Varalaxmi Sarathkumar: వరలక్ష్మీ శరత్‌కుమార్‌ పెళ్లి సందడి మొదలైంది.. ఫొటో చూశారా!

ఇంటర్నెట్‌ డెస్క్‌: కోలీవుడ్‌ నటి వరలక్ష్మీ శరత్‌కుమార్‌ (Varalaxmi Sarathkumar) పెళ్లి సందడి మొదలైంది. ప్రీ వెడ్డింగ్‌ సెలబ్రేషన్‌కు సంబంధించిన ఫొటోలను సోషల్‌ మీడియా వేదికగా అభిమానులతో పంచుకున్నారు. వాటిలోని ఒక ఫొటోలో కాబోయే భర్త నికోలయ్‌ సచ్‌దేవ్‌ (nicholai sachdev)ను ఆలింగనం చేసుకుంటూ కనిపించారు. ఈ ముందస్తు వివాహ వేడుక ముంబయిలో జరిగినట్టు తెలిసింది. వారు జులై 2న వివాహం చేసుకోనున్నట్లు సమాచారం. 

వరలక్ష్మి ఫ్యామిలీ భారత ప్రధాని నరేంద్ర మోదీని ఇటీవల కలిసి పెళ్లికి ఆహ్వానించింది. అంతకుముందు.. కోలీవుడ్‌, టాలీవుడ్‌కు చెందిన పలువురు ప్రముఖ నటులకు వరలక్ష్మి, నికోలయ్ శుభలేఖ అందించి, తమ వివాహానికి రమ్మని కోరారు. శరత్‌ కుమార్‌ కుమార్తెగా వెండితెరకు పరిచయమైనా తనకంటూ ప్రత్యేక గుర్తింపు తెచ్చుకున్నారు వరలక్ష్మి. ‘క్రాక్‌’ తదితర చిత్రాల్లో నెగెటివ్‌ పాత్రలు పోషించి విశేషంగా అలరించారు. ముంబయికి చెందిన వ్యాపారవేత్త సచ్‌దేవ్‌తో దాదాపు ఏడేళ్ల నుంచి ప్రేమలో ఉన్నారు.