- TRENDING
- NEET Row
- Union Budget 2024
- T20 World Cup 2024
Deepika Padukone: ఆ తెలుగు చిత్రంలో నటించారు కానీ: దీపికా పదుకొణె గురించి మీకివి తెలుసా?
దీపికా పదుకొణె ఓ ప్రధాన పాత్ర పోషించిన ‘కల్కి 2898 ఏడీ’ గురువారం విడుదల కానుంది. ఈ సందర్భంగా ఆమె గురించి ప్రత్యేక కథనం..
‘కల్కి 2898 ఏడీ’తో తెలుగు ప్రేక్షకులను నేరుగా పలకరించబోతున్నారు నటి దీపికా పదుకొణె. కొన్నాళ్ల క్రితమే ఆమె టాలీవుడ్లో నటించారుగానీ ఆ సినిమా విడుదలకు నోచుకోలేదు. ఈ సంగతులతోపాటు దీపికా గురించి మరికొన్ని విశేషాలు ‘కల్కి’ గురువారం రిలీజ్ కానున్న సందర్భంగా మీకోసం..
క్రీడాకారిణి అవుతారనుకుంటే..
ప్రముఖ బ్యాడ్మింటన్ ప్లేయర్ ప్రకాశ్ పదుకొణె (Prakash Padukone) పెద్ద కుమార్తె దీపిక (Deepika Padukone). కోపెన్హాగ్ (డెన్మార్క్)లో పుట్టిన ఆమె బెంగళూరులో పెరిగారు. టీనేజ్లో.. బ్యాడ్మింటన్ ఛాంపియన్షిప్స్లో పాల్గొని, ప్రతిభ చూపారు. బేస్బాల్ టోర్నమెంట్స్లోనూ ఆడారు. దీంతో, తన కుమార్తె క్రీడాకారిణిగా స్థిరపడతారని ప్రకాశ్ కలలు కన్నారు. కానీ, సీన్ రివర్స్ అయింది. బాల్యంలోనే వాణిజ్య ప్రకటనల్లో నటించడంతో.. ఫ్యాషన్ మోడల్ కావాలని ఒకానొక సమయంలో నిర్ణయించుకున్నారు దీపిక. అలా.. ఇంటర్ ఫస్ట్ ఇయర్తోనే చదువుకు ఫుల్స్టాప్ పెట్టేసి.. తన కలల ప్రపంచంలోకి అడుగుపెట్టారు. ‘‘చదువును మధ్యలోనే ఆపేసి, మోడలింగ్ రంగాన్ని ఎంచుకోవడంతో.. అమ్మానాన్నను ఎంతమంది విమర్శించినా వారు నన్ను ఒక్కమాట కూడా అనలేదం’టూ తల్లీదండ్రుల గురించి ఓ సందర్భంలో గొప్పగా చెప్పారామె. ఇండస్ట్రీలో అడుగుపెట్టిన కొన్నాళ్లకు దూరవిద్యలో డిగ్రీ పూర్తి చేశారు.
కన్నడ సినిమాతో తెరంగేట్రం..
మోడల్గా రాణించే సమయంలోనే ప్రముఖ కంపెనీల యాడ్స్లో నటించడంతోపాటు పలు ‘ఫ్యాషన్ వీక్స్’లో పాల్గొనేవారు. బికినీ ధరించి, కింగ్ ఫిషర్ క్యాలండర్కు పోజులివ్వడం అప్పట్లో హాట్ టాపిక్. సంగీత దర్శకుడు హిమేశ్ రేష్మియాతో కలిసి నటించిన ‘నామ్ హై తేరా’ మ్యూజిక్ వీడియో శ్రోతల్ని విశేషంగా అలరించింది. తన తండ్రి సిఫార్సు రంగుల ప్రపంచంలో ఉపయోగపడదని ముందుగానే గ్రహించిన దీపిక.. సొంత ప్రతిభతోనే అవకాశాలు సంపాదించుకున్నారు. ఉపేంద్ర హీరోగా తెరకెక్కిన కన్నడ చిత్రం ‘ఐశ్వర్య’ (2006)తో హీరోయిన్గా తెరంగేట్రం చేశారు. అది తెలుగు హిట్ మూవీ ‘మన్మథుడు’కు రీమేక్గా రూపొందింది. ఇక్కడ సోనాలీ బింద్రే పోషించిన పాత్రలో అక్కడ దీపిక నటించారు.
బాలీవుడ్ నుంచి హాలీవుడ్ వరకు..
దీపిక తొలి బాలీవుడ్ సినిమా ‘ఓం శాంతి ఓం’ ఆమె జీవితాన్ని మలుపు తిప్పింది. షారుక్ ఖాన్- దీపికలను ‘సూపర్ హిట్ జోడీ’ అని పిలవడం ఆ చిత్రంతోనే ఆరంభమైంది. చిత్ర పరిశ్రమ ఇతివృత్తంగా తెరకెక్కిన ఈ మూవీలో ఈ ఇద్దరూ ద్విపాత్రాభినయం చేశారు. ‘హీరోయిన్’ పాత్రలో ఒదిగిపోయేందుకు దీపిక పడిన శ్రమ వృథా పోలేదు. ఉత్తమ నటిగా ఫిల్మ్ఫేర్ అవార్డు అందుకున్నారు. ఆ తర్వాత, ఇదే కాంబినేషన్లో వచ్చిన ‘చెన్నై ఎక్స్ప్రెస్’, ‘హ్యాపీ న్యూ ఇయర్’, ‘పఠాన్’ సైతం మంచి విజయాల్ని అందుకున్నాయి. ‘బాజీరావు మస్తానీ’, ‘పద్మావత్’ వంటి హిస్టారికల్ మూవీస్ ఆమెను బాలీవుడ్లో ప్రత్యేకంగా నిలిపాయి. యాసిడ్ దాడి బాధితురాలిగా నటించిన ‘ఛపాక్’ విమర్శకుల ప్రశంసలు అందుకుంది. షారుక్, అమితాబ్ బచ్చన్, అక్షయ్ కుమార్ ఇలా అగ్ర నటుల సరసన నటించినా.. కథ నచ్చితే యంగ్ హీరోలతో ఆడిపాడేందుకూ ముందుంటానని ‘గెహ్రియాన్’తో చెప్పకనే చెప్పారు. ‘ధమ్ మారో ధమ్’, ‘బాంబే టాకీస్’లాంటి సినిమాల్లోని ప్రత్యేక గీతాలతోనూ ఉర్రూతలూగించారు. ఆంగ్ల చిత్రాలు ‘ఫైండింగ్ ఫానీ’, ‘త్రిబుల్ ఎక్స్: ది రిటర్న్ ఆఫ్ గ్జాండర్ కేజ్’లతో అంతర్జాతీయ స్థాయిలో గుర్తింపు పొందారు.
ఇప్పుడు ‘కల్కి’తో..
యానిమేటెడ్ మూవీ ‘కొచ్చడయాన్’తో కోలీవుడ్కు పరిచయమయ్యారు. దర్శకుడు జయంత్ సి. పరాజ్జీ తెరకెక్కించిన ‘లవ్ 4 ఎవర్’తోనే టాలీవుడ్కు హాయ్ చెప్పాల్సి ఉన్నా.. అనివార్య కారణాల వల్ల అది విడుదల కాలేదు. అందులో దీపిక స్పెషల్ సాంగ్లో నటించారు. ఇన్నేళ్ల తర్వాత ‘కల్కి’తో అలరించేందుకు సిద్ధంగా ఉన్నారు. ప్రభాస్ (Prabhas) హీరోగా దర్శకుడు నాగ్ అశ్విన్ (Nag Ashwin) తెరకెక్కించిన ఈ సైన్స్ ఫిక్షన్ మూవీ (Kalki 2898 AD) ఇది.
మానసిక కుంగుబాటు!
‘నేను కొన్నేళ్లుగా మానసిక కుంగుబాటుతో బాధపడుతున్నా..’ అని గతంలో ఓ ఇంటర్వ్యూలో దీపిక వెల్లడించడం చర్చనీయాంశమైంది. డిప్రెషన్ నుంచి బయటపడిన ఆమె తనలా ఎవరూ మానసిక రుగ్మతతో ఇబ్బంది పడకూడదని స్వచ్ఛంద సంస్థ ‘లివ్ లవ్ లాఫ్’ని ప్రారంభించారు. ఆమె చేసిన సేవకుగానూ 2020లో దావోస్లో జరిగిన ప్రపంచ ఆర్థిక సదస్సులో ‘క్రిస్టల్’ అవార్డు అందజేశారు.
మరికొన్ని ఆసక్తికర సంగతులు..
- మితభాషి. పార్టీలకు దూరంగా ఉంటారు. క్రమం తప్పకుండా యోగా చేస్తారు. నగలపై ఆసక్తి లేదు.
- ఇంటీరియర్ డిజైనింగ్ నేర్చుకున్నారు. మహారాష్ట్రలోని ఓ గ్రామాన్ని దత్తత తీసుకున్నారు.
- 2023లో.. ఆస్కార్ అవార్డుల ప్రదానోత్సవంలో ప్రజెంటర్గా వ్యవహరించారు. ప్రియాంక చోప్రా తర్వాత ఆ ఘనత సాధించిన రెండో భారతీయ నటి ఈమే. కేన్స్ ఫిల్మ్ఫెస్టివల్ జ్యూరీ సభ్యురాలిగా, ఫిఫా వరల్డ్ కఫ్ ప్రజెంటర్గానూ వ్యవహరించారు.
- 2022లో.. ప్రపంచంలోని ‘పది మంది అందమైన మహిళల్లో’ ఆమె ఒకరిగా నిలిచారు (‘ది గోల్డెన్ రేషియో ఆఫ్ బ్యూటీ ఫై’ జాబితా ప్రకారం).
- 2021లో.. ఉత్తమ నటిగా ‘గ్లోబల్ అచీవర్స్’ పురస్కారం పొందారు. ప్రపంచ వ్యాప్తంగా వివిధ రంగాల్లో ప్రతిభ కనబరిచే వారికి ఈ అవార్డు ఇస్తారు.
- 2013లో ‘మోస్ట్ డిజైరబుల్ విమెన్’గా నిలిచిన ఈ నటికి మహేశ్ బాబు అంటే అభిమానం. రానా క్లోజ్ ఫ్రెండ్.
- ‘రామ్ లీలా’, ‘బాజీరావు మస్తానీ’, ‘పద్మావత్’ చిత్రాల సహనటుడు రణ్వీర్ సింగ్ని వివాహం చేసుకున్నారు. త్వరలో తల్లికాబోతున్నారు.
- ఇంటర్నెట్ డెస్క్
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
‘హనుమాన్’తో మొదలై.. ‘కల్కి’తో ముగిసి: టాలీవుడ్ ఫస్టాఫ్ రిపోర్టు
2024లో విడుదలైన (జనవరి నుంచి జూన్ వరకు) తెలుగు సినిమాలపై ప్రత్యేక కథనం. ఏ సినిమా హిట్, ఏది ఫట్ అంటే? -
అప్పుడు భయపడి.. ఇప్పుడు సినీ ప్రపంచాన్నే తనవైపు తిప్పుకొని!
‘కల్కి 2898 ఏడీ’ గురువారం విడుదల కాబోతున్న సందర్భంగా హీరో ప్రభాస్ కెరీర్పై ప్రత్యేక కథనం.. -
రూ. 4 వేల జీతం నుంచి రూ. 600 కోట్ల ‘కల్కి’ వరకు.. నాగ్ అశ్విన్ జర్నీ ఇదీ
‘సాధారణంగా కనిపించే చాలామంది వ్యక్తుల్లో అసాధారణ ప్రతిభ ఉంటుంది’.. దర్శకుడు నాగ్ అశ్విన్ను ఉద్దేశిస్తూ నటుడు కమల్ హాసన్ చెప్పిన మాటలివి. -
ఎన్టీఆర్ పెట్టిన పేరు.. భారీ చిత్రాలకు మారుపేరు ‘వైజయంతీ మూవీస్’
Vyjayanthi Movies: భారీ అంచనాల మధ్య ప్రభాస్, నాగ్ అశ్విన్ల ‘కల్కి 2898 ఏడీ’ విడుదలవుతున్న నేపథ్యంలో ఆ సినిమాను నిర్మించిన ‘వైజయంతీ మూవీస్’ గురించి ఆసక్తికర విషయాలు.. -
‘కల్కి’లో ప్రభాస్, కమల్హాసన్ పాత్రలకు పురాణాల రిఫరెన్స్ అదేనా?
నాగ్ అశ్విన్ దర్శకత్వంలో వస్తున్న ‘కల్కి 2898 ఏడీ’ మూవీలో పాత్రలు, వాటిని ఎక్కడినుంచి తీసుకున్నారో తెలుసా? -
‘కల్కి’ ఎవరు? ఆ అవతారం ఎప్పుడు వస్తుంది?సినిమాలో ఏం చూపించబోతున్నారు?
నాగ్ అశ్విన్ ‘కల్కి 2898 ఏడీ’ మూవీ విడుదల కానున్న నేపథ్యంలో అసలు ‘కల్కి’ అవతారం.. దాని విశేషాలు తెలుసుకుందాం. -
‘కల్కి 2898 ఏడీ’లో మలయాళ నటి.. ఎవరీ అన్నా బెన్?
‘కల్కి 2898 ఏడీ’లో కీలక పాత్ర పోషించిన అన్నా బెన్ గురించి పలు ఆసక్తికర విషయాలు.. -
కథను.. కళను నమ్మిన సంస్థే ‘ఉషా కిరణ్’.. సినీ రంగంలో రామోజీ ప్రస్థానమిది
ఈనాడు గ్రూప్ సంస్థల ఛైర్మన్ రామోజీరావు నేడు తుదిశ్వాస విడిచారు. జర్నలిజం రంగంలోనే కాకుండా సినీ రంగంలోనూ ఆయన చెరగని ముద్ర వేశారు. ఆయన నిర్మించిన ఉషా కిరణ్ మూవీస్ ప్రస్థానాన్ని ఒకసారి గుర్తుచేసుకుందాం. -
భారీ టైర్లు.. ఆరు టన్నుల బరువు.. ‘కల్కి’లో ‘బుజ్జి’ కారు విశేషాలు తెలుసా?
kalki 2898 ad: కల్కిలో బుజ్జిగా కీలక పాత్ర పోషిస్తున్న కారు గురించి ఆసక్తికర విషయాలు బయటకు వచ్చాయి. -
ఆ లోటు ఎప్పటికీ ఉంటుంది: ఎన్టీఆర్ గురించి ఈ సంగతులు తెలుసా?
ప్రముఖ నటుడు ఎన్టీఆర్ పుట్టిన రోజు నేడు. ఈ సందర్భంగా ఆయన గురించి కొన్ని ఆసక్తికర సంగతులు.. -
చిరు టు మహేశ్.. తెలుగు చిత్ర పరిశ్రమకు ఈ రోజెంతో ప్రత్యేకం..!
వేర్వేరు సంవత్సరాల్లో మే 9న విడుదలై మంచి విజయాలు అందుకున్న సినిమాలపై ప్రత్యేక కథనం. అవేంటో చూసేయండి.. -
ఆ ‘రెండేళ్ల షరతు’ త్రిష జీవితాన్నే మార్చేసింది.. అదేంటంటే?
త్రిష పుట్టినరోజు సందర్భంగా ఆమె గురించి పలు ఆసక్తికర విశేషాలు మీకోసం.. -
సంచలనానికి 50 ఏళ్లు.. ‘అల్లూరి సీతారామరాజు’ తెర వెనక ఎన్ని విశేషాలో..!
‘అల్లూరి సీతారామరాజు’ సినిమా 50 ఏళ్లు పూర్తి చేసుకున్న సందర్భంగా ఆ సినిమా గురించి ప్రత్యేక కథనం. -
యువతరం.. వైవిధ్యమే తొలి విజయం: స్టార్ నటులు మెచ్చిన యంగ్ హీరోలెవరంటే?
విభిన్న కథలను ఎంపిక చేసుకుంటూ విజయాన్ని అందుకుంటున్న యంగ్ హీరోలపై ప్రత్యేక కథనం.. -
ఎవరీ అశ్వత్థామ.. కృష్ణుడు అతడికి ఇచ్చిన శాపం ఏంటి?
ప్రభాస్ (Prabhas) కథానాయకుడిగా నాగ్ అశ్విన్ దర్శకత్వంలో రూపొందుతున్న సైన్స్ ఫిక్షన్ మూవీ ‘కల్కి 2898 ఏడీ’ (Kalki 2898 AD). ఇందులో ప్రముఖ నటుడు అమితాబ్ బచ్చన్ అశ్వత్థామగా (Ashwathama) కనిపించనున్నారు. -
ఇక్కడ ప్రభాస్, విష్ణు.. అక్కడ రజనీకాంత్, కమల్ హాసన్: వీరి చిత్రాల స్పెషల్ ఏంటంటే?
ప్రముఖ నటులు కొందరు కలిసి నటిస్తున్న చిత్రాలపై ప్రత్యేక కథనం. ఎవరెవరు ఏయే సినిమాల్లో నటిస్తున్నారంటే? -
నాయికలు ‘తెర’ పంచుకుంటే.. వినోదం పెంచినట్టే
త్వరలో విడుదల కాబోయే సినిమాలు ప్రేక్షకులకు రెట్టింపు వినోదాన్ని పంచడానికి సిద్ధమవుతున్నాయి. అందుకు కారణం ఒకే మూవీలో ఇద్దరు/ ముగ్గురు హీరోయిన్లు కలిసి నటిస్తుండటమే.. -
సీనియర్ హీరోయిన్ల జోరు ‘తగ్గేదే లే’.. ఎవరెన్ని సినిమాలతో బిజీగా ఉన్నారంటే?
టాలీవుడ్ సీనియర్ హీరోయిన్లపై ప్రత్యేక కథనం. త్రిష, నయనతార, తమన్నా.. ఇలా ఎవరెవరు ఎన్ని సినిమాలతో సందడి చేసేందుకు సిద్ధంగా ఉన్నారంటే? -
పృథ్వీరాజ్ సుకుమారన్ బెస్ట్ మూవీస్.. ఇప్పుడు ‘ఆడుజీవితం’.. ఇంతకుముందు?
పృథ్వీరాజ్ సుకుమారన్ నటించిన ఉత్తమ చిత్రాలు ఏంటంటే..? -
ఆ అవార్డు అందుకున్న తొలి వ్యక్తిని నేనే అని తెలిసి షాకయ్యా.. అల్లు అర్జున్
నటుడు అల్లు అర్జున్ (Allu Arjun) పుట్టినరోజు నేడు. ఈ సందర్భంగా ఆయనకు సంబంధించిన పలు ఆసక్తికర విశేషాలు.
![ap-districts](https://assets.eenadu.net/_assets/_images/ap-districts.jpg)
![ts-districts](https://assets.eenadu.net/_assets/_images/ts-districts.jpg)
తాజా వార్తలు (Latest News)
-
ధన్ఖడ్, ఖర్గే సంభాషణ.. సభలో నవ్వులే నవ్వులు!
-
భారాస ఎమ్మెల్యే పల్లా రాజేశ్వర్రెడ్డి అరెస్ట్
-
ఏఎన్యూ వీసీ రాజీనామా.. వర్సిటీలో సంబరాలు
-
సమాచారం కావాలంటే.. ఇక వాట్సప్లో సెర్చ్ చేయొచ్చు!
-
ఆర్సీబీలోకి దినేశ్ కార్తిక్ రీఎంట్రీ.. కీలక బాధ్యతలు అప్పగించిన ఫ్రాంఛైజీ
-
‘తంగలాన్’ అప్డేట్ ఇచ్చిన మ్యూజిక్ డైరెక్టర్..