భాజపా ఓ పరాన్నజీవి

ప్రాంతీయ పార్టీలను మింగేసింది
జైరాం రమేశ్‌ విమర్శ

దిల్లీ: భాజపా ఓ పరాన్నజీవి లాంటిదని, ప్రాంతీయ పార్టీలను మింగేసిందని కాంగ్రెస్‌ ప్రధాన కార్యదర్శి జైరాం రమేశ్‌ ఆరోపించారు. పార్లమెంటు బయట ఏకాభిప్రాయం గురించి ప్రధాని మోదీ మాట్లాడతారని, లోపల ఘర్షణ పడతారని విమర్శించారు. 18వ లోక్‌సభ తొలి సమావేశాల ద్వారా ఇండియా కూటమి రూపంలో సరికొత్తదైన, దూకుడుగా వ్యవహరించే, పునరుత్థానం పొందిన ప్రతిపక్ష కూటమి ఆవిర్భవించిందని గురువారం ఓ వార్తాసంస్థకు ఇచ్చిన ఇంటర్వ్యూలో ఆయన పేర్కొన్నారు. 2024 ఎన్నికల ఫలితాలు.. నిర్ణయాత్మకమని, మోదీకి వ్యక్తిగతంగా, రాజకీయంగా, నైతికంగా ఓటమిని చవిచూపించాయని పేర్కొన్నారు.