Veer Rajinikanth: మరో బిడ్డకు జన్మనిచ్చిన సౌందర్య రజనీకాంత్‌

చెన్నై: సూపర్‌ స్టార్‌ రజనీకాంత్‌ కుమార్తె సౌందర్య రజనీకాంత్‌ (Soundarya Rajinikanth), విషాగన్‌ దంపతులకు మగబిడ్డ జన్మించాడు. ఆ శిశువుకు ‘వీర్‌ రజనీకాంత్‌ వనంగమూడి’ అని పేరు పెట్టారు. ఈ మేరకు సౌందర్య రజనీకాంత్‌ ట్వీట్‌ చేశారు.

‘‘దేవుని దయ, తల్లిదండ్రుల ఆశీర్వాదాలతో వేద్‌ కృష్ణ తమ్ముడికి నేను, విషాగన్‌ స్వాగతం పలుకుతున్నాం’’ అంటూ సౌందర్య పోస్టులో రాసుకొచ్చారు. వ్యాపారవేత్త అశ్విన్‌ కుమార్‌తో గతంలో సౌందర్య రజనీకాంత్‌కు వివాహమైంది. వారికి  వేద్‌ కృష్ణ జన్మించాడు. అయితే కొన్ని కారణాల వల్ల వారు విడాకులు తీసుకున్నారు. అనంతరం వ్యాపారవేత్త విషాగన్‌ వనంగమూడిని సౌందర్య రాజనీకాంత్‌ 2019లో వివాహం చేసుకున్న విషయం తెలిసిందే.