- TRENDING
- NEET Row
- Union Budget 2024
- T20 World Cup 2024
‘డేటింగ్ యాప్’తో.. ఘరానా మోసం
సివిల్స్కి సిద్ధమవుతున్న ఓ యువకుడు ‘డేటింగ్ యాప్’ల మాయలో పడి రూ.1.2 లక్షలు కోల్పోయిన సంఘటన దిల్లీలో చోటుచేసుకుంది. బాధితుడు పోలీసులకు ఫిర్యాదు చేయడంతో.. దాని వెనకున్న ముఠా ఆగడాలు వెలుగులోకి వచ్చాయి.
ముఠా గుట్టును రట్టు చేసిన దిల్లీ పోలీసులు
దిల్లీ: సివిల్స్కి సిద్ధమవుతున్న ఓ యువకుడు ‘డేటింగ్ యాప్’ల మాయలో పడి రూ.1.2 లక్షలు కోల్పోయిన సంఘటన దిల్లీలో చోటుచేసుకుంది. బాధితుడు పోలీసులకు ఫిర్యాదు చేయడంతో.. దాని వెనకున్న ముఠా ఆగడాలు వెలుగులోకి వచ్చాయి. వెర్షా పేరుతో ఓ డేటింగ్ యాప్లో పరిచయమైన యువతి పుట్టినరోజు వేడుకల కోసం ఓ యువకుడు గత ఆదివారం ఈస్ట్ దిల్లీ వికాస్ మార్గ్లోని బ్లాక్ మిర్రర్ కేఫ్కు వెళ్లాడు. ఇద్దరూ కాసేపు మాట్లాడుకున్నాక.. స్నాక్స్ ఆర్డర్ చేశాడు. అవి రాగానే.. అత్యవసరమంటూ యువతి జారుకుంది. రూ.వెయ్యి కూడా కాని ఆ స్నాక్స్కు కేఫ్ వాళ్లు రూ.1,21,917.70 బిల్లు వేయడంతో.. కట్టేది లేదని అతడు గొడవకు దిగాడు. కట్టకపోతే వదిలే ప్రసక్తే లేదని నిర్వాహకులు అతడిని బంధించారు. తప్పక ఆ మొత్తం కట్టేసిన యువకుడు.. నేరుగా పోలీస్స్టేషన్కు వెళ్లి ఫిర్యాదు చేశాడు. కేసు నమోదు చేసిన పోలీసులు.. విచారణ చేపట్టగా విస్తుపోయే నిజాలు బయటపడ్డాయి.
ఆమె పేరుతో అతడు..
ఆన్ష్ గ్రోవర్, వాన్ష్ పాహవా అనే ఇద్దరు మిర్రర్ కేఫ్ను నడిపిస్తున్నారు. అక్కడి టేబుల్ మేనేజర్లలో ఆర్యన్ ఒకడు. వీరంతా ఓ ముఠా. ఇందులో అఫ్సాన్ పర్వీన్ అనే 25 ఏళ్ల యువతి కూడా ఉంది. వెర్షా అనే డమ్మీ పేరుతో డేటింగ్ యాప్లో ఓ అకౌంట్ సృష్టించి.. ఆర్యన్ మేనేజ్ చేస్తున్నాడు. యాప్లో యువకుడితో పరిచయమయ్యాక, జూన్ 23న తన పుట్టినరోజని చెప్పి.. బ్లాక్ మిర్రర్ కేఫ్కు రావాలని వెర్షా పేరిట ఆర్యన్ వల విసిరాడు. ఆమె ఫొటోలనూ పంపడంతో నిజమేనని నమ్మిన యువకుడు కేఫ్కు వెళ్లి మోసపోయాడు. దర్యాప్తు నిమిత్తం పోలీసులు కేఫ్కు వెళ్లగా.. పక్కనే ఉన్న ఓ హోటల్లో ముంబయికి చెందిన వ్యక్తితో ఆ యువతి ఉన్నట్లు తెలిసింది. తమదైన శైలిలో ఆమెను విచారించగా అసలు విషయం బయటపెట్టింది. ఆ వ్యక్తి కూడా మరో డేటింగ్ యాప్లో పరిచయమైనవాడేనని తెలియడంతో పోలీసులు అవాక్కయ్యారు. యువకులను ట్రాప్ చేసి కేఫ్, హోటల్కు రప్పిస్తారనీ.. ఇష్టానుసారం బిల్లు వేసి అందరూ వాటాలుగా పంచుకుంటారంది. డేటింగ్ యాప్ విషయం బయటపడుతుందనే భయంతో దాదాపు అందరూ బిల్లు కట్టేసి వెళ్లిపోతుంటారని యువతి పేర్కొంది. దీంతో నిందితులందర్నీ పోలీసులు అరెస్టు చేశారు.
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
రోజూ దేవుణ్ని ప్రార్థిస్తున్నాడని మరణశిక్ష జీవితఖైదుగా మార్పు
ఒడిశా హైకోర్టు తాజాగా సంచలన తీర్పు వెలువరించింది. ఆరేళ్ల బాలికపై హత్యాచారం కేసులో దోషిగా తేలిన ఎస్కే ఆసిఫ్ అలీకి ఒడిశాలోని జగత్సింగ్పుర్లో ఉన్న పోక్సో కోర్టు విధించిన మరణశిక్షను హైకోర్టు జీవిత ఖైదుగా మార్చింది. -
ఎంపీగా ఇంజినీర్ రషీద్ ప్రమాణానికి ఎన్ఐఏ అనుమతి
ఉగ్రనిధుల కేసు నిందితుడు ఇంజినీర్ రషీద్ ఎంపీగా ప్రమాణం చేసేందుకు జాతీయ దర్యాప్తు సంస్థ (ఎన్ఐఏ) అనుమతి ఇచ్చింది. -
స్వచ్ఛంద సంస్థల రెన్యువల్ చెల్లుబాటు గడువు పెంపు
విదేశీ విరాళాల నియంత్రణ చట్టం (ఎఫ్సీఆర్యే) కింద నమోదైన అన్ని స్వచ్ఛంద సంస్థల (ఎన్జీవోల) చెల్లుబాటు గడువును మరోసారి పెంచుతున్నట్లు కేంద్ర హోం మంత్రిత్వ శాఖ ప్రకటించింది. -
భారతీయులకు మాతృభూమిపై ప్రేమ, భక్తి ఎన్నటికీ తరగవు
బయటి ప్రపంచానికి భారత్పై ఎలాంటి అభిప్రాయం ఉన్నా, దేశంలో ప్రతి ఒక్కరికీ మాతృభూమిపై తరగని ప్రేమ, భక్తి ఉంటాయని, ఎన్ని వైరుధ్యాలున్నా భారత్ ఒకే దేశంగా నిలిచిందని రాష్ట్రీయ స్వయంసేవక్ సంఘ్(ఆర్ఎస్ఎస్) చీఫ్ మోహన్ భాగవత్ పేర్కొన్నారు. -
మేధా పాట్కర్కు 5 నెలల జైలు శిక్ష
ఇరవై మూడేళ్ల క్రితంనాటి పరువు నష్టం దావాలో ఉద్యమకారిణి మేధా పాట్కర్కు దిల్లీ మెట్రోపాలిటన్ మేజిస్ట్రేట్ రాఘవ్ శర్మ సోమవారం అయిదు నెలల జైలు శిక్ష, రూ.10 లక్షల జరిమానా విధించారు. -
పార్లమెంటులో జర్నలిస్టులపై ఆంక్షలను తొలగించండి: ఎడిటర్స్ గిల్డ్
పార్లమెంటు కార్యకలాపాలను కవర్ చేసే మీడియా ప్రతినిధులపై కొవిడ్ సమయంలో విధించిన ఆంక్షలను తొలగించాలంటూ స్పీకర్ ఓం బిర్లా, రాజ్యసభ ఛైర్మన్ జగదీప్ ధన్ఖడ్లకు ఎడిటర్స్ గిల్డ్ ఆఫ్ ఇండియా లేఖ రాసింది. -
అమల్లోకి వచ్చిన కొత్త నేర చట్టాలు
కొత్త నేర, న్యాయ చట్టాలతో కేసుల దర్యాప్తు, విచారణలో వేగం పెరిగి, సత్వర న్యాయం అందుతుందని కేంద్ర హోంమంత్రి అమిత్ షా తెలిపారు ఎఫ్ఐఆర్ నమోదు దశ నుంచి సుప్రీంకోర్టు స్థాయి వరకు మూడేళ్లలోగా కేసుల పరిష్కారం జరుగుతుందన్నారు. -
నీట్ రీ-టెస్ట్ ఫలితాలు విడుదల
నీట్ యూజీ 2024 పరీక్షలో గ్రేస్ మార్కులు పొందిన అభ్యర్థులకు మళ్లీ నిర్వహించిన పరీక్ష ఫలితాలను జాతీయ టెస్టింగ్ ఏజెన్సీ (ఎన్టీఏ) సోమవారం విడుదల చేసింది. -
సాధారణానికి మించి ఈ నెలలో వర్షాలు: ఐఎండీ
దేశంలో ఈ నెలలో సాధారణానికి మించి వర్షాలు కురుస్తాయని భారత వాతావరణ విభాగం (ఐఎండీ) అంచనా వేసింది. -
నిర్దేశిత విధానంలోనే ప్రమాణం చేయండి
పార్లమెంటులో ప్రమాణం చేసేటప్పుడు రాజ్యాంగంలోని మూడో షెడ్యూల్లో నిర్దేశించిన విధానాన్నే అనుసరించాలని లోక్సభ సభ్యులకు స్పీకర్ ఓం బిర్లా స్పష్టం చేశారు. -
సంక్షిప్త వార్తలు
ప్రస్తుత రైల్వే టైం టేబుల్ను డిసెంబరు 31 వరకూ పొడిగిస్తూ రైల్వే జోన్లు సర్క్యులర్లు జారీ చేశాయి. సవరించిన రైళ్ల రాకపోకల సమయాలను సూచించే టైం టేబుల్ను ఏటా జూన్ 30కి ముందు రైల్వే సంస్థలు విడుదల చేస్తుంటాయి.
![ap-districts](https://assets.eenadu.net/_assets/_images/ap-districts.jpg)
![ts-districts](https://assets.eenadu.net/_assets/_images/ts-districts.jpg)
తాజా వార్తలు (Latest News)
-
ఎమ్మెల్సీ అభ్యర్థులుగా సి.రామచంద్రయ్య, హరిప్రసాద్
-
లోక్సభ ప్యానెల్ స్పీకర్గా తెదేపా ఎంపీ కృష్ణప్రసాద్
-
రేషన్ సరకుల వ్యాన్పై జగన్ బొమ్మ.. రెవెన్యూ సిబ్బందిపై ఎమ్మెల్యే ఆగ్రహం
-
హైదరాబాద్లో ఐపీఎస్ వర్సెస్ ఎమ్మెల్యే..!
-
విధులు మరిచి ఈల వేసి గోల చేసి.. మందుబాబులతో ఏఎస్సై నిర్వాకం
-
నేపాల్కు పాకిన వైకాపా అక్రమాలు