T20 World cup: దక్షిణాఫ్రికా మారలేదు..

వన్డేల్లో అయినా, టీ20 అయినా ప్రపంచకప్‌లో మొన్నటి వరకు ఫైనల్‌కు చేరిన చరిత్రే లేదు దక్షిణాఫ్రికాకు. నాకౌట్‌ మ్యాచ్‌ల్లో ఒత్తిడికి గురి కావడం వల్లో, దురదృష్టం వెంటాడడం వల్లో ఆ జట్టు నిష్క్రమించడం మామూలే. అయితే ఈసారి ప్రపంచకప్‌లో మాత్రం నిలకడగా ఆడి ఫైనల్‌ చేరింది సఫారీ జట్టు. సూపర్‌-8లో ఇంగ్లాండ్‌ 6 వికెట్లు చేతిలో ఉండగా 3 ఓవర్లలో 25 పరుగులే చేయాల్సి రాగా.. ఆ స్థితిలో ప్రత్యర్థిని కట్టడి చేసి 7 పరుగుల తేడాతో మ్యాచ్‌ను సొంతం చేసుకుంది దక్షిణాఫ్రికా. దీంతో సఫారీ జట్టు మారిపోయిందని అంతా అనుకున్నారు. కానీ ఫైనల్లో 6 వికెట్లు చేతిలో ఉండగా 30 బంతుల్లో 30 పరుగులు చేయాల్సిన స్థితిలో తడబడి మ్యాచ్‌ను భారత్‌కు అప్పగించేసింది సఫారీ జట్టు. దీంతో దక్షిణాఫ్రికా మారలేదని.. మంచి స్థితి నుంచి తడబడి కుప్పకూలే బలహీనతను విడిచిపెట్టలేదని మరోసారి రుజువైంది.