ప్రతిపక్షంగా తెదేపా విఫలం

మంత్రి చెల్లుబోయిన వేణుగోపాలకృష్ణ

ఈనాడు డిజిటల్‌, అమరావతి: ప్రతిపక్ష పాత్ర పోషించడంలో తెదేపా పూర్తిగా విఫలమైందని బీసీ సంక్షేమశాఖ మంత్రి చెల్లుబోయిన వేణుగోపాలకృష్ణ అన్నారు. ఆయన శుక్రవారం విలేకరులతో మాట్లాడారు. ‘చంద్రబాబు సభకు రాకుండా బయటి నుంచి ఆ పార్టీ సభ్యులకు డైరెక్షన్‌ ఇస్తూ సభను స్తంభింపజేస్తున్నారు. పెద్దల సభలో లోకేశ్‌ చిన్నపిల్లాడిలా ప్రవర్తిస్తున్నారు. తండ్రి రాకపోతే సభ జరగకూడదనేలా వ్యవహరిస్తున్నారు. గతంలో తెదేపా బాదుడును భరించలేకే జనం ఆ పార్టీని దూరం పెట్టారు. ఇప్పుడు బాదుడే బాదుడు అంటూ మళ్లీ మొదలుపెట్టారు’ అని ఎద్దేవా చేశారు.