ప్రత్యేక హోదాపై తీర్మానం చేయండి

సీఎం చంద్రబాబుకు షర్మిల సూచన

ఈనాడు డిజిటల్, అమరావతి: ప్రత్యేక హోదాపై అసెంబ్లీలో తీర్మానం చేసి, దాన్ని కేంద్ర ప్రభుత్వం ముందు పెట్టాలని సీఎం చంద్రబాబుకు పీసీసీ అధ్యక్షురాలు వైఎస్‌ షర్మిల సూచించారు. బిహార్‌కు ప్రత్యేక హోదా కోసం సీఎం నీతీశ్‌ కుమార్‌ ఆ రాష్ట్ర అసెంబ్లీలో తీర్మానం చేశారని గుర్తు చేశారు. మోదీ సర్కారులో కింగ్‌ మేకర్‌గా ఉన్న చంద్రబాబు.. హోదాపై ఎందుకు మౌనం వహిస్తున్నారో చెప్పాలని డిమాండ్‌ చేశారు. రాజధాని లేక వెనకబడి ఉన్న ఏపీకి ప్రత్యేక హోదా ఆవశ్యకమని ‘ఎక్స్‌’లో సోమవారం ఆమె పేర్కొన్నారు.