Alia Bhatt: అంతర్గత శత్రువులతో పోరుకి సిద్ధం

యశ్‌రాజ్‌ ఫిల్మ్స్‌ స్పై యూనివర్స్‌ చిత్రాలపై ప్రేక్షకులకు మొదట్నుంచీ భారీ అంచనాలే ఉంటాయి. ఇప్పుడందులో లేడీ ప్రధాన స్పై సినిమా రూపుదిద్దుకుంటోందంటే అవి ఆకాశాన్నంటుతాయి. అలియా భట్‌ ప్రధాన పాత్రలో శివ్‌ రావేల్‌ ఈ సరికొత్త గూఢచార చిత్రాన్ని తెరకెక్కిస్తున్న సంగతి తెలిసిందే. శార్వరీ వాఘ్‌ కీలక పాత్ర పోషిస్తోంది. ఈ ప్రాజెక్ట్‌ చిత్రీకరణ ఈనెల 15న ముంబయిలో ప్రారంభం కానున్నట్లు తెలుస్తోంది. అదయ్యాక తదుపరి షెడ్యూల్‌ని కశ్మీర్‌లో ప్లాన్‌ చేస్తున్నట్లు సమాచారం. ఈ సినిమా భారత్‌-పాక్‌ ఘర్షణల నేపథ్యంలో కాకుండా.. దేశ అంతర్గత శత్రువులతో అలియా, శార్వరీలు తలపడటంగా ఉంటుందని సన్నిహితవర్గాలు తెలిపాయి. ఇందులో బాబీ దేవోల్‌ ప్రతినాయకుడిగా, సీనియర్‌ నటుడు అనిల్‌కపూర్‌ ముఖ్య భూమికలో కనిపించనున్నారు. దీనికోసం అలియా, శార్వరీలు అప్పుడే కసరత్తులు కూడా మొదలు పెట్టారట.