Ranveer Singh: ‘83’ వరల్డ్‌ కప్‌.. భావోద్వేగంగా ‘లెహరా దో’ సాంగ్‌

ఇంటర్నెట్‌ డెస్క్‌: టీమిండియా మాజీ సారథి, 1983 వరల్డ్‌ కప్‌ విజేత కపిల్‌దేవ్‌ జీవితం ఆధారంగా రూపొందిన చిత్రం ‘83’. రణ్‌వీర్‌ సింగ్‌ ప్రధాన పాత్రలో నటించిన ఈ సినిమా డిసెంబర్‌ 24న ప్రేక్షకుల ముందుకు రానుంది. ఈ నేపథ్యంలో ‘లెహరా దో’ అనే గీతాన్ని చిత్ర బృందం సోమవారం విడుదల చేసింది. వరల్డ్‌ కప్‌ అందుకునేందుకు ఆనాడు కపిల్‌దేవ్‌, టీమ్‌ ఎంత కష్టపడిందో కళ్లకు కట్టినట్టు ఈ వీడియోలో చూపించారు. ఈ భావోద్వేగ గీతాన్ని కౌసర్‌ మునిర్‌ రచించారు. ప్రీతమ్‌ సంగీతం అందించారు. అర్జిత్‌ సింగ్‌ ఆలపించారు. కబీర్‌ఖాన్ దర్శకత్వం వహించిన ఈ చిత్రంలో రణ్‌వీర్‌కు జోడీగా దీపికా పదుకొణె నటించారు. తాహీర్‌ రాజ్‌ భాసిన్‌, జీవా తదితరులు కీలకపాత్రలు పోషించారు. రిలయన్స్‌ ఎంటర్‌టైన్‌మెంట్స్‌ పతాకంపై నిర్మితమైన ఈ సినిమా హిందీ, తమిళం, మలయాళం, కన్నడ, తెలుగు భాషల్లో విడుదలకానుంది. 3డీ వెర్షన్‌లోనూ సందడి చేయనుంది.

► Read latest Cinema News and Telugu News