మెరిసిన ‘లక్ష్య’ అథ్లెట్లు

పంచకుల: జాతీయ అంతర్‌ రాష్ట్ర సీనియర్‌ అథ్లెటిక్స్‌ ఛాంపియన్‌షిప్స్‌లో ‘ఈనాడు’ సీఎస్‌ఆర్‌ ‘లక్ష్య’ అథ్లెట్లు మెరిశారు. హరియాణాలో జరిగిన మహిళల 400 మీటర్ల పరుగులో దండి జ్యోతిక శ్రీ కాంస్యంతో సత్తాచాటింది. ఈ ఆంధ్రప్రదేశ్‌ అమ్మాయి 52.11 సెకన్లలో రేసు ముగించి మూడో స్థానంలో నిలిచింది. కిరణ్‌ పహాల్‌ (50.92 సెకన్లు, హరియాణా) పసిడి గెలిచింది. ఇప్పటికే మహిళల 4×400మీ. రిలే తరపున జ్యోతిక ఒలింపిక్స్‌ బెర్తు దక్కించుకున్న సంగతి తెలిసిందే. మరోవైపు మహిళల 1600 మీటర్ల రిలేలో ఆంధ్రప్రదేశ్‌ పసిడి నెగ్గడంలో ‘లక్ష్య’ అథ్లెట్లు మధుకావ్య రెడ్డి, రజిత కీలక పాత్ర పోషించారు. వీళ్లు రిలేలో స్వర్ణాన్ని అందుకున్నారు.