NTR Awards: ఎన్టీఆర్‌ పురస్కారాలు.. బేబీ చిత్రానికి 2 అవార్డులు

హైదరాబాద్‌: నగరంలోని హోటల్‌ దసపల్లా ఎన్టీఆర్‌ ఫిల్మ్‌ అవార్డ్స్‌ కార్యక్రమం జరిగింది. కళావేదిక, రాఘవి మీడియా ఆధ్వర్యంలో నిర్వహించిన ఎన్టీఆర్‌ ఫిల్మ్‌ అవార్డ్స్‌ కార్యక్రమానికి ముఖ్య అతిథిగా మురళీమోహన్‌, ఎన్టీఆర్‌ కుటుంబసభ్యులు హాజరయ్యారు. బేబీ చిత్రానికి గానూ ఉత్తమ కథానాయకుడిగా ఆనంద్‌ దేవరకొండకు, ఉత్తమ దర్శకుడిగా సాయి రాజేశ్‌కు ఎన్టీఆర్‌ పురస్కారం దక్కింది. భగవంత్‌ కేసరి చిత్రానికి గానూ ఉత్తమ నిర్మాతగా సాహూ గారపాటికి అవార్డు లభించింది.

మురళీమోహన్‌ను నిర్వాహకులు జీవిత సాఫల్య పురస్కారంతో సత్కరించారు. ఈ సందర్భంగా ఆయన మాట్లాడుతూ.. నందమూరి కుటుంబంలో పుట్టకపోయినా ఎన్టీఆర్‌కు తమ్ముడిని అనిపించుకున్నానని తెలిపారు. అన్నదమ్ముల అనుబంధం చిత్రంలో ఆయనకు తమ్ముడిగా నటించడం వల్ల ఆ అదృష్టం దక్కిందని గుర్తు చేసుకున్నారు. ఆ చిత్రంతోనే తొలిషీల్డ్‌ అందుకున్నానని చెప్పారు.