Venkatesh: వెంకీ సరసన ఐశ్వర్య

కథానాయకుడు వెంకటేశ్, అనిల్‌ రావిపూడి కలయికలో ఓ చిత్రం రానున్న సంగతి తెలిసిందే. ఇందులో ఓ నాయికగా మీనాక్షి చౌదరిని ఇప్పటికే ఎంపిక చేశారు. తాజాగా మరో నాయిక పాత్ర కోసం ఐశ్వర్య రాజేశ్‌ని తీసుకున్నట్లు తెలిపారు దర్శకుడు అనిల్‌రావిపూడి. సోమవారం బాపట్ల జిల్లా శింగరకొండ ప్రసన్నాంజనేయస్వామి దేవస్థానంలో ఈ ప్రాజెక్టుకు సంబంధించిన స్క్రిప్టును స్వామి వారి పాదాల వద్ద ఉంచి, పూజలు చేశారు. అనంతరం అనిల్‌ రావిపూడి మాట్లాడుతూ ‘‘యాక్షన్‌ నేపథ్యంలో సాగే చిత్రమిది. ఇందులో వెంకటేశ్‌ భార్యగా ఐశ్వర్య, ఆయన ప్రియురాలి పాత్రలో మీనాక్షి చౌదరి కనిపించనున్నారు. ఈ నెల 3 నుంచి చిత్రీకరణ ప్రారంభిస్తాం. నవంబరులో పూర్తిచేసి వచ్చే సంక్రాంతికి తీసుకురావడానికి సన్నాహాలు చేస్తున్నాం’’ అన్నారు.

న్యూస్‌టుడే, గరకొండ(అద్దంకి)