చేరాలమ్మా తారా తీరాలే..

‘డార్లింగ్‌’తో థియేటర్లలో సందడి చేయనున్నారు నభా నటేశ్, ప్రియదర్శి. ఈ ఇద్దరూ జంటగా నటించిన ఈ చిత్రాన్ని అశ్విన్‌రామ్‌ తెరకెక్కించారు. కె.నిరంజన్‌ రెడ్డి, చైతన్య సంయుక్తంగా నిర్మించారు. బ్రహ్మానందం, అనన్య నాగళ్ల తదితరులు ముఖ్య పాత్రలు పోషించారు. ఈ సినిమా ఈనెల 19న థియేటర్లలోకి రానుంది. ఈ నేపథ్యంలో మంగళవారం ఈ చిత్రం నుంచి రెండో పాటను విడుదల చేశారు. ‘‘చేరాలమ్మా తారా తీరాలే.. కరిగేపోవా దూరాలే’’ అంటూ సాగిన ఈ గీతానికి వివేక్‌ సాగర్‌ స్వరాలు సమకూర్చగా.. కాసర్ల శ్యామ్‌ సాహిత్యమందించారు. కపిల్‌ కపిలన్‌ ఆలపించారు. ‘‘కొత్తదనం నిండిన కథతో ఆహ్లాదభరితమైన రొమాంటిక్‌ కామెడీ ఎంటర్‌టైనర్‌గా దీన్ని ముస్తాబు చేస్తున్నాం. ఇది అన్ని వర్గాల ప్రేక్షకుల్ని అలరించేలా ఉంటుంది’’ అని చిత్రవర్గాలు తెలిపాయి.