- TRENDING
- NEET Row
- Union Budget 2024
- T20 World Cup 2024
Tollywood: అసలు దూకుడంతా... ద్వితీయార్ధంలోనే!
2024 ప్రథమార్ధంలో భారీ చిత్రాల హంగామా చాలా తక్కువ. నిన్న విడుదలైన ‘కల్కి 2898 ఎ.డి’ మినహా అగ్ర తారల నుంచి వచ్చిన పాన్ ఇండియా సినిమాలే లేవు. విడుదల కావల్సిన సినిమాలు చాలా వరకూ వాయిదా పడ్డాయి.
వచ్చే ఆరు నెలల్లో జోరుగా సాగనున్న సినిమాల వ్యాపారం
2024 ప్రథమార్ధంలో భారీ చిత్రాల హంగామా చాలా తక్కువ. నిన్న విడుదలైన ‘కల్కి 2898 ఎ.డి’ మినహా అగ్ర తారల నుంచి వచ్చిన పాన్ ఇండియా సినిమాలే లేవు. విడుదల కావల్సిన సినిమాలు చాలా వరకూ వాయిదా పడ్డాయి. పెద్ద సినిమాలు వస్తాయేమో అనే భయంతో చిన్న చిత్రాలూ సిద్ధం కాలేకపోయాయి. దాంతో కీలకమైన వేసవి సీజన్ కూడా వృథా అయిపోయింది. సరైన విడుదలలే లేక కొన్ని రోజులు థియేటర్లు మూత పడిపోయాయి. తొలి ఆర్నెళ్ల సంగతి ఇలా ఉంటే... రానున్న ఆరు నెలల కాలం మాత్రం అంచనాల్ని రేకెత్తిస్తోంది. అగ్ర తారలు నటించిన భారీ సినిమాలు ఈ ద్వితీయార్ధంలోనే ఎక్కువ సంఖ్యలో ప్రేక్షకుల ముందుకు రానున్నాయి. ఇప్పటికే కొన్ని చిత్రాలు విడుదల ఖరారు చేసుకున్నాయి. మిగిలినవి ఎప్పుడనేదే రేపో మాపో ప్రకటించే అవకాశాలు ఉన్నాయి.
తెలుగు సినిమాకి ప్రథమార్ధంలో సంక్రాంతి, వేసవి కీలకమైన సీజన్లు. ద్వితీయార్ధంలోనేమో దసరా, దీపావళి, క్రిస్మస్ పండగలను పురస్కరించుకుని సినిమాల్ని విడుదల చేస్తుంటారు. మధ్యలో సుదీర్ఘమైన వారాంతాలు కలిసొచ్చినా ఒకట్రెండు సినిమాలు బాక్సాఫీస్ ముందుకు దూసుకొస్తుంటాయి. అలా ప్రతి పండగపైనా, కలిసొస్తున్న సెలవులపైనా దృష్టిపెడుతూ ద్వితీయార్ధంలోనే పలు చిత్రాలు విడుదల తేదీల్ని ఖరారు చేసుకున్నాయి. ఇప్పటివరకూ వాయిదా పడుతూ వచ్చిన సినిమాలు, రావాలనుకున్న సినిమాలు అన్నీ కలిసి ఆర్నెళ్ల కాలంలో హంగామా చేయనున్నాయి. వీటిలో పాన్ ఇండియా చిత్రాలే ఎక్కువగా కనిపిస్తున్నాయి. అవి దక్షిణాదితోపాటు... హిందీ ప్రేక్షకుల్నీ ఊరిస్తున్నాయి. ప్రభాస్ ‘కల్కి 2898 ఎ.డి’ గురువారం విడుదలైనా ఈ జోరు వచ్చే నెల ప్రథమార్ధంలోనూ కొనసాగనుంది. ఆ సందడికి కొనసాగింపు అన్నట్టుగా ఆ వెంటనే ‘భారతీయుడు 2’ విడుదలవుతోంది. ఆ తర్వాత ‘దేవర’, ‘గేమ్ ఛేంజర్’, ‘పుష్ప2’, ‘గోట్’, ‘వేట్టయాన్’తోపాటు, ‘కంగువా’, ‘తంగలాన్’ తదితర పాన్ ఇండియా చిత్రాలు ప్రేక్షకుల ముందుకు రానున్నాయి. మధ్యలో అదరగొట్టేందుకు మన యువ కథానాయకుల చిత్రాలూ వడివడిగా ముస్తాబవుతున్నాయి.
- దక్షిణాది నుంచి, అది కూడా తెలుగు నుంచి ఓ పాన్ ఇండియా చిత్రం వస్తోందంటే అన్ని భాషలూ ప్రత్యేక దృష్టితో చూస్తుంటాయి. నిన్నటివరకూ దేశవ్యాప్తంగా ‘కల్కి 2898 ఎ.డి’ ఫీవర్ కొనసాగింది. వచ్చే రెండు వారాలూ ఈ సినిమా సాధించే వసూళ్లు, రికార్డుల సంగతులే వినిపించనున్నాయి. జులై 12న కమల్హాసన్ - శంకర్ కలయికలోని ‘భారతీయుడు 2’ ప్రేక్షకుల ముందుకొస్తోంది. ఇదే కలయికలో రెండు దశాబ్దాల కిందట వచ్చిన ‘భారతీయుడు’కి కొనసాగింపుగా రూపొందిన చిత్రమిది. ఆగస్టులో రామ్ - పూరి జగన్నాథ్ కలయికలో రూపొందుతున్న ‘డబుల్ ఇస్మార్ట్’, నాని - వివేక్ ఆత్రేయ కలయికలోని ‘సరిపోదా శనివారం’ ప్రేక్షకుల ముందుకొస్తాయి. సెప్టెంబరులో మళ్లీ ఎన్టీఆర్ విజృంభణ మొదలవుతుంది. ఆయన కథానాయకుడిగా కొరటాల శివ దర్శకత్వంలో తెరకెక్కుతున్న ‘దేవర పార్ట్ 1’ సెప్టెంబరు 27న విడుదల కానుంది. ఇదే నెల 5న తమిళ కథానాయకుడు విజయ్ నటించిన ‘గోట్’ విడుదల ఖరారైంది. దసరా పురస్కరించుకుని అక్టోబరు 10న రజనీకాంత్ కథానాయకుడిగా నటించిన ‘వేట్టయాన్’, సూర్య ‘కంగువా’ విడుదల కానున్నాయి. రామ్చరణ్ - శంకర్ కలయికలో రూపొందుతున్న ‘గేమ్ ఛేంజర్’ దీపావళి సందర్భంగా హంగామా చేసే అవకాశాలు ఉన్నాయి. అక్టోబరు 31వ తేదీన ఆ సినిమా విడుదల ఖరారయ్యే సంకేతాలున్నాయి. డిసెంబరు 6న అల్లు అర్జున్ ‘పుష్ప2’ విడుదల ఖరారైంది. విక్రమ్ ‘తంగలాన్’ ఈ ప్రథమార్ధంలోనే విడుదలకు ముస్తాబవుతోంది. వీటితోపాటు, డిసెంబరులోనే నితిన్ ‘రాబిన్హుడ్’, నాగచైతన్య ‘తండేల్’ కూడా వచ్చే అవకాశాలున్నాయి.
- తొలి ఆరునెలల్లో సరైన సినిమాలు లేకపోవడంతో అటు తారల అభిమానులు... ఇటు సగటు సినీ ప్రేమికులు పాత సినిమాలతోనే కాలక్షేపం చేయాల్సి వచ్చింది. ద్వితీయార్ధంలో ఆ లోటుని భర్తీ చేస్తూ ఆసక్తికరమైన కలయికలతో కూడిన తారల సినిమాలు ప్రేక్షకుల ముందుకొస్తున్నాయి. తెలుగు, తమిళ భాషల్లో రూపొందిన ఆయా పాన్ ఇండియా చిత్రాల నిర్మాణ వ్యయమే దాదాపు రూ.4000 కోట్లు ఉంటుందని పరిశ్రమ వర్గాలు లెక్క గడుతున్నాయి. ప్రతి నెలలోనూ ఒకట్రెండు అగ్ర తారల సినిమాలు ప్రేక్షకుల ముందుకు రానుండడంతో చిత్రసీమలో ఇప్పటికే వ్యాపారం జోరందుకుంది.
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
వెంకీ సరసన ఐశ్వర్య
కథానాయకుడు వెంకటేశ్, అనిల్ రావిపూడి కలయికలో ఓ చిత్రం రానున్న సంగతి తెలిసిందే. ఇందులో ఓ నాయికగా మీనాక్షి చౌదరిని ఇప్పటికే ఎంపిక చేశారు. -
మరోసారి సీమ సింగారమే
కొన్ని పాత్రల్లో కొంతమంది నటుల్ని చూశాక ఆ స్థానంలో మరొకరిని ఊహించుకోలేం. వాళ్ల కోసమే పుట్టాయేమో అనిపిస్తాయి ఆ పాత్రలు. -
నిప్పెట్టిన పటాకే.. డబుల్ దిమాకే
‘‘ఇస్మార్ట్ శంకరే.. ఏక్ దమ్ డేంజరే.. ఔర్ ఏక్ బార్ ఆయారే.. బేజారే’’ అంటూ హుషారుగా స్టెప్పేస్తున్నారు రామ్ పోతినేని. -
పాన్ ఇండియా కథలో
ఇటీవలే ‘హారోం హర’తో ప్రేక్షకుల్ని పలకరించారు కథానాయకుడు సుధీర్బాబు. ఇప్పుడాయన ఓ కొత్త కబురు వినిపించారు. వెంకట్ కల్యాణ్ దర్శకత్వంలో ఓ పాన్ ఇండియా సినిమా చేయనున్నట్లు ప్రకటించారు. -
నన్ను మరోస్థాయికి తీసుకెళ్లిన క్షణాలవి!
త్వరలో ‘దో పత్తీ’తో తెరపైకి రావడానికి ముస్తాబవుతోంది నాయిక కృతి సనన్. గతేడాది ‘మిమీ’ చిత్రంలోని తన నటనగానూ అంతర్జాతీయ అవార్డు అందుకున్న ఆమె.. ఈ సినిమాతో ఎన్నో అవకాశాలను అందిపుచ్చుకుంటున్నట్లు తెలిపింది. -
శ్రీలంకలో యాక్షన్ మొదలు
‘కల్కి 2898ఎ.డి’ చిత్రంలో అర్జునుడి పాత్రలో కనిపించి ప్రేక్షకుల్ని అలరించారు విజయ్ దేవరకొండ. ప్రస్తుతం ఆయన హీరోగా గౌతమ్ తిన్ననూరి దర్శకత్వంలో ఓ సినిమా రూపొందుతోన్న సంగతి తెలిసిందే. -
మళ్లీ అలాంటి అవకాశం రాలేదు
‘‘వైఫల్యాలే మీ గురువులు, స్నేహితులు, మార్గదర్శకులు’’ అంటున్నారు బాలీవుడ్ కథానాయకుడు ఆయుష్మాన్ ఖురానా. -
ట్రాఫిక్ కానిస్టేబుల్ ప్రభుదేవా
సినిమాల్లో తన నటనతోనే కాకుండా.. అదిరిపోయే స్టెప్పులతో కుర్రకారుని ఉర్రూతలూగిస్తుంటారు కథానాయకుడు ప్రభుదేవా. -
ది ఇండియా హౌస్ ప్రారంభం
కథానాయకుడు రామ్చరణ్ సమర్పణలో నిఖిల్ హీరోగా నటిస్తున్న పాన్ ఇండియా చిత్రం ‘ది ఇండియా హౌస్’. -
హోటల్లో వెయిటర్గా నాజర్.. చిరంజీవికి విషయం తెలియడంతో..
ఫిల్మ్ ఇనిస్టిట్యూట్లో శిక్షణ పూర్తయిన తర్వాత కొద్దిరోజులు అవకాశాలు రాకపోవడంతో హోటల్లో వెయిటర్గా పనిచేశారట సినీ నటుడు నాజర్.. ఆ సమయంలో చోటు చేసుకున్న సంఘటనలను ఓ ఇంటర్వ్యూలో పంచుకున్నారు. -
రకుల్ప్రీత్ మోటివేషన్.. నభా ప్రమోషన్.. రుహానీ శర్మ సెల్ఫీ!
సినీ తారలు సోషల్ మీడియా వేదికగా అభిమానులతో పంచుకున్న విశేషాలివీ.. -
అందుకే ‘భారతీయుడు 2’ తీశా.. పార్ట్ 3 రిలీజ్ అప్పుడే: శంకర్
‘భారతీయుడు’ విడుదలైన 28 ఏళ్ల తర్వాత ‘భారతీయుడు 2’ ప్రేక్షకుల ముందుకొస్తోంది. అంత గ్యాప్ ఎందుకొచ్చిందో దర్శకుడు శంకర్ తెలిపారు. -
‘కల్కి 2898 ఏడీ’ సాధించిన టాప్-10 బాక్సాఫీస్ రికార్డులివే!
ప్రభాస్ కథానాయకుడిగా నటించిన ‘కల్కి’ చిత్రం ప్రపంచవ్యాప్తంగా వసూళ్ల హవా చూపిస్తోంది. ఇప్పటివరకూ ఈ మూవీ రూ.555 కోట్లు వసూలు చేసింది.
![ap-districts](https://assets.eenadu.net/_assets/_images/ap-districts.jpg)
![ts-districts](https://assets.eenadu.net/_assets/_images/ts-districts.jpg)
తాజా వార్తలు (Latest News)
-
ఎమ్మెల్సీ అభ్యర్థులుగా సి.రామచంద్రయ్య, హరిప్రసాద్
-
లోక్సభ ప్యానెల్ స్పీకర్గా తెదేపా ఎంపీ కృష్ణప్రసాద్
-
రేషన్ సరకుల వ్యాన్పై జగన్ బొమ్మ.. రెవెన్యూ సిబ్బందిపై ఎమ్మెల్యే ఆగ్రహం
-
హైదరాబాద్లో ఐపీఎస్ వర్సెస్ ఎమ్మెల్యే..!
-
విధులు మరిచి ఈల వేసి గోల చేసి.. మందుబాబులతో ఏఎస్సై నిర్వాకం
-
నేపాల్కు పాకిన వైకాపా అక్రమాలు