Hardik Pandya: ‘మాటలు పడి’లేచిన కెరటం... పాండ్య
ఓడిపోయినప్పుడు మనది కాని రోజు ఇది అనుకోవాలి. గేలి చేస్తున్నప్పుడు గెలిచి చూపించాలి అనుకోవాలి. మనదైన రోజున మనమేంటో ఆడి చూపించాలి. టీ20 ప్రపంచకప్‌లో హార్దిక్ పాండ్య చేసింది ఇదే. ‘మాటలు పడి’లేచిన కెరటం పాండ్య గురించి ఓ సారి చూద్దాం.
బంతికో పరుగు చేస్తే దక్షిణాఫ్రికా మ్యాచ్ గెలిచే పరిస్థితి.. ఆ సమయంలో కెప్టెన్ రోహిత్ శర్మ (Rohit Sharma) చేతి నుంచి బాల్‌ అందుకున్నాడు. సిక్సర్లతో డీల్‌ చేస్తున్న క్లాసెన్‌ను చక్కటి స్లో బాల్‌తో బోల్తా కొట్టించాడు.
ఆఖరి ఓవర్లో కావాల్సింది 16 పరుగులు.. క్రీజులో మిల్లర్‌. మరోసారి వికెట్లకు దూరంగా బంతిని సంధించాడు అదే బౌలర్‌. బౌండరీ దాటి సిక్స్‌ వెళ్లిపోతుందేమో అనుకుంటుండగా.. సూర్య రిలే క్యాచ్‌కు మిల్లర్‌ ఔటయ్యాడు.
భారత్‌ ప్రపంచకప్‌ (T20 World Cup 2024) గెలవడానికి చాలా కారణాలు ఉండొచ్చు. అయితే ఈ రెండు వికెట్లు, ఆ రెండు ఓవర్లు విజయానికి అతి పెద్ద కారణాలు అని చెప్పొచ్చు. ఈ రెండు ఓవర్లు వేసింది హార్దిక్ పాండ్య (Hardik Pandya) అని మీకు ప్రత్యేకంగా చెప్పక్కర్లేదు.
మామూలుగా అయితే ఆ రెండు ఓవర్లు, విజయం ఏ బౌలర్‌కైనా స్పెషల్‌. అయితే హార్దిక్ పాండ్యకు ఇంకా ఇంకా స్పెషల్‌. ఎందుకంటే ప్రపంచకప్‌ ప్రారంభానికి ముందు పాండ్యను గేలి చేయని నోరు లేదు. జట్టులో ఎందుకు? అని ప్రశ్నించని వ్యక్తి లేడు. ఐపీఎల్‌లో పేలవ ప్రదర్శనతో గ్రౌండ్‌లోనే నానా మాటలు అన్నారు. కొందరు మాజీలు అయితే తూలనాడారు.
ఇప్పుడు అదుర్స్‌ అంటున్నారు..
హార్దిక్ మైదానంలో అడుగుపెడితే గేలి చేయడం.. ముంబయి కెప్టెన్‌గా ఎందుకు వచ్చావంటూ ఎగతాళి చేయడం.. ఆల్‌రౌండర్‌గా విఫలమవడంతో విపరీతంగా విమర్శించడం.. ఈ ఏడాది ఐపీఎల్‌లో జరిగిందిదే. కానీ, ఇప్పుడు అతని బ్యాటింగ్ అద్భుతమంటూ.. అతని బౌలింగ్‌ అదుర్స్‌ అంటూ పొగిడేస్తున్నారు. టీ20 ప్రపంచకప్‌లో ఆల్‌రౌండర్‌ పాత్రకు న్యాయం చేశాడంటూ ప్రశంసల వర్షం కురిపిస్తున్నారు.
ఈ తేడాకు కారణం హార్దిక్ కష్టం. ఈ మార్పునకు కారణం అతడి దృఢ సంకల్పం. తన మీద తను పెట్టుకున్న నమ్మకం. హార్దిక్ స్థానంలో మరే ఆటగాడు ఉన్నా పీడకల లాంటి ఆ ఐపీఎల్‌ అనుభవం నుంచి ఇంత త్వరగా కోలుకుని, తిరిగి సత్తాచాటేవాడు కాదేమో! ప్రపంచకప్‌ జట్టులో ఎంపికైనా ఏ పేలవ ప్రదర్శనో చేసి అసలు తుది జట్టులో ఉండేవాడే కాదేమో.
పీడకల లాంటి ఐపీఎల్‌
ఈ సీజన్‌కు ముందు రోహిత్ స్థానంలో హార్దిక్‌కు ముంబయి ఇండియన్స్‌ కెప్టెన్సీ అప్పజెప్పడంతో ఆ జట్టు, హిట్‌మ్యాన్‌ అభిమానులు తీవ్ర అసంతృప్తి ప్రదర్శించారు. ఆ అసహనాన్ని హార్దిక్‌పై చూపించారు. అతని సారథ్యంలో జట్టు కూడా పేలవ ప్రదర్శనతో చివరి స్థానంలో నిలిచింది. వ్యక్తిగతంగానూ హార్దిక్ విఫలమయ్యాడు. 13 ఇన్నింగ్స్‌లో 216 పరుగులు చేయడంతో పాటు కేవలం 11 వికెట్లే పడగొట్టాడు. దీంతో అతడికి ప్రపంచకప్‌లో చోటు దక్కడమూ సందేహంగా మారింది. కానీ అతని నైపుణ్యాలపై నమ్మకముంచిన అగార్కర్‌ నేతృత్వంలోని సెలక్షన్‌ కమిటీ ఓ అవకాశం ఇచ్చింది.
జాతీయ జట్టుకు ఆడుతున్నప్పుడు వేరే హార్దిక్‌ను చూస్తామని, అతడు పుంజుకుంటాడని ఈ టోర్నీ ఆరంభానికి ముందు మాజీలు అభిప్రాయపడ్డారు. ఆ మాటలను నిజం చేస్తూ జట్టు విజయాల్లో కీలక పాత్ర పోషించాడు. పూర్తి ఆత్మవిశ్వాసంతో బ్యాటింగ్, బౌలింగ్‌లో రాణించాడు. ఈ మెగా టోర్నీలో నిలకడగా బౌలింగ్‌ చేసి 8 మ్యాచుల్లో 11 వికెట్లు తీశాడు. 151.57 స్ట్రయిక్‌ రేట్‌తో 144 పరుగులు చేశాడు. చేసిన పరుగులూ, తీసిన వికెట్లు జట్టు అతి కష్టం మీద ఉన్నప్పటివే అన్న విషయం గుర్తుంచుకోవాలి.
నవ్విన నాప చేనే పండుతుంది అని వినే ఉంటారు.. ఇప్పుడు అదే చేసి చూపించాడు హార్దిక్ పాండ్య. తనను గేలి చేసినవారికి గెలిచి చూపించాడు. ఏకంగా కుటుంబ విషయాలను చర్చలోకి లాగిన వారికి విజయంతో చెంప చెళ్లుమనిపించాడు. ఫైనల్‌ మ్యాచ్ విజయం తర్వాత పాండ్య కన్నీటిలో గెలిచిన ఆనందం కనిపిస్తుంది. అంతేకాదు ఇన్నాళ్లూ గుండెల్లో దాచుకున్న అవమాన భారాన్ని కూడా దించేసుకున్నాడు అనిపించకమానదు.
కుంగ్‌ ఫు పాండ్య.. ఇలానే ఉండు.. ఇలానే ఆడు.. ఇలానే గెలిపించు!
Trending
గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
ఉత్కంఠ రేకెత్తించిన మ్యాచ్‌లో బెస్ట్‌ ఫీల్డర్‌ ఎవరంటే..
T20 World Cup: తీవ్ర ఉత్కంఠ మధ్య దక్షిణాఫ్రికాపై గెలుపొంది కప్పు కైవసం చేసుకుంది భారత క్రికెట్‌ టీమ్‌. ఈ పొట్టి కప్ కోసం జరిగిన తుది మ్యాచ్‌లో జట్టు అన్ని విభాగాల్లో రాణించింది. ఈ సందర్భంగా బెస్ట్‌ ఫీల్డర్‌ మెడల్‌ ఎవరికొచ్చిందో చూద్దాం.. -
‘పిచ్‌’ టేస్ట్‌.. రోబో వాక్.. సూపర్‌ ఎండింగ్‌.. ఫన్ మూమెంట్స్‌!
దాదాపు పదిహేడేళ్ల తర్వాత భారత్‌ రెండోసారి టీ20 ప్రపంచ కప్‌లో విజేతగా నిలిచింది. బార్బడోస్‌ వేదికగా జరిగిన ఫైనల్లో సఫారీ జట్టును ఓడించింది. -
కోచ్ ద్రవిడ్‌కు ఘనంగా వీడ్కోలు పలికిన టీమ్‌ఇండియా
దక్షిణాఫ్రికాపై ఉత్కంఠగా సాగిన ఫైనల్‌ పోరులో భారత్‌ విజయం సాధించి టీ20 ప్రపంచ కప్‌ను దక్కించుకుంది. జట్టు గెలుపులో కోచ్ రాహుల్‌ ద్రవిడ్‌ది కీలక పాత్ర. కోచ్‌గా ద్రవిడ్‌ పదవీ కాలం ముగియడంతో.. మ్యాచ్ అనంతరం ఆయనకు టీమ్‌ఇండియా ఘనంగా వీడ్కోలు పలికింది.
-
పైసా వసూల్‌.. మ్యాచ్ ప్రతి దశలో నరాలు తెగే ఉత్కంఠ..!
టీ20 ప్రపంచకప్‌ ఫైనల్స్‌లో ఓ హైవోల్టేజీ మ్యాచ్ ఆవిష్కృతమైంది. బ్యాటింగ్.. బౌలింగ్‌లో భారత్‌ పని అయిపోయిందనుకొన్న ప్రతిసారి నేలను తాకిన బంతిలా ఎగసిపడింది. ఓటమి కోరల్లో చిక్కుకొన్న మ్యాచ్‌ను దేశం కోసం గెలిచి చూపింది. -
కోహ్లీ, రోహిత్ టీ20 రిటైర్మెంట్‌.. ఇంతకంటే మంచి సందర్భం ఏం ఉంటుంది?: గౌతమ్ గంభీర్
భారత ప్రజలు గర్వించేలా టీమ్‌ఇండియా టీ20 ప్రపంచ కప్‌ను గెలిచిందని మాజీ క్రికెటర్‌ గౌతమ్ గంభీర్ అన్నారు. ఆదివారం వీఐపీ విరామ సమయంలో ఆయన శ్రీవారిని దర్శించుకున్నారు. ఈ సందర్భంగా ఆలయం వెలుపల మీడియాతో మాట్లాడారు.
-
టీ20 ప్రపంచకప్‌ కైవసం.. కోహ్లీ, రోహిత్ భావోద్వేగం
టీ20 ప్రపంచ కప్ గెలిచేందుకు టీమ్‌ ఇండియాకు 17 ఏళ్ల నిరీక్షణ తప్పలేదు. దక్షిణాఫ్రికాపై ఉత్కంఠగా సాగిన ఫైనల్‌ పోరులో విజయం సాధించి టీ20 ప్రపంచ కప్‌ను దక్కించుకుంది. ఎన్నో ఏళ్లుగా నిరీక్షించిన విజయం దక్కడంతో మ్యాచ్ అనంతరం రోహిత్ శర్మ, విరాట్‌ కోహ్లీ భావోద్వేగానికి గురయ్యారు.
-
‘‘ఆదర్శప్రాయమైన విజయం’’.. టీమ్‌ఇండియాకు ప్రధాని మోదీ ఫోన్‌
T20 World Cup: టీ20 వరల్డ్‌ కప్‌ను సొంతం చేసుకున్న సందర్భంగా భారత జట్టును ప్రధాని ప్రశంసించారు. ఈ సందర్భంగా ఆటగాళ్లతో ఆయన స్వయంగా మాట్లాడి అభినందించారు. -
నేనెప్పుడూ గణాంకాలు చూడను.. భారత్‌ గెలుపే ముఖ్యం: రోహిత్
టీ20ల నుంచి కెప్టెన్ రోహిత్ శర్మ వీడ్కోలు పలికేశాడు. పొట్టి కప్ విజేతగా నిలిచిన తర్వాత ప్రెస్ కాన్ఫరెన్స్‌లో రోహిత్ స్పందించాడు. -
టీమ్‌ఇండియా మహిళల జట్టు శుభాకాంక్షలు
టీ20 ప్రపంచ కప్ గెలుపొందిన టీమ్‌ఇండియాకు ప్రశంసల వెల్లువెత్తుతున్నాయి. తాజాగా వీరికి టీమ్‌ఇండియా మహిళల జట్టు శుభాకాంక్షలు తెలిపింది.
-
ఇదెంతో ప్రత్యేకం.. గత ఆరు నెలలు ఎలా ఉన్నాయో తెలుసు: హార్దిక్
ఐపీఎల్‌ సందర్భంగా ఎదురైనా అవమానాలను తట్టుకొని.. వరల్డ్‌ కప్ జట్టులోకి వచ్చిన హార్దిక్ పాండ్య తన ఆల్‌రౌండ్‌ ప్రదర్శనతో అదరగొట్టాడు. -
గెలుపు సంబురంలో కోహ్లీ.. ఫ్యామిలీకి వీడియో కాల్‌!
టీ20 ప్రపంచ కప్ గెలుపొందిన టీమ్‌ఇండియా ఆటగాళ్లు.. మ్యాచ్ అనంతరం సంబరాలు చేసుకున్నారు. టీమ్‌ ఇండియా స్టార్‌ ఆటగాడు విరాట్‌ కోహ్లీ తన ఆనందాన్ని కుటుంబంతో పంచుకున్నాడు.
-
టీమ్‌ఇండియా గెలుపు సంబరాలు.. అల్లరి పిల్లాడిలా మారిన రాహుల్‌ ద్రవిడ్‌!
టీ20 ప్రపంచ కప్ గెలుపొందిన టీమ్‌ఇండియా ఆటగాళ్లు.. మ్యాచ్ అనంతరం సంబరాలు చేసుకున్నారు. టీమ్‌ ఇండియా కోచ్ రాహుల్‌ ద్రవిడ్‌ సైతం జట్టు సభ్యులతో కలసి తన ఆనందాన్ని పంచుకున్నాడు.
-
మైదానంలో మాస్టర్‌మైండ్‌.. రోహిత్ స్టైల్‌ కెప్టెన్సీ ఇదీ
ప్రెస్‌మీట్లలో సరదాగా కనిపించే రోహిత్.. మైదానంలో ఉండే హిట్‌మ్యాన్‌ వేర్వేరు. గ్రౌండ్‌లోకి అడుగుపెట్టాక అతడి మెదడు పాదరసం కంటే వేగంగా పనిచేస్తుంది. ప్రత్యర్థులను వ్యూహాలతో ఉక్కిరిబిక్కిరి చేసి జట్టుకు విజయాన్ని అందిస్తాడు. ఇదీ హిట్‌మ్యాన్‌ శైలి కెప్టెన్సీ..! -
కోహ్లీ డ్యాన్స్‌.. టీమ్‌ఇండియా ఆటగాళ్ల జోష్‌
టీ20 ప్రపంచ కప్ గెలుపొందిన టీమ్‌ఇండియా ఆటగాళ్లు.. మ్యాచ్ అనంతరం సంబరాలు చేసుకున్నారు. మ్యాచ్ అనంతరం టీమ్‌ సభ్యుతో కలసి విరాట్‌ కోహ్లీ చిందేశాడు.
-
టీ20 ప్రపంచ కప్ ట్రోఫీతో రోహిత్, విరాట్‌ విజయ దరహాసం
టీ20 ప్రపంచ కప్ గెలుపొందిన టీమ్‌ఇండియా ఆటగాళ్లు.. మ్యాచ్ అనంతరం సంబరాలు చేసుకున్నారు. మ్యాచ్ అనంతరం కెప్టెన్ రోహిత్ శర్మ, విరాట్‌ కోహ్లీ ట్రోఫీతో ఇలా ఫొటోలకు పోజులిచ్చారు.
-
రోహిత్ భుజాలపై కుమార్తె.. గుండె నిండా ఆనందం!
టీ20 ప్రపంచ కప్ గెలుపొందిన టీమ్‌ఇండియా ఆటగాళ్లు.. మ్యాచ్ అనంతరం సంబరాలు చేసుకున్నారు. ఈ సందర్భంగా కెప్టెన్ రోహిత్ శర్మ తన కుమార్తెను భుజాలపై ఎత్తుకొని నడుచుకుంటూ వెళ్లడం అందరినీ ఆకర్షించింది.
-
టీమ్‌ఇండియా దేశ ప్రజలందరినీ గర్వించేలా చేసింది: ఆమిర్‌ ఖాన్ ప్రశంసలు
టీ20 ప్రపంచ కప్ గెలుపొందిన టీమ్‌ఇండియాకు ప్రశంసల వెల్లువ కొనసాగుతోంది. తాజాగా బాలీవుడ్‌ ప్రముఖ నటుడు ఆమిర్‌ ఖాన్ భారత జట్టుకు శుభాకాంక్షలు తెలిపారు.
-
కుటుంబంతో కలిసి బుమ్రా గెలుపు సంబరాలు
టీమ్‌ఇండియా ఆపద్బాంధవుడు జస్‌ప్రీత్‌ బుమ్రా టీ20 ప్రపంచకప్‌ టోర్నీలో సత్తా చాటాడు. తుదిపోరులో ఓటమి దిశగా సాగుతున్న జట్టును 18 ఓవర్లో రెండు పరుగులే ఇచ్చి, ఓ వికెట్‌ తీసి బుమ్రా గెలుపు వైపు మళ్లించాడు. ట్రోఫీని కైవసం చేసుకున్న అనంతరం బుమ్రా తన కుటుంబంతో కలిసి ఆనందాన్ని పంచుకున్నాడు.
-
విశ్వవిజేత.. భారత్‌కు దక్కిన ప్రైజ్‌మనీ ఎంతంటే?
టీ20ప్రపంచ కప్ ఫైనల్లో దక్షిణాఫ్రికాను ఓడించిన టీమ్‌ఇండియా విజేతగా నిలిచింది. మన జట్టుకు భారీ మొత్తంలోనే ప్రైజ్‌మనీ దక్కింది. -
టీ20 ప్రపంచకప్‌ ట్రోఫీతో హార్దిక్ స్టైల్‌ సెలబ్రేషన్స్‌.. వీడియో!
దక్షిణాఫ్రికాపై అద్భుత విజయాన్ని నమోదు చేసి టీమ్‌ ఇండియా టీ20 ప్రపంచకప్‌ (T20 World Cup)ను ఒడిసి పట్టింది. ఫైనల్లో గెలవడానికి దక్షిణాఫ్రికాకు ఎక్కువ అవకాశాలు ఉన్న స్థితిలో.. భారత్‌ విజయంలో హార్దిక్ కీలకంగా మారాడు. ఈ సంతోషంలో ట్రోఫీని చేతిలో పట్టుకొని హార్దిక్ సరదాగా డ్యాన్స్‌ చేశాడు.
తాజా వార్తలు (Latest News)
-
చనిపోయాక ‘గేట్స్’కు విరాళాలు ఉండవు - వారెన్ బఫెట్
-
స్మార్ట్ సిటీ మిషన్ గడువు పొడిగించిన కేంద్రం
-
వినతుల స్వీకరణకు టోల్ఫ్రీ నంబర్ ఏర్పాటు: తెదేపా ఏపీ అధ్యక్షుడు పల్లా
-
ఉత్కంఠ రేకెత్తించిన మ్యాచ్‌లో బెస్ట్‌ ఫీల్డర్‌ ఎవరంటే..
-
‘అమ్మ పేరుతో ఒక మొక్క’.. దేశ ప్రజలకు ప్రధాని మోదీ పిలుపు
-
‘పిచ్‌’ టేస్ట్‌.. రోబో వాక్.. సూపర్‌ ఎండింగ్‌.. ఫన్ మూమెంట్స్‌!
సుఖీభవ
చదువు
Powered By Margadarsi Computers
Contents of eenadu.net are copyright protected.Copy and/or reproduction and/or re-use of contents
or any part thereof, without consent of UEPL is illegal.Such persons will be prosecuted.
This website follows the DNPA Code of Ethics.
