Andhra news: జగన్‌ జైలుకు పోయే సమయం ఆసన్నమైంది: మంత్రి రామ్‌ప్రసాద్‌రెడ్డి

అమరావతి: జగన్‌ మరోసారి జైలుకు పోయే సమయం ఆసన్నమైందని ఏపీ రవాణాశాఖ మంత్రి రామ్‌ప్రసాద్‌రెడ్డి అన్నారు. మంగళగిరిలోని పార్టీ కేంద్ర కార్యాలయంలో ఏర్పాటు చేసిన మీడియా సమావేశంలో ఆయన మాట్లాడుతూ.. నెల్లూరులో జగన్‌ చేసిన వ్యాఖ్యలపై తీవ్రంగా స్పందించారు.  ఐదేళ్లలో జగన్‌ చేసిన పాపాలే అతన్ని వెంటాడుతున్నాయన్నారు. అధికారం చేపట్టిన 21 రోజుల్లోనే చంద్రబాబు ఏమీ చేయలేదని జగన్‌ అనడం విడ్డూరంగా ఉందన్నారు. వైకాపా హయాంలో చేసిన అభివృద్ధి ఏంటో చెప్పాలని ప్రశ్నించారు. వాలంటీర్లతో వైకాపా నేతలు ఊడిగం చేయించుకున్నారని ధ్వజమెత్తారు. ఐదేళ్లలో వైకాపా నేతలు చేసిన అవినీతిని వెలికితీస్తామన్నారు. ఆ పార్టీ నేతలపై కక్ష సాధించే ఆలోచన తెదేపాకి లేదన్నారు. మాచర్ల మాజీ ఎమ్మెల్యే పిన్నెల్లి రామకృష్ణారెడ్డి చరిత్ర అందరికీ తెలిసిందేనని, ఐదేళ్లలో మాచర్లలో నరమేధం సృష్టించారని మండిపడ్డారు. తెదేపా బీసీ నేత తోట చంద్రయ్యను నడిరోడ్డుపై నరికి చంపారని ఆగ్రహం వ్యక్తం చేసారు.