CSI Sanathan: రెండు ఓటీటీల్లో ఆది ‘CSI సనాతన్‌’ సందడి.. ఎక్కడంటే?

ఇంటర్నెట్‌ డెస్క్‌: జయాపజయాలతో సంబంధంలేకుండా వరుస సినిమాలు చేసే హీరో.. ఆది సాయికుమార్‌ (Aadi Saikumar). గతేడాది ఐదు సినిమాలతో ప్రేక్షకుల ముందుకొచ్చిన ఆయన ఈ సంవత్సరం ఇప్పటికే ‘సి. ఎస్‌. ఐ. సనాతన్‌’ (CSI Sanatan) చిత్రంతో ఆకట్టుకున్నారు. థియేటర్లలో మార్చి 10న విడుదలైన ఈ సినిమా ప్రస్తుతం రెండు ఓటీటీల్లో (ott) విడుదలై, సందడి చేస్తోంది. అమెజాన్‌ ప్రైమ్‌ వీడియో (amazon prime video), ఆహా (aha) యాప్స్‌లో ఈ సినిమా స్ట్రీమింగ్‌ అవుతోంది. క్రైమ్‌ థ్రిల్లర్‌ నేపథ్యంలో దర్శకుడు శివశంకర్‌ దేవ్‌ తెరకెక్కించిన ఈ సినిమాలో ఇన్వెస్టిగేషన్‌ ఆఫీసర్‌గా ఆది కనిపించి, మెప్పించారు. ఆయన సరసన మిషా నారంగ్‌ నటించింది. నందిని రాయ్‌, అలీ రెజా తదితరులు కీలక పాత్రలు పోషించారు. ప్రస్తుతం మరికొన్ని సినిమాల్లో నటిస్తూ బిజీగా ఉన్నారు ఆది.