ఈటీవీ విన్‌లో శశి మథనం

‘దాగుడు మూతలు దండా కోర్‌.. ఎక్కడి ప్రేమికులు అక్కడే గప్‌చుప్‌’’ అంటూ తమ కుటుంబ సభ్యులకు తెలియకుండా ఓ యువజంట వారి ప్రేమను దక్కించుకోవడానికి తాపత్రయపడుతున్నారు. మరి వారి కథేంటనేది తెలియాలంటే ‘శశి మథనం’ వెబ్‌సిరీస్‌ చూడాల్సిందే. సోనియా సింగ్, పవన్‌ సిద్ధు జంటగా నటిస్తున్న రొమాంటిక్‌ కామెడీ ఎంటర్‌టైనర్‌ ఇది. ఈ సిరీస్‌ను వినోద్‌ గాలి రూపొందిస్తున్నారు. ఇటీవలే విడుదలైన ట్రైలర్‌కు ప్రేక్షకుల నుంచి మంచి స్పందన వచ్చింది. తాజాగా ఈ సిరీస్‌ను ప్రముఖ ఓటీటీ వేదికైనా ఈటీవీ విన్‌లో గురువారం విడుదల చేస్తున్నట్లు ప్రకటించింది సిరీస్‌ బృందం. హరీశ్‌ కొహిర్కర్‌ నిర్మిస్తున్నారు. మరి నవ్వులు పూయించే కామెడీతో సాగుతున్న ఈ ప్రేమకథ ఎలాంటి మలుపులు తిరిగిందో మీరూ చూసేయండి.