Rajinikanth: భాగ్యనగరంలో కూలీ

‘కూలీ’ కోసం రంగంలోకి దిగేందుకు సిద్ధమయ్యారు రజనీకాంత్‌. ఆయన కథానాయకుడిగా నటిస్తున్న ఈ చిత్రాన్ని లోకేశ్‌ కనగరాజ్‌ తెరకెక్కిస్తున్న సంగతి తెలిసిందే. సన్‌ పిక్చర్స్‌ పతాకంపై కళానిధి మారన్‌ నిర్మిస్తున్నారు. ఈ సినిమా ఈరోజు నుంచి హైదరాబాద్‌లో చిత్రీకరణ ప్రారంభించుకోనుందని సమాచారం. ఇందుకోసం రజనీ ఇప్పటికే భాగ్యనగరానికి చేరుకున్నారు. దాదాపు 35రోజుల పాటు ఈ షెడ్యూల్‌ ఇక్కడే కొనసాగనున్నట్లు తెలిసింది. బంగారం స్మగ్లింగ్‌ మాఫియా నేపథ్యంలో సాగే యాక్షన్‌ థ్రిల్లర్‌గా ఈ చిత్రం ఉండనున్నట్లు తెలిసింది. ఇందులో శ్రుతిహాసన్, సత్యరాజ్‌ ముఖ్య పాత్రలు పోషిస్తున్నట్లు టాక్‌. అనిరుధ్‌ సంగీతమందిస్తుండగా.. గిరీష్‌ గంగాధరన్‌ ఛాయాగ్రాహకుడిగా వ్యవహరిస్తున్నారు.