Mynampally: ఈ నెల 27లోపు కాంగ్రెస్‌లో చేరతా: మైనంపల్లి

హైదరాబాద్‌: కాంగ్రెస్‌ పార్టీకి మల్కాజిగిరి ఎమ్మెల్యే మైనంపల్లి హనుమంతరావు (Mynampally Hanumanth Rao) జై కొట్టారు. కాంగ్రెస్‌లో చేరనున్నట్లు ఆయన స్పష్టం చేశారు. కాంగ్రెస్‌ నేతలు తనను కలిసి పార్టీలోకి ఆహ్వానించినట్లు తెలిపారు. ఈ పార్టీలో చేరాలని నిర్ణయించుకున్నట్లు వెల్లడించారు.

దిల్లీకి వెళ్లి ఆ పార్టీ పెద్దల సమక్షంలో ఈ నెల 27 లోపు పార్టీలో చేరతానని చెప్పారు. మెదక్‌లో తన కుమారుడికి మంచి ఆదరణ ఉందన్నారు. తమ కార్యకర్తలను కాపాడుకునేందుకు కృషి చేస్తున్నట్లు చెప్పారు. సర్వేలో అనుకూలంగా ఉంటే ఇద్దరికీ టికెట్‌ ఇస్తామని కాంగ్రెస్‌ నేతలు చెప్పినట్లు వివరించారు. అలాగే తన తరఫున నక్క ప్రభాకర్‌కు కూడా మేడ్చల్‌ టికెట్‌ అడిగినట్లు మైనంపల్లి వివరించారు.