Sam Pitroda: ఓవర్సీస్‌ ఛైర్మన్‌గా శామ్‌ పిట్రోడా పునర్నియామకం

దిల్లీ: కాంగ్రెస్‌ పార్టీ (Congress) ఓవర్సీస్‌ ఛైర్మన్‌గా శామ్‌పిట్రోడా (Sam Pitroda) తిరిగి నియమితులయ్యారు. హస్తం పార్టీ అధ్యక్షుడు మల్లికార్జున ఖర్గే ఆయనను తిరిగి నియమించారు. ఈ విషయాన్ని పార్టీ సీనియర్‌ నేత కేసీ వేణు గోపాల్‌ ఓ ప్రకటనలో వెల్లడించారు. 

ఎన్నికల సమయంలో కాంగ్రెస్‌ నేత శామ్‌ పిట్రోడా వారసత్వ పన్ను విధానంపై చేసిన వ్యాఖ్యలు తీవ్ర దుమారం రేపిన సంగతి తెలిసిందే. అమెరికాలోని ఓ విధానాన్ని ఉటంకిస్తూ.. ‘‘ఒక వ్యక్తి దగ్గర 100 మిలియన్ల డాలర్ల విలువైన సొత్తు ఉందనుకుంటే.. ఆ వ్యక్తి మరణం తర్వాత అందులో సుమారు 45 శాతం మాత్రమే వారసులకు బదిలీ అవుతుంది. మిగిలిన 55 శాతాన్ని ప్రభుత్వం స్వాధీనం చేసుకుంటుంది’’ అని వ్యాఖ్యానించడం తీవ్ర చర్చనీయాంశంగా మారింది. 

జీరో FIR, ఆన్‌లైన్‌ ఫిర్యాదులు.. జులై 1 నుంచే కొత్త చట్టాలు!

ఆ తర్వాత ఆయన చేసిన వ్యాఖ్యలతో తమకు సంబంధం లేదంటూ కాంగ్రెస్‌ పేర్కొంది. ఈ నేపథ్యంలో పిట్రోడా తన పదవికి రాజీనామా చేశారు. తాజాను ఆయనను తిరిగి అదే పదవిలో నియమించడం గమనార్హం.