Mukesh Udeshi: చిత్ర పరిశ్రమలో విషాదం.. ‘ఎస్పీ పరశురాం’ సినిమా నిర్మాత కన్నుమూత

ఇంటర్నెట్‌ డెస్క్‌: భారతీయ చలన చిత్ర పరిశ్రమలో విషాదం చోటుచేసుకుంది. నిర్మాత ముకేశ్‌ ఉదేశి (Mukesh Udeshi) మరణించారు. కిడ్నీ సంబంధిత వ్యాధితో ఆయన తుదిశ్వాస విడిచారు. కొంతకాలంగా కిడ్నీ సమస్యతో బాధపడుతున్న ఆయన్ను కుటుంబ సభ్యులు చెన్నైలోని ఓ ఆస్పత్రిలో చేర్పించారు. చికిత్స పొందుతూనే కన్ను మూశారు. మరికొన్ని రోజుల్లో ఆయనకు కిడ్నీ మార్పిడి ఆపరేషన్‌ చేయాల్సి ఉందట. ఇంతలోనే ఆయన మృతి చెందడం అందరినీ కలచివేస్తోంది. ముకేశ్‌కు భార్య, కొడుకు ఉన్నారు. ముకేశ్‌ మృతిపై పలువురు సినీ ప్రముఖులు సంతాపం ప్రకటించారు. సోమవారం సాయంత్రం ఆయన మరణించగా ఇప్పుడు విషయం బయటకురావడం గమనార్హం.

హైకోర్టులో విశాల్‌కు ఊరట

చిరంజీవి (Chiranjeevi) హీరోగా నటించిన ‘ఎస్పీ పరశురాం’ సినిమాకు ఓ నిర్మాతగా వ్యవహరించారు ముకేశ్‌. ప్రముఖ నిర్మాత అల్లు అరవింద్‌తో కలిసి ఈ ప్రాజెక్టు సహా పలు సినిమాలు సంయుక్తంగా నిర్మించారాయన. బాలీవుడ్‌లో ‘గో గోవా గాన్‌’, ‘కౌన్‌’, ‘ఏక్‌ విలన్‌’ తదితర చిత్రాలకు లైన్‌ ప్రొడ్యూసర్‌గా వ్యవహరించారు.