Satyaprem Ki Katha: సత్య ప్రేమలో కథ

‘భూల్‌ భులయ్యా 2’ సినిమా విజయంతో హిట్‌ కలయికగా నిలిచారు బాలీవుడ్‌ కథానాయకుడు కార్తిక్‌ ఆర్యన్‌, కియారా అడ్వాణీ. ఇప్పుడు వీరిద్దరి కలయికలో వస్తోన్న మరో ప్రేమకథా చిత్రం ‘సత్య ప్రేమ్‌ కీ కథా’ (Satyaprem Ki Katha). సమీర్‌ విద్వాన్స్‌ ఈ చిత్రాన్ని తెరకెక్కిస్తున్నారు. ఈ సినిమా గురువారం రానుంది. ఈ సందర్భంగా ఈ సినిమాలోని వివాహా సన్నివేశానికి సంబంధించిన పోస్టర్‌ను విడుదల చేసింది చిత్రబృందం. ఇందులో కార్తిక్‌, కియారా సంప్రదాయ దుస్తుల్లో ఆకట్టుకుంటున్నారు. సాజిడ్‌ నడియాద్‌వాలా ఈ చిత్రాన్ని నిర్మిస్తున్నారు. ఇందులో సత్యగా కార్తిక్‌, కథగా కియారా పాత్రలు గుర్తుండిపోతాయని చిత్రవర్గాలు చెబుతున్నాయి.