- TRENDING
- NEET Row
- Union Budget 2024
- T20 World Cup 2024
Renu Desai: నా కుమార్తె కన్నీళ్లు మిమ్మల్ని వెంటాడతాయి: రేణు దేశాయ్
తనను అవమాన పరిచేలా ఉన్న మీమ్స్ను చూసి తన కుమార్తె ఆద్య ఎంతో ఏడ్చిందని సినీ నటి రేణు దేశాయి అన్నారు. అలాంటి మీమ్స్ రూపొందించిన వారిపై ఆమె తీవ్రంగా మండిపడ్డారు.
ఇంటర్నెట్ డెస్క్: ఏపీ ఉపముఖ్యమంత్రి పవన్ కల్యాణ్ (Pawan Kalyan) ఇటీవల తన సతీమణి అనా లెజినొవా(Anna Lezhneva), పిల్లలు అకీరా నందన్ (Akira Nandan), ఆద్యలతో సరదాగా దిగిన ఫొటో నెట్టింట వైరల్ అయిన సంగతి తెలిసిందే. క్యూట్ ఫొటో అంటూ అభిమానుల నుంచి సోషల్ మీడియాలో కామెంట్లు వెల్లువెత్తాయి. అయితే ఆ ఫొటోను ఉపయోగించి సినీ నటి రేణు దేశాయ్ (Renu Desai)ను అవమానపరిచేలా కొందరు వ్యక్తులు మీమ్స్ రూపొందించారు. దీంతో మీమ్స్ రూపొందించిన వారిపై ఆమె తీవ్రంగా మండిపడ్డారు. కొంతమంది వ్యక్తులను చూస్తుంటే అసహ్యం వేస్తోందన్నారు. ఈ మేరకు ఇన్స్టాగ్రామ్లో ఆమె పోస్టు చేశారు.
‘‘ఆ ఫొటోను నేను ఏ విధంగా క్రాప్ చేస్తానని, ఎలా పోస్టు చేస్తానని మీమ్స్, జోక్లు పేల్చే భయంకరమైన వ్యక్తులూ.. మీకూ ఒక కుటుంబం ఉందని గుర్తుంచుకోండి. తన తల్లిని ఎగతాళి చేసేలా ఉన్న ఒక పోస్టును ఇన్స్టాలో చూసి నా కుమార్తె విపరీతంగా ఏడ్చింది. సెలబ్రిటీలు, రాజకీయ నాయకుల కుటుంబ సభ్యులను ఎగతాళి చేసే మీకూ ఇంట్లో తల్లి, అక్కాచెల్లెళ్లు, కూతుర్లు ఉంటారని గుర్తుంచుకోండి. ప్రముఖ వ్యక్తులకు సంబంధించిన సోషల్మీడియా, ఇంటర్నెట్ అకౌంట్లను సులభంగా యాక్సెస్ చేసి, విచక్షణ లేని వ్యక్తులుగా ఎదుగుతున్న తీరును చూస్తుంటే నిజంగా అసహ్యం వేస్తోంది. ఈ రోజు నా కుమార్తె ఎంతో బాధ అనుభవించింది. ఆమె కన్నీళ్లు కర్మ రూపంలో మిమ్మల్ని వెంటాడతాయని గుర్తుంచుకోండి. పొలినా, మార్క్ సైతం ఇలాంటి విచక్షణ లేని కామెంట్లు, మీమ్స్తో ప్రభావితం అవుతారు. ఇలాంటి మీమ్ పేజీలను నిర్వహించేవారు సమాజంలో అత్యంత భయంకరమైన వ్యక్తులు. ఈ తల్లి శాపం మీకు కచ్చితంగా తగులుతుంది. ఈ పోస్టు చేయడానికి ముందు వంద సార్లు ఆలోచించాను. అయితే నా కుమార్తె కోసం, ఆమె అనుభవించిన బాధను దృష్టిలో ఉంచుకొని పోస్టు చేశాను’’ అని రేణు దేశాయ్ పేర్కొన్నారు.
జూన్ 12న ఏపీ ముఖ్యమంత్రి, మంత్రుల ప్రమాణ స్వీకారం ఘనంగా జరిగిన విషయం తెలిసిందే. మంత్రిగా ప్రమాణ స్వీకారం అనంతరం పవన్ తన భార్య, పిల్లలతో కలిసి మంగళగిరిలోని నివాసానికి బయలుదేరారు. అయితే మధ్యలో ట్రాఫిక్ అంతరాయం ఏర్పడింది. దీంతో రోడ్డు పక్కన వాహనాన్ని నిలిపి వారు సరదాగా ఫొటో దిగారు. ఈ ఫొటోను జనసేన పార్టీ సోషల్ మీడియాలో పోస్టు చేయడంతో తెగ వైరల్ అయింది.
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
మెరుపులు మళ్లీ మళ్లీ
ఆలస్యం అమృతం విషమన్నట్లుగా కెరీర్ను జెట్ స్పీడ్తో పరుగులు పెట్టిస్తుంటారు కథానాయికలు. హిట్టు మాట వినిపించారంటే చాలు అన్ని భాషల్ని చకచకా చుట్టేస్తూ.. వీలైనంత త్వరగా కెరీర్ను చక్కబెట్టుకునే పనిలో ఉంటారు. -
మరో కొత్త సిరీస్తో సమంత..
సినిమాల్లో తన అందం, అభినయంతో ప్రేక్షకులను కట్టిపడేసే అగ్రకథానాయిక సమంత.. త్వరలో ‘సిటాడెల్:హనీ బన్నీ’తో తనలోని యాక్షన్ కోణాన్ని రుచి చూపించడానికి సిద్ధమవుతుంది. -
మిగిలింది ఒక్కటే!
ఈ ద్వితీయార్ధంలో వస్తున్న కీలకమైన సినిమాల విడుదల తేదీలు దాదాపు ఖరారైపోయాయి. తమిళం నుంచి వస్తున్న ‘కంగువా’ కూడా అక్టోబరు 10వ తేదీని ఖాయం చేసుకుంది. -
ప్రేమతో తీస్తాం... రికార్డుల కోసం కాదు!
అగ్ర తారల సినిమాలు విడుదలైతే చాలు... సినీ ప్రేమికులు, అభిమానులు రికార్డుల గురించి ఆరా తీయడం మొదలుపెడతారు. సామాజిక మాధ్యమాల్లో వాటి గురించే చర్చలు సాగుతుంటాయి. -
చిత్రీకరణలో ఓదెల2
తమన్నా ప్రధాన పాత్రధారిగా... అశోక్తేజ దర్శకత్వంలో తెరకెక్కుతున్న చిత్రం ‘ఓదెల 2’. హెబ్బా పటేల్, వశిష్ఠ ఎన్.సింహ కీలక పాత్రలు పోషిస్తున్నారు. -
మిలియన్ కాదు... బిలియన్ నవ్వుల కోసం సిద్ధమేనా!
‘‘బరేలీ కీ బర్ఫీ’ సినిమాలో చివరికి ఆయుష్మాన్కి కృతిని ఇచ్చేసే రాజ్కుమార్ రావ్ని కాదు నేను’’ అంటూ తన ప్రియురాలిని దక్కించుకోవడానికి తపిస్తున్నాడు విక్కీ కౌశల్. మరి ఆయన కథేంటనేది తెలుసుకోవాలంటే ‘బ్యాడ్ న్యూజ్’ చూడాల్సిందే. -
నా కోసమే సృష్టించిన పాత్ర ఇది..
వెండితెరపై తన గ్లామరస్ పాత్రలతో, ప్రత్యేక గీతాలతో కుర్రకారుల్ని ఊర్రూతలూగిస్తుంటుంది సన్నీలియోనీ. ఇప్పుడామె.. ప్రియమణితో కలిసి నటిస్తున్న తమిళ చిత్రం ‘కొటేషన్ గ్యాంగ్’. వివేక్ తెరకెక్కిస్తున్నారు. -
‘కల్కి’ ఆ రికార్డు జస్ట్ మిస్.. ఫస్ట్ డే రూ.100 కోట్లపైన వసూలు చేసిన చిత్రాలివే!
Kalki 2898 AD: ప్రభాస్ కల్కి మూవీ తొలిరోజు రికార్డు వసూళ్లు సాధించి బాక్సాఫీస్ వద్ద కాసుల వర్షాన్ని కురిపిస్తోంది. -
రకుల్ప్రీత్ సింగ్ ‘వర్కౌట్స్’.. ఎడారిలో మాళవిక.. నభా ‘కాఫీ’ కబుర్లు!
సినీ తారలు సోషల్ మీడియా వేదికగా అభిమానులతో పంచుకున్న విశేషాలివీ..