నాకౌట్స్‌లో ఇటలీ

క్రొయేషియాతో మ్యాచ్‌ డ్రా 

లీప్‌జిగ్‌ (జర్మనీ): ఇటలీ జట్టు యూరో ఛాంపియన్‌షిప్‌ నాకౌట్స్‌లో అడుగుపెట్టింది. క్రొయేషియాతో జరిగిన గ్రూప్‌-బి మ్యాచ్‌ను ఆ జట్టు 1-1తో డ్రాగా ముగించింది. 55వ నిమిషంలో మోద్రిచ్‌ కొట్టిన గోల్‌తో క్రొయేషియా ఆధిక్యంలోకి దూసుకెళ్లింది. స్టాపేజ్‌ టైమ్‌లో జకాని (90+8) గోల్‌తో ఇటలీ స్కోరు సమం చేసింది. గ్రూప్‌ నుంచి రన్నరప్‌గా ఇటలీ ముందంజ వేసింది. ఇటలీ ఈ నెల 29న జరిగే మ్యాచ్‌ (రౌండ్‌ ఆఫ్‌ 16)లో స్విట్జర్లాండ్‌ను ఢీకొంటుంది. మరోవైపు 1-0తో అల్బేరియాపై గెలిచిన స్పెయిన్‌ గ్రూప్‌-బిలో అగ్రస్థానంలో నిలిచింది. 

బ్రెజిల్, కోస్టారికా మ్యాచ్‌ డ్రా: కోపా అమెరికాలో కోస్టారికా 0-0తో బ్రెజిల్‌ను నిలువరించింది. ఈ గ్రూప్‌-డి మ్యాచ్‌లో బ్రెజిల్‌ చాలా ప్రయత్నాలు చేసినప్పటికీ కోస్టారికా డిఫెన్స్‌ను ఛేదించలేకపోయింది. కోస్టారియా గోల్‌కీపర్‌ ప్యాట్రిక్‌ సిక్వేరా మూడు సేవ్‌లు చేశాడు. ఇదే గ్రూపులో జరిగిన మరో మ్యాచ్‌లో కొలంబియా 2-1తో పరాగ్వేను ఓడించింది.