Team India: ప్రధాని నరేంద్ర మోదీతో ముగిసిన భారత క్రికెటర్ల భేటీ

ఇంటర్నెట్ డెస్క్: విండీస్-అమెరికా సంయుక్త ఆతిథ్యంగా జరిగిన పొట్టి కప్‌ను సొంతం చేసుకున్న టీమ్‌ఇండియా గురువారం ఉదయం స్వదేశానికి చేరుకుంది. ఈసందర్భంగా వారికి అపూర్వ స్వాగతం లభించింది. భారత జట్టు ప్రధాని నరేంద్ర మోదీతో భేటీ అయింది. ప్రధానితో కలిసి ఆటగాళ్లంతా అల్పాహారం చేశారు. ఈసందర్భంగా ప్రతీ క్రికెటర్‌ను మోదీ ఆప్యాయంగా పలకరించి అభినందనలు తెలిపారు. అనంతరం ప్రధాని నివాసం నుంచి వారు ఎయిర్‌పోర్టుకు బయల్దేరారు. భారత క్రికెటర్లు నేరుగా ముంబయికి వెళ్తారు. సాయంత్రం 5 గంటలకు రోడ్‌షో, అనంతరం వాంఖడే వేదికగా సన్మానం జరగనుంది.

ఫైనల్‌ రోజున మోదీ స్వయంగా ఫోన్‌ చేసి ప్లేయర్లతో మాట్లాడిన సంగతి తెలిసిందే. దాదాపు 11 ఏళ్ల తర్వాత టీమ్‌ఇండియా వరల్డ్‌ కప్‌ (World Cup) నెగ్గింది. చివరిగా ఎంఎస్ ధోనీ నాయకత్వంలో వన్డే ప్రపంచ కప్‌ను కైవసం చేసుకున్న సంగతి తెలిసిందే. అలాగే రెండోసారి టీ20 ప్రపంచ కప్‌ను దక్కించుకోవడానికి 17 ఏళ్లు పట్టింది.