తొక్కిసలాట.. విషాదాలు

దిల్లీ: దేశంలో మతపరమైన కార్యక్రమాలు, ఇతర సందర్భాల్లోనూ పలుమార్లు తొక్కిసలాటలు చోటుచేసుకున్నాయి. అలాంటి ఘటనల్లో భారీ ఎత్తున భక్తులు, సామాన్యులు దుర్మరణం పాలయ్యారు. అటువంటి విషాద దుర్ఘటనల వివరాలు..

• 2005: మహారాష్ట్రలోని మంధర్‌దేవీ ఆలయంలో జరిగిన తొక్కిసలాటలో 340 మంది భక్తులు దుర్మరణం పాలయ్యారు.
• 2008: రాజస్థాన్‌లోని చాముండా దేవీ దేవాలయంలో 250 మంది మృతి చెందారు.
• 2008: హిమాచల్‌ప్రదేశ్‌లోని నైనా దేవీ కోవెలలో 162 మంది అసువులు బాశారు.
• 2010, మార్చి 4: ఉత్తర్‌ప్రదేశ్‌లోని ప్రతాప్‌గఢ్‌ జిల్లాలో కృపాల్‌ మహరాజ్‌కు చెందిన సీతారాముల మందిరం వద్ద ఉచితంగా అందించే దుస్తులు, ఆహారం తీసుకోవడానికి జనం ఒక్కసారిగా వచ్చిన సందర్భంగా జరిగిన తోపులాటలో 63 మంది మృతి చెందారు.
• 2011, జనవరి 14: కేరళలోని ఇడుక్కి జిల్లా పుల్‌మేడు వద్ద ఓ జీపు ప్రమాదానికి గురైన సందర్భంగా చోటుచేసుకున్న తొక్కిసలాటలో 104 మంది అయ్యప్పస్వామి భక్తులు దుర్మరణం పాలయ్యారు. 
• 2013, అక్టోబరు 13: మధ్యప్రదేశ్‌లోని దతియా జిల్లాలో రత్నగఢ్‌ ఆలయంలో నవరాత్రి ఉత్సవాల సందర్భంగా జరిగిన తోపులాటలో 115 మంది అసువులు బాశారు.
• 2014, అక్టోబరు 03: బిహార్‌లోని పట్నాలో గల గాంధీ మైదాన్‌లో చోటుచేసుకున్న తొక్కిసలాటలో 32 మంది మరణించారు. 
• 2022, జనవరి 01: జమ్మూకశ్మీర్‌లోని మాతా వైష్ణోదేవీ ఆలయంలో జరిగిన తొక్కిసలాటలో 12 మంది భక్తులు చనిపోయారు.
• 2023, మార్చి 31: మధ్యప్రదేశ్‌లోని ఇందౌర్‌లో బావి కూలి 36 మంది మృతి చెందారు.