DJ Tillu: ఉర్రూతలూగిస్తున్న ‘డీజే టిల్లు’ డీజే పాట

ఇంటర్నెట్‌ డెస్క్‌: అతని పేరు టిల్లు. ఆయన డీజే పెడితే దద్దరిల్లుతుంది డ్యాన్సు ప్లోరు! సోకేమో హీరో తీరు, కొట్టేదేమో తీన్‌మార్‌. ఆ టిల్లు ఎవరో కాదు యువ నటుడు సిద్ధు జొన్నలగడ్డ. ఈయన హీరోగా తెరకెక్కుతున్న చిత్రం ‘డీజే టిల్లు’. అట్లుంటది మనతోని అనేది ఉపశీర్షిక. విమల్‌ కృష్ణ దర్శకత్వం వహిస్తున్నారు. ఈ సినిమా జనవరి 14న ప్రేక్షకుల ముందుకురానుంది. ఈ నేపథ్యంలో టైటిల్ గీతాన్ని చిత్ర బృందం తాజాగా విడుదల చేసింది. కథానాయకుడి గుణగణాలను వివరిస్తూ సాగుతుందీ గీతం. టిల్లు అంటే ఏంటో ఈ పాట ద్వారా తెలియజేసే ప్రయత్నం చేశారు రచయిత కాసర్ల శ్యామ్‌. రామ్‌ మిర్యాల గానం అందరినీ అలరించేలా ఉంది. శ్రీచరణ్‌ పాకాలతో కలిసి రామ్‌ ఈ పాటకు స్వరాలు సమకూర్చారు. ఈ సినిమాలో సిద్ధు సరసన నేహాశెట్టి సందడి చేయనుంది. ఈ వినోదాత్మక చిత్రాన్ని సూర్యదేవర నాగవంశీ నిర్మిస్తున్నారు.

► Read latest Cinema News and Telugu News