అతడు తుది జట్టులో ఆడలేదని ఓ బంగ్లాదేశ్‌ క్రికెట్‌ బోర్డు (బీసీబీ) అధికారి చెప్పాడు. ‘‘జట్టు బస్సు అందుకోలేకపోయిన తస్కిన్‌ ఆ తర్వాత జట్టుతో చేరాడు’’ అని బీసీబీ అధికారి చెప్పాడు. ‘‘బస్సు అందుకోలేకపోయినందుకు తోటి ఆటగాళ్లతో పాటు అందరికీ తస్కిన్‌ క్షమాపణలు చెప్పాడు. దీన్నో సమస్యగా చూడాల్సిన అవసరం లేదు’’ అని బీసీబీ అధికారి అన్నాడు. అంటిగ్వాలో జరిగిన మ్యాచ్‌లో టీమ్‌ఇండియా 50 పరుగులు తేడాతో బంగ్లాదేశ్‌ను ఓడించింది.