Raththam: ఓటీటీలోకి విజయ్‌ ఆంటోనీ ‘రత్తం’.. స్ట్రీమింగ్‌ ఎక్కడంటే?

ఇంటర్నెట్‌ డెస్క్‌: తమిళ నటుడు విజయ్‌ ఆంటోనీ (Vijay Antony) హీరోగా దర్శకుడు సీఎస్‌ అముదన్‌ తెరకెక్కిన చిత్రం ‘రత్తం’ (Raththam). ఈ సినిమా ఓటీటీ విడుదల తేదీ (Raththam Ott Release Date) తాజాగా ఖరారైంది. ‘అమెజాన్‌ ప్రైమ్‌ వీడియో’ (Amazon Prime Video)లో నవంబరు 3 (Raththam On Amazon Prime Video) నుంచి స్ట్రీమింగ్‌ కానుంది. కేవలం తమిళంలోనే రిలీజ్ అవుతుందా, తెలుగులోనూ వస్తుందా? అన్న దానిపై సదరు సంస్థ స్పష్టత ఇవ్వలేదు.

ఓటీటీలో ‘మంత్‌ ఆఫ్‌ మధు’.. స్ట్రీమింగ్‌ ఎప్పుడంటే?

చెన్నైలో తీవ్ర సంచలనం సృష్టించిన వరుస హత్యల నేపథ్య కథాంశంతో రూపొందిన సినిమా ఇది. ఈ హత్యల కారణంగా రాజకీయ దుమారం చెలరేగి, కొందరు మంత్రుల రాజీనామాకు దారితీసిన పరిణామాలను చూపించారు. మీడియా, న్యాయవ్యవస్థల మధ్య ఉన్న బంధం ప్రజలను ఏ విధంగా ప్రభావితం చేస్తుందన్న కాన్సెప్ట్‌తో రూపొందిన ఈ సినిమాలో విజయ్‌ భిన్న కోణాలున్న వ్యక్తిగా కనిపిస్తారు. నందితా శ్వేత జర్నలిస్ట్‌ పాత్ర పోషించారు. ఈ సినిమా అక్టోబరు 6న థియేటర్లలో విడుదలైంది. రిలీజ్‌కు కొన్ని రోజుల ముందు విజయ్‌ పెద్ద కుమార్తె ఆత్మహత్య చేసుకుంది. ఆ విషాదంలోనూ విజయ్‌ మంచి మనసు చాటుకున్నారు. వ్యక్తిగత కారణంగా సినిమాకు నష్టంజరగకూడదనే ఉద్దేశంతో ప్రచారంలో పాల్గొని, పలువురికి ఆదర్శంగా నిలిచారు.