Gautam Gambhir: ఇక గంభీర్ ఇన్నింగ్స్
అంచనాలు నిజమయ్యాయి. భారత క్రికెట్ కోచింగ్లో గంభీర్ శకం మొదలవబోతోంది. ఊహించినట్లే బీసీసీఐ అతణ్ని ద్రవిడ్ స్థానంలో టీమ్ఇండియా కోచ్గా నియమించింది. శ్రీలంక పర్యటనతో కోచ్గా గంభీర్ ఇన్నింగ్స్ మొదలవుతుంది.
ద్రవిడ్ స్థానంలో టీమ్ఇండియా ప్రధాన కోచ్గా నియామకం
అంచనాలు నిజమయ్యాయి. భారత క్రికెట్ కోచింగ్లో గంభీర్ శకం మొదలవబోతోంది. ఊహించినట్లే బీసీసీఐ అతణ్ని ద్రవిడ్ స్థానంలో టీమ్ఇండియా కోచ్గా నియమించింది. శ్రీలంక పర్యటనతో కోచ్గా గంభీర్ ఇన్నింగ్స్ మొదలవుతుంది.
దిల్లీ: మాజీ ఓపెనర్ గంభీర్ కొత్త అవతారం ఎత్తనున్నాడు. అందరూ అనుకున్నట్లే అతడు భారత జట్టు ప్రధాన కోచ్గా నియమితుడయ్యాడు. ద్రవిడ్ స్థానంలో అతణ్ని ఎంపిక చేసినట్లు బీసీసీఐ మంగళవారం ప్రకటించింది. భారత్ 2011 వన్డే ప్రపంచకప్ నెగ్గడంలో కీలక పాత్ర పోషించిన 42 ఏళ్ల గంభీర్.. ముందు నుంచి కూడా కోచ్ రేసులో ముందున్నాడు. దాదాపుగా అతడికి పోటీ లేదనే చెప్పాలి. శ్రీలంక పర్యటనతో కోచ్గా గంభీర్ హయాం ఆరంభమవుతుంది. జులై 27న మొదలయ్యే పర్యటనలో టీమ్ఇండియా మూడు టీ20లు, మూడు వన్డేలు ఆడుతుంది. ‘‘జట్టుకు గొప్పగా మార్గనిర్దేశం చేసినందుకు ప్రధాన కోచ్ రాహుల్ ద్రవిడ్కు బోర్డు తరఫున కృతజ్ఞతలు. కొత్త కోచ్ గౌతమ్ గంభీర్ ఆధ్వర్యంలో టీమ్ఇండియా ప్రయాణం సాగుతుంది’’ అని బీసీసీఐ అధ్యక్షుడు రోజర్ బిన్నీ ఓ ప్రకటనలో తెలిపాడు. జతిన్ పరాంజపె, సులక్షణ నాయక్, అశోక్ మల్హోత్రాలతో కూడిన క్రికెట్ సలహా సంఘం ఏకగ్రీవంగా గంభీర్ పేరును సూచించినట్లు చెప్పాడు. ‘‘ప్రధాన కోచ్గా గంభీర్ నియామకంతో భారత క్రికెట్లో కొత్త అధ్యాయం మొదలవుతుంది. అతడు అనుభవజ్ఞుడు, అంకితభావం ఉన్న వ్యక్తి. అతడి నాయకత్వంలో భారత జట్టు తన పురోగతిని కొనసాగిస్తుందని, దేశం గర్వపడేలా చేస్తుందని నమ్మకంతో ఉన్నాం’’ అని బిన్నీ వివరించాడు. గంభీర్ టీమ్ఇండియా తరఫున 58 టెస్టులు, 147 వన్డేలు, 37 టీ20 మ్యాచ్లు ఆడాడు. 2007 టీ20 ప్రపంచకప్, 2011 వన్డే ప్రపంచకప్ గెలిచిన జట్లలో అతను సభ్యుడు. ఆ రెండు టోర్నీల ఫైనల్స్లో గంభీరే టాప్స్కోరర్. ఐపీఎల్లో కెప్టెన్గా 2012, 2014లో కోల్కతా నైట్రైడర్స్కు టైటిళ్లను అందించాడు. 2024లో ఐపీఎల్ టైటిల్ నెగ్గిన కోల్కతాకు మెంటర్గా గంభీర్ తన కోచింగ్ సమర్థతనూ నిరూపించుకున్నాడు. గంభీర్ ప్రధాన కోచ్గా ద్రవిడ్ (ఏడాదికి రూ.12 కోట్లు) కన్నా ఎక్కువ జీతమే పొందనున్నట్లు సమాచారం.
‘‘భారత్ నా గుర్తింపు. దేశానికి సేవ చేయడం ఓ గొప్ప గౌరవం. ఈసారి పాత్ర భిన్నమైంది. కానీ నా లక్ష్యం మాత్రం ఎప్పటిలాగే ప్రతి భారతీయుడూ గర్వపడేలా చేయడం. టీమ్ఇండియా 140 కోట్ల మంది భారతీయుల కలల భారాన్ని మోస్తోంది. ఆ కలలను నిజం చేయడానికి శక్తివంచన లేకుండా కృషి చేస్తా. భారత జట్టు ప్రధాన కోచ్గా బాధ్యతలను స్వీకరించాలనే ఉత్సాహంతో ఉన్నా. ఆటగాడిగా భారత జట్టు జెర్సీని ధరించినందుకు గర్వపడ్డా. కొత్త పాత్రలోనూ అలాగే ఉంటా. బీసీసీఐ, ఎన్సీఏ అధిపతి వీవీఎస్ లక్ష్మణ్, సహాయ సిబ్బంది, ముఖ్యంగా ఆటగాళ్లతో కలిసి పని చేయడం కోసం ఆసక్తిగా ఎదురుచూస్తున్నా’’
గంభీర్
గంభీర్ జట్టులో నాయర్!
దిల్లీ: టీమ్ఇండియా చీఫ్ కోచ్గా నియమితుడైన గౌతమ్ గంభీర్ సహాయ సిబ్బందిపై తనదైన ముద్ర ఉండాలని భావిస్తున్నాడు. అసిస్టెంట్ కోచ్గా ముంబయి మాజీ ఆటగాడు అభిషేక్ నాయర్ను ఎంపిక చేయాలని గంభీర్ భావిస్తున్నట్లు తెలుస్తోంది. ప్రస్తుతం కోల్కతా నైట్రైడర్స్ జట్టుకు నాయర్ సహాయ కోచ్గా పనిచేస్తున్నాడు. టీమ్ఇండియా బాధ్యతలపై గంభీర్, నాయర్ ఒక అంచనాకు వచ్చినట్లు సమాచారం. నాయర్ను గంభీర్ తన బృందంలోకి తీసుకోవడం లాంఛనమేనని తెలుస్తోంది.
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
అదరగొట్టిన బౌలర్లు.. శ్రీలంకపై టీమ్ఇండియా విజయం
టీ20 సిరీస్లో భాగంగా శ్రీలంకతో జరిగిన తొలి మ్యాచ్లో టీమ్ఇండియా 43 పరుగుల తేడాతో విజయం సాధించింది. -
పారిస్ ఒలింపిక్స్.. షూటింగ్లో ఫైనల్కు మను బాకర్
పారిస్ ఒలింపిక్స్ మహిళల 10 మీటర్ల ఎయిర్ పిస్టల్ క్వాలిఫికేషన్లో మను బాకర్ అదరగొట్టింది. మూడో స్థానంలో నిలిచి ఫైనల్కు అర్హత సాధించింది. -
పారిస్ ఒలింపిక్స్లో.. బిల్ గేట్స్ అల్లుడు
Paris Olympics 2024: పారిస్ ఒలింపిక్స్లో ఈక్వెస్ట్రియన్ విభాగంలో బిల్గేట్స్ అల్లుడు నాయెల్ నాజర్ పోటీ పడుతున్నాడు. -
‘తప్పు జరిగింది.. క్షమించండి’: పారిస్ ఒలింపిక్స్ నిర్వాహకులు
Paris Olympics 2024: ఒలింపిక్స్ వేడుకలు ప్రారంభోత్సవ కార్యక్రమంలో జరిగిన పొరపాటుపై నిర్వాహకులు క్షమాపణలు కోరారు. -
టెస్టుల్లో సచిన్ రికార్డును జో రూట్ బ్రేక్ చేస్తాడా? దినేశ్ కార్తిక్ ఏమన్నాడంటే?
టెస్టుల్లో సచిన్ తెందూల్కర్ అత్యధిక పరుగుల రికార్డును ఇంగ్లాండ్ బ్యాటర్ జో రూట్ (Joe Root) బ్రేక్ చేసే అవకాశముందని భారత మాజీ వికెట్కీపర్ దినేశ్ కార్తిక్ (Dinesh Karthik) అభిప్రాయపడ్డాడు. -
పారిస్ ఒలింపిక్స్.. ఎయిర్ పిస్టల్లోనూ మనకు నిరాశే..!
Paris Olympics 2024: 10 మీటర్ల ఎయిర్ పిస్టల్ క్వాలిఫికేషన్ పురుషుల విభాగంలో షూటర్లు సరబ్జోత్ సింగ్, అర్జున్ చీమా నిరాశపర్చారు. -
తూటా గురితప్పింది.. మిక్స్డ్ డబుల్స్లో నిరాశపర్చిన షూటర్లు
Paris Olympics 2024: పారిస్ ఒలింపిక్స్లో తొలి రోజు భారత షూటర్లు నిరాశపర్చారు. మిక్స్డ్ డబుల్స్లో ఫైనల్కు చేరుకోలేకపోయారు. -
ఇప్పుడు చేసేద్దాం.. గంభీర్ పశ్చాత్తాప వ్యాఖ్యలపై సూర్య కామెంట్
Gautam Gambhir-Suryakumar Yadav: సూర్య విషయంలో విచారం వ్యక్తం చేస్తూ గతంలో గంభీర్ చేసిన వ్యాఖ్యలపై టీమ్ ఇండియా టీ20 కెప్టెన్ తాజాగా స్పందించాడు. -
ద్రవిడ్ సర్ప్రైజ్ వాయిస్ మెసేజ్.. భావోద్వేగానికి గురైన గంభీర్
Dravid-Gambhir: టీమ్ఇండియా కొత్త హెడ్ కోచ్ గంభీర్కు మాజీ కోచ్ ద్రవిడ్ ప్రత్యేక సందేశం పంపాడు. ఈ వీడియోను బీసీసీఐ పంచుకుంది. -
పారిస్ ఒలింపిక్స్లో హిందీకి అరుదైన గౌరవం
పారిస్ వేదికగా జరిగిన ఒలింపిక్స్ ప్రారంభ వేడుకల్లో హిందీకి అరుదైన గౌరవం దక్కింది. -
అల పారిస్ పురములో
ఓ వైపు ఒలింపిక్ జ్యోతితో వ్యక్తి ప్రయాణం.. మరోవైపు వర్చువల్ సాంకేతిక మాయాజాలంతో ఫ్రాన్స్, పారిస్ చరిత్ర, సంస్కృతి, ఘన వారసత్వాన్ని చాటేలా ప్రదర్శన.. -
తూటా.. మొదలెట్టేనా వేట
వేడుకలు ముగిశాయి. ఇక పతక వేటకు సిద్ధమవ్వాల్సిన సమయం ఆసన్నమైంది. పారిస్ ఒలింపిక్స్లో తొలి రోజే భారత పతక మోతకు శ్రీకారం చుట్టి.. -
కొత్త కొత్తగా..
భారత క్రికెట్ చరిత్రలో ఒక కొత్త అధ్యాయం మొదలు కాబోతోంది. కొత్త కోచ్ గౌతమ్ గంభీర్ శిక్షణలో, కొత్త కెప్టెన్ సూర్యకుమార్ సారథ్యంలో టీ20 జట్టు తొలి సిరీస్ ఆడబోతోంది. -
బంగ్లా చిత్తు.. ఫైనల్లో భారత్
మహిళల ఆసియా కప్లో భారత్ అదరగొట్టింది. గ్రూపు దశలో అజేయంగా నిలిచిన భారత్.. సెమీఫైనల్లో బంగ్లాదేశ్ను చిత్తుచేసి ఫైనల్లోకి దూసుకెళ్లింది. ‘ -
అలలొస్తేనే ఆట
పారిస్ క్రీడల ద్వారా ఒలింపిక్స్లో అరంగేట్రం చేస్తోంది సర్ఫింగ్ ఆట. ఈ క్రీడల్లో పోటీపడుతున్న అథ్లెట్లందరికంటే సర్ఫింగ్ బరిలో ఉన్న క్రీడాకారులకు చిత్రమైన పరిస్థితులు ఎదురవుతాయి. -
రగ్బీ స్టేడియంలో స్విమ్మింగ్పూల్!
స్విమ్మింగ్ పోటీలను ఎంత మంది తిలకిస్తారు? సాధారణంగా వందల్లోనే ఆ సంఖ్య ఉంటుంది. అలాంటిది వేలల్లో చూసే అవకాశం ఉంటే! ఆశ్చర్యమే..! -
కొత్త హెడ్కోచ్గా ఆర్సీబీ మాజీ బ్యాటర్..! పంజాబ్ తలరాత మారేనా?
పంజాబ్ కింగ్స్ కొత్త కోచ్ వేటలో పడింది. ఆర్సీబీ మాజీ బ్యాటర్ను నియమించుకోనున్నట్లు సమాచారం.
![ap-districts](https://assets.eenadu.net/_assets/_images/ap-districts.jpg)
![ts-districts](https://assets.eenadu.net/_assets/_images/ts-districts.jpg)
తాజా వార్తలు (Latest News)
-
అదరగొట్టిన బౌలర్లు.. శ్రీలంకపై టీమ్ఇండియా విజయం
-
పథకాల పేర్లు మార్పు.. ఏపీ ప్రభుత్వం కీలక నిర్ణయం
-
అలిపిరి మార్గంలో భక్తుడికి పాముకాటు
-
ఆ విషయంలో కాంగ్రెస్కు ప్రభుత్వానికి అహం అడ్డువస్తోంది: కేటీఆర్
-
వరుస ఉగ్రఘటనలు.. జమ్మూకు రెండు వేలమంది అదనపు బలగాలు
-
పులివర్తి నానిపై హత్యాయత్నం ఘటన.. పోలీసుల అదుపులో చెవిరెడ్డి మోహిత్ రెడ్డి