Month of madhu ott: ఓటీటీలో ‘మంత్‌ ఆఫ్‌ మధు’.. స్ట్రీమింగ్‌ ఎప్పుడంటే?

హైదరాబాద్‌: నవీన్‌ చంద్ర, స్వాతి ప్రధాన పాత్రల్లో శ్రీకాంత్‌ నాగోతి తెరకెక్కించిన చిత్రం ‘మంత్‌ ఆఫ్‌ మధు’ (Month of madhu ott). యశ్వంత్‌ ములుకుట్ల నిర్మాత. సుమంత్‌ దామ సహ నిర్మాత. అక్టోబరు 6న విడుదలైన ఈ సినిమా ఫీల్‌గుడ్‌ మూవీగా ప్రేక్షకుల మెప్పు పొందింది. ఇప్పుడు ఓటీటీ వేదికగా అలరించేందుకు సిద్ధమైంది. తెలుగులో ఓటీటీ వేదిక ‘ఆహా’ (Aha) వేదికగా నవంబరు 3వ తేదీ నుంచి స్ట్రీమింగ్‌ కానుంది. ఈ విషయాన్ని తెలియజేస్తూ ఆహా పోస్టర్‌ను పంచుకుంది.

కథేంటంటే: మధుసూధన్ రావు (నవీన్ చంద్ర) ప్రభుత్వ ఉద్యోగి. అనుకోని పరిస్థితుల్లో ఆ ఉద్యోగం పోతుంది. మరోవైపు విడాకుల కేసు పెట్టిన భార్య లేఖ (స్వాతి రెడ్డి).. ఎప్పటికైనా తన దగ్గరకు మళ్ళీ తిరిగి వస్తుందని ఆశతో ఎదురుచూస్తూ ఉంటాడు. ఈ క్రమంలో మద్యానికి బానిసైపోతాడు. వీళ్లకు ఫ్లాష్ బ్యాక్‌లో ఓ లవ్ స్టోరీ. మరోవైపు మధుమతి (శ్రియ నవిలే).. బంధువుల ఇంట్లో పెళ్లి కోసం అమెరికా నుంచి వైజాగ్ వస్తుంది. ఓ సందర్భంలో మధుసూదన్‌ పరిచయమవుతాడు. మాటల సందర్భంలో అతడి గతాన్ని తెలుసుకుంటుంది. ఆ తర్వాత ఏమైంది? చివరకు మధుసూదన్- లేఖ కలిశారా? లేదా అనేది కథ.