‘మిస్టర్‌ ఎక్స్‌’ పూర్తి చేశాడు

తమిళ కథానాయకుడు ఆర్య ప్రధాన పాత్రలో నటిస్తున్న చిత్రం ‘మిస్టర్‌ ఎక్స్‌’. మను ఆనంద్‌ దీన్ని తెరకెక్కిస్తున్నారు. యాక్షన్‌ థ్రిల్లర్‌గా రూపొందుతున్న ఈ సినిమాలో గౌతమ్‌ కార్తిక్, శరత్‌ కుమార్‌ కీలక పాత్రలు పోషిస్తున్నారు. మంజు వారియర్, అనఘ కథానాయికలు. తాజాగా ఈ సినిమా చిత్రీకరణ పూర్తయినట్లు తెలుపుతూ.. సామాజిక మాధ్యమాల వేదికగా కొన్ని ఫొటోల్ని పంచుకుంది చిత్రబృందం. ‘‘విజయవంతంగా షూటింగ్‌ను పూర్తి చేశాం. మునుపెన్నడూ చూడని ఓ కొత్తదనం నిండిన కథతో త్వరలో మీ ముందుకు వస్తామ’’ని వ్యాఖ్యల్ని జోడించింది. ఒకే లక్ష్యంతో ముందుకు సాగుతున్న ఇద్దరు యువకుల ప్రయాణం చుట్టూ ఈ సినిమా కథ తిరుగుతుంది. త్వరలో విడుదల తేదీని ప్రకటించనున్నట్లు తెలిపారు.