Kushi: నువ్వే నా రోజా

విజయ్‌ దేవరకొండ (Vijay Deverakonda), సమంత (Samantha) జంటగా నటిస్తున్న ప్రేమకథా చిత్రం ‘ఖుషి’ (Kushi). శివ నిర్వాణ తెరకెక్కిస్తున్నారు. మైత్రీ మూవీ మేకర్స్‌ సంస్థ నిర్మిస్తోంది. ఈ సినిమాలోని ‘‘నా రోజా నువ్వే’’ అనే గీతాన్ని విజయ్‌ పుట్టినరోజు సందర్భంగా ఈనెల 9న విడుదల చేయనున్నారు. ఈ విషయాన్ని చిత్ర బృందం గురువారం అధికారికంగా ప్రకటించింది. ఈ మేరకు విజయ్‌, సామ్‌లకు సంబంధించిన ఓ రొమాంటిక్‌ పోస్టర్‌ను అభిమానులతో పంచుకుంది. భిన్న నేపథ్యాలు కలిగిన ఓ జంట మధ్య సాగే ప్రేమకథతో ఈ సినిమా రూపొందుతోంది. ఇది తెలుగుతో పాటు హిందీ, తమిళం, మలయాళం, కన్నడ భాషల్లో సెప్టెంబరు 1న విడుదల కానుంది. ఈ చిత్రానికి హేషమ్‌ అబ్దుల్‌ వాహబ్‌ సంగీతమందిస్తున్నారు. జి.మురళి ఛాయాగ్రాహకుడిగా వ్యవహరిస్తున్నారు.