మీ సర్కారుకు ప్రజలు అదే చెప్పారు

మోదీ ప్రసంగంపై ఖర్గే వ్యాఖ్య

దిల్లీ: లోక్‌సభ ఎన్నికల్లో ఘన విజయం సాధించినట్లు ప్రధాని నరేంద్రమోదీ చెప్పుకోవడాన్ని కాంగ్రెస్‌ అధ్యక్షుడు మల్లికార్జున ఖర్గే తప్పుబట్టారు. ‘‘లోక్‌సభలో చేసిన ప్రసంగంలో మీరు (మోదీ) కాంగ్రెస్‌పై విమర్శలు చేశారు. తుమ్‌సే న హో పాయేగా (మీవల్ల కాదు) అని అన్నారు. నిజానికి 140 కోట్లమంది ప్రజలు మీ సర్కారుకు చెప్పిన సందేశం అదే. ఆదాయం రెట్టింపు చేస్తామని మీరు ఇచ్చిన హామీని నెరవేర్చకపోవడంతో రైతులు మీకు వ్యతిరేకంగా ఓటు వేశారు. ఏటా రెండుకోట్ల ఉద్యోగాలు ఇవ్వనందుకు యువత కూడా తుమ్‌సే న హో పాయేగా అన్నారు’’ అని ఎక్స్‌లో పేర్కొన్నారు.